Roker Proat 2018 J27 nr3

TONEELVERENIGING ROKE
Beste mens’n,
De meeste luu bint weer terug van de
vakaansie en zo zachies an pakt iederiene
de droad weer op.
In de veurige proat schreef ik dat de
jaorvergadering nog niet was west en
dat jullie belangrieke informatie nog
tegoed hadden. Inmiddels ist al zolange
leene dat ik enorm mut graam’
en mien geheug’n weer ff mut opfrissen.
Ha, ha maar dat ist risico van ’t
vak!
Er waar’n dit joar maar liefst 4 jubilarissen
die in de schijnwerpers stunden en
in de bloemegies bint zet.
Arjan Klokkert, Hendrik Jan Bruggeman
en Rolien Koops bint 12 ½ jaor lid en
Ina Drenten is maar liefst 35 joar lid.
Prachtig toch, nogmaals van harte gefeliciteerd
luu!
Het neje seizoen stied veur de deur,
neje ronde, nej toneelstuk, neje kaansen
en dat onder leiding van een “neje”
regisseur in de persoon van Henk Peeneman.
’t Giet mooi, wej bint al drok ant repeteern’
west veur de vakaansie en echt
luu…..ie mut van ’t winter komm’n kieken
want het wörd echt groeweluk
mooi!!
Aj komt…dan kieke naor ’t toneelstuk
met de titel Bokkesprongen.
Het stuk is schreeem’n deur D.J. Eggengoor
en daornoa bewerkt deur deze
en gene.
Het dreit eigenluk allemaole um Frederik,
hij is joarig wörd 70 jaor en de hele
familie komt. Ze zit te wachen op de
erfenis en loat dat mangs marken ok.
De buren helpt en bint ok van de partij
en dan komt d’r plotseling een oale
jeugdvriendin op t feest. De familie raakt
in de warre, vrög zich van alles of…..
Uuteindeluk giet Frederik op vakaansie
en tja…. d’r ontstoat allerlei hilarische,
komische situaties die jullie better zelf
kunt komm’n bekieken!
Luu, hoal de anplakbiljetten en de advertenties
in de gaten en veul oe enorm
welkom op één van oese toneeluutvoeringen.
Stel het lek oe wal leuk om is te
kieken hoe het er toe giet op een repetitie
oamd, kom dan gerust een bakkie
koffie drinken op de moandagoamd.
Tot de volgende proat!
Marchien
15