Last ned kundemagasin - Stryn Energi AS

10
Elektriske artiklar
kostar deg stadig meir
Elektriske artiklar fører til eit
stadig høgare straumforbruk og
kostnadsnivå i norske hushald.
Om lag 15 prosent av straumforbruket i
hushaldet kjem frå kvite- og brunevarer.
Og forbruket aukar. Utviklinga kjem av nye
vanar. Vi kjøper fleire elektriske artiklar enn
tidlegare og bruker dei oftare. Auken skjer
trass i at energieffektiviteten per artikkel
har auka.
Giftige lyspærer
går rett i søpla
45 millionar lyspærer går rett
i søpla kvart år. Nordmenn har
dårlege vanar som gir eit stort
søppelproblem.
Miljøvernminister Bård Vegar Solhjell har
saman med administrerande direktør
Gunnar Murvold i RENAS sett i gang ein
kampanje for å bevisstgjere nordmenn om
avfallshandtering av lyspærer.
– Eg trur dei færraste ville ha kasta
dei brukte lyspærene i søpla dersom dei
hadde visst kor miljøskadeleg dette er.
Forbrukarane har rett og slett for lite kunnskap,
sa Gunnar Murvold då kampanjen
vart opna.
Alle lyspærer, sparepærer, LED- og
halogenpærer inneheld miljøgifter
– Verst er det at sparepærene kjem på
avvegar. Dei inneheld kvikksølv, eit stoff
som er ekstremt skadeleg, sa Solhjell på
den same opninga.
Alle som sel lyspærer og andre
lyskjelder, er pålagde å ta imot same type
produkt som avfall. Derfor vil du finne eigne
miljøstasjonar i butikkar som sel lyspærer.
Det er også mogleg å bruke kommunale
avfallsmottak.
Lyspærer som er leverte i butikk eller
til gjenvinningsstasjon, blir sende vidare
til spesialiserte anlegg som kan gjenvinne
lyspærene og ta hand om miljøgiftene på
ein trygg måte.
For meir informasjon:
www.bruktepærer.no
Skru elektriske apparat heilt av.
Gratis
straumsparetiltak
Effektiv energibruk treng ikkje koste skjorta. Vår Energi gir deg
tips om straumsparetiltak som er fullstendig gratis.
Om lag ein tredel av energiforbruket vårt blir
styrt av forbruksvanar. Enkle inngrep i kvardagsforbruket
kan vere lønnsame. Både for deg og
miljøet.
Luft lurt. Rask utlufting frå mange vindauge
skifter effektivt ut lufta i rommet. Vindu på gløtt i
lengre tid vil kjøle ned vegger og golv og i mindre
grad skifte ut luft. Påskrudde termostatomnar
vil bruke meir, og du opplever dårlegare lufting.
Regulerer temperaturen smart. Når ingen er
heime, eller når det er natt, lønner det seg å
senke temperaturen. Det er enkelt og rimeleg å
skaffe tidsur til panelomnane dine. Eit tidsur kan
senke temperaturen automatisk på bestemte
tