Besighede moes sluit

More documents

Recommendations

Info

BLADSY 2 Plaashumor • Ebeth Müller Van kleinsaf het ek dikwels diere as geskenk gekry. Die eerste een was 'n wyfiekat op my tiende verjaarsdag by ou Rosie, die ma van my swart speelmaatjie Dabie. 'n Slim bont kat, wat my alles was. Maar een oggend, terwyl my ma in die badkamer my hare staan en vleg, het ons snaakse piepgeluidjies vanuit die wasgoedmandjie gehoor. My ma het net een kyk en 'n gil gegee. Daar het Kato, oorlaai met moederliefde, haar pasgebore babatjies lê en skoonlek. "Die wasgoed! Ou Sanna, kom help!" Ek is skool toe en die middag het ek na die groot boks in die buitekamer gaan kyk na die dierbare mooiste ou katjies. Die liefde van my het nie lank gehou nie, want Kato se kinders het grootgeword en behalwe muise, onder my ma se kosbare kuikens ingevaar. Een middag na skool het ek by die huis gekom en Kato so half verwese op die stoep sien sit. Dit was ook nie lank daarna nie, toe staan sy op die werf, stert in die lug en weeklaag. Ek het nie geweet sy soek weer babatjies nie en het geglo sy wil dood gaan. Dis waar ma die stomme kat vang en vir ou Sanna skree: "Bring die bottel met die terpentyn!" Net een smeer onder die stert en Kato was weg voor, tot vandag toe. Ons het 'n hele apteek in die huis gehad, met die hulp van wyle Attie Howell en Nico Veltman. Dit was, jy kan maar sê 'n gelling hoesmedisyne, maagwerkmedisyne, pynpille, pleisters, verbande, ontsmettingsmiddels, grieppille. Net noodgevalle was mee dokter of hospitaal toe gejaag. Ons het 'n groot boerdery met elf permanente werkers gehad. In stroop- of planttyd om ure by 'n dokter te gaan wag, was nie net die werker afwesig en het sy werk stilgestaan nie, maar ook myne. Ek was vir jare die "voorman" en stuurjonge op die plaas. In die buurte het van daardie werkers ook partykeer gou 'n ietsie kom vra vir 'n siekte in sy gesin. Eendag kom so 'n jong swartman daar aan HEILBRON HERALD, VRYDAG 25 JANUARIE 2013 en sê sy ma is baie siek, hy hoor ek het "marsyne", of ek kan help. Alles was na- tuuurlik gratis, deel van my man se goeie dade. Nou vra ek vir hom. "Wat makeer jou ma?" "Eish, ek kan nie sê nie". "Maar ek moet weet. Is sy verkoue en hoes sy, of is die kop seer, of die maag?" vra ek. "Ek kan nie sê nie, jy praat nie so ding van jou ma nie!" "Kots sy?" "Aikkona, is annerding, erger as kots." "Werk sy maag", vra ek. "Nie werk nie, sy sy's te siek". "O, die pens hy's seer? Sy hardloop by die bome?" "E-ja. Kwaai." Hy's weg met maagwerkmedisyne." 'n Paar dae later daag die vrou daarop met 'n jong kalkoenmannetjie as 'n teken van dankbaarheid. Kalkoen het los op die werf geloop en allerhande goggas en los mieliepitte by die dorsvloer geëet. Hy het op die agterstoep op sy eie sak saam met die honde lê en slaap saans. Toe koop my man vir hom 'n Scramble motorfiets om soggens die vee en drade te inspekteer. Kalkoen was nou uitgegroei en het van die nuwe stellasie van hom gehou. Elke oggend het my man al meer kru-taal op die agterstoep begin praat, en elke oggend was die donderweer al erger as hy by die motorfiets kom. Toe begin kalkoen terugpraat. As my man die motorfiets se saal by die kraan afspoel, staan hy en "Koeloekoeloe" terug. So het dit dag vir dag gegaan. Bedags loop Kalkoen na die bure se statte na die wyfies toe. Short-cut deur die land en saans na sy motorfiets toe. Toe het Kalkoen skielik ophou terugkom en ons het hom gemis. Nadat ek bostelefoon geslaan het, het dit uitgekom dat die vrou 'n man opgetel het in Gauteng en nie net haar kalkoenwyfies saamgeneem het nie, maar ook vir Kalkoen. Kort daarna is my man gekies as diaken, toe sê ek: "Neem maar aan, jou taalgebruik is nou beter!" Inwoner geteister deur onluste in Sasol-Zamdela ’n Mens se grootste vrees is dat jy by ’n vierrigtingstop stilhou en jy word gekaap. Maar in dié geval was dit ’n vrees van onluste. ’n Inwoner van Sandersville, mnr Pieter Pietersen (pensioenaris), was Maandag op pad terug Heilbron toe nadat hy sy kinders by die skool in Sasolburg gaan aflaai het. By die vierrigtingstop duskant Sasolburg het hy uit sy kar geklim en saam met die skare beweeg om veilig te wees. "Die volgende oomblik wat ek sien was dat hulle my kar met klippe gooi en dit aan die brand gesteek het met petrolbomme". Die Fiat Uno is in die insident onherstelbaar beskadig. Foto bo: Die sigsagpatroon rondom die Voortrekkermonument. Foto onder: Die sigsagpatroon by Groot Zimbabwe. Bloedrivier 175 jaar Moerdijk se ontwerp vir die Voortrekkermonument Gerhard Moerdijk het die volgende riglyne vir die ontwerp van die monument voor oë gehou. Aangesien die Monument vir ‘n millenium of langer aan groot dade moes herinner, moes dit ruim van opvatting wees en eer toeken aan dié wat eer waardig is. Dit was waarom nie net die waardige dade van die Voortrekkers in die Monument uitgebeeld word nie, maar spesifiek op die historiese friese ook dié van lede van ander gemeenskappe, soos die Britte (vrederegter Phillips op paneel 2), Portugese (die Goewerneur se vrou op paneel 4), Morokko op paneel 8 en Italianers (Teresa Viglione op paneel 15.) Die Monument moes die karakter van die Voortrekkers vertolk. Daarom het Moerdijk homself afgevra: Wat sou die Voortrekkers self gedoen het as hulle so ‘n monument moes bou? Sy antwoord was dat hulle hul op die Bybel sou beroep. Gevolglik het Moerdijk self na die Bybel gegaan. Vir hom was daar ‘n vergelyking tussen Abraham, wat sy geboorteland verlaat het om ‘n nuwe staat te gaan stig, en die Voortrekkers wat die Kaapkolonie verlaat het om hulle eie staat vry van Britse beheer te vestig. In die Bybel staan geskrywe dat Abraham by verskeie geleenthede ‘n altaar gebou het. Moerdijk was daarvan oortuig dat die Voortrekkers dieselfde sou gedoen het. Hulle sou ‘n altaar wat offergawe en toewyding voorstel, gebou het. Daarom het hy die altaar -- in die vorm van die senotaaf -- sentraal in sy ontwerp van die Monument geplaas. Die senotaaf gedenk die hoogste offer wat die Voortrekkers vir hulle ideaal gebring het. In vergelyking met bouwerk in Afrika het Moerdijk geskryf dat hy die grootsheid van die kontinent Afrika in die Voortrekkermonument wou versinnebeeld. Volgens hom was daar net twee wat uitgestaan het, naamlik die piramides in Egipte en die Zimbabwe ruïnes. Baie van die motiewe en bouwerk in laasgenoemde is in die Voortrekkermonument ingebring. Die grootste kopseer was egter kostes. Die bouwerk is begin gedurende die depressie van 1933. Die Monumentekomitee het aanvanklik beraam dat die Monument sowat R120,000 sou kos. Die totale boukoste was uiteindelik R720,000. Hiertoe het die staat R680,000 bygedra en die komitee die oorblywende R40,000. Hierdie ekstra kostes is grootliks geïn deur die verkoop van posseëls. Die seëls het maar 1, 2, 3 en 6 pennies (sente in vandag se tyd) gekos. ‘n Mens kan amper nie glo dat jy R40,000 kan maak deur seëls teen daardie minimale bedrag te verkoop nie. Moenie die Affrikanervolk onderskat nie!
310 310 HEILBRON HERALD, VRYDAG 25 JANUARIE 2013 Die agtjarige Jancke Vrey van Heilbron het as gaskunstenaar opgetree tydens ’n ete wat by Huis Emily Hobhouse in Koppies aangebied is. Met baie selfvertroue sê sy self dat sy al verskeie kere opgetree het met haar sang. Sy het op vyfjarige ouderdom al begin sing. Op die foto verskyn vl me Annemarie Zitzke (bestuurder Huis Emily Hobhouse), mnr Hannes van Tonder (klankingenieur), Jancke Vrey en mnr Smittie Smith (voorsitter Huis Emily Hobhouse). Jaco en Gerda van der Westhuizen is op 20 Oktober 2012 in die huwelik bevestig. Jaco is die seun van Bertus en Louise van der Westhuizen. Die egpaar vestig hulle in Heilbron. Briewe van ons lesers Die volgende skrywe is ontvang van me Annemarie Harthoorn, Brooklyn, Pretoria: In Desember 2012 en begin Januarie 2013 was my moeder opgeneem in die Tokollo Hospitaal op Heilbron. Terwyl sy daar was het ek haar dikwels hier van Pretoria af gaan besoek, om die waarheid te sê het ek tussen Kersfees en Nuwejaar naby Heilbron oorgebly om haar elke dag te kan besoek. Die verpleegpersoneel was so vriendelik om my toe te laat om van 11:00 tot 17:00 by haar te bly. Ek wil graag vertel hoe beïndruk ek met hierdie hospitaal is. Ek het persoonlike ondervinding van hospitale hier in Pretoria, en ek kan eerlik sê dat Tokollo met die beste vergelyk. Dit is silwerskoon, netjies en blink. Die personeel is besonder besorgd oor die pasiënte, en ek dink die pasiënte kry net die beste behandeling. Die personeel is almal baie vriendelik: van die skoonmakers, verpleegsters, stafverpleegsters, susters tot die dokters. Almal het tyd vir die pasiënte, en ook vir 'n besoeker soos ek. Die hekwag se vriendelikheid en die pragtige tuin gee natuurlik die eerste goeie indruk. Ek wil almal daar graag bedank vir hulle wonderlike sorgsaamheid en vriendelikheid. (DANIE en TSAATS HATTINGH & JOHAN STADLER) Veilingspunt GPS koördinate: S27°12.389' E28°04.546' ROETE: VAN HEILBRON: Ry op die Frankfort teerpad vir 5 km. Draai links op pad S160. Ry vir 15 km. Draai links by plaas in. VAN FRANKFORT: Ry op die Heilbron teerpad vir 45 km. Draai regs op pad S160. Ry vir 15 km. Draai links by plaas in. VAN SASOLBURG: Ry op die Heilbron teerpad vir 30 km. Draai links op die S1220 pad. Ry vir 10 km tot by die T-aansluiting. Draai regs en ry vir 1 km. Draai links en ry vir 7 km tot by T-aansluiting. Draai regs en ry vir 5 km. Draai links by plaas in. BLADSY 3 44 Els Street HEILBRON Tel: 058 852 3033 heilbron.herald@ gmail.com CANNOSSA 2 DE JAARLIKSE AANTEELVEILNG!! WOENSDAG 30 JANUARIE 2013 om 11:00 te BONSMARAS & SIMBRAS NOTA: Dragtigheidstatus sal dag met veiling beskikbaar wees. Beeste is met Pyramid en “10-in-1" gespuit en ingeënt teen Knopvelsiekte en Slenkdalkoors. 70 BONSMARA KOEIE met 70 KALWERS. 60 BONSMARA KOEIE (dragtig). 50 BONSMARA VERSE (dragtig). 60 BONSMARA VERSE (oop). VERKOOPSVOORWAARDES (LOSGOED): 1. Slegs KONTANT of BANKGEWAARBORGDE TJEKS dag met veiling. 2. BTW word gehef. 3. Indien 'n item gekoop sou word d.m.v. 'n Landbank lening of huurkoop gefinansier sou word, moet dit minstens 14 dae vooraf met BKBLouwid kantoor te Frankfort gereël word. 4. Kopers moet afskrifte van hul BTW-sertifikate beskikbaar hê. 5. Internet oorbetalingsfasiliteite is vir u gerief beskikbaar. 6. ‘n Een persent kontanthanteringsfooi plus BTW word gehef op alle kontantbetalings. 7. Besigtig die veilingsreëls, bedinge en voorwaardes by www.bkb.co.za. 8. Voornemende kopers moet vooraf registreer met identiteitsdokument en bewys van verblyf. 9. Alle goedere word met 'n reserweprys verkoop en 'n reg bestaan om te bie deur of namens die eienaar of afslaers tensy anders aangedui. 10. Die regulasies van die Wet op Verbruikersbeskerming, 2008 is beskikbaar by http://www.info.gov.za/view/DynamicAction?pageid=623&myID=292342 AFSLAERS Posbus 220, Frankfort, 9830 Tel: 058 813 1071 Faks: 058 813 2317 E-pos: frankfort@bkblouwid.co.za Webblad: www.bkb.co.za Reg. No. 2005/026173/07 LARGE FORMAT PRINTING • Advertisements for vehicles • Magnet stickers • PVC banners • Canvas printing • Variety of Stickers • Signage • Printing on T-shirts HEILBRON VEILING NAVRAE: Piet Boshoff 083 210 7135 Afslaer: Rassie Lombard 082 900 7385 BKBLouwid, KROONSTAD: 056 215 1851 StaalkonStrukSieS • Fabrieke • Winkelsentrums • Plaasstore Bou en Beton • Fabrieke • Kantore • Winkelsentrums Skakel Piet du Toit by 083 262 2483 vir gratis kwotasies E-pos: admin@sanducivils.co.za CANNOSSA, HEILBRON. UITSTEKENDE KWALITEIT!
Page 1: www.heilbronherald.co.za WEEK 3 Dee
Page 5 and 6: Heilbron Herald EIENDOMME • EIEND
Page 7 and 8: Relay for life Wat is "Relay for li

Besighede moes sluit

You also want an ePaper? Increase the reach of your titles

Delete template?

Save as template?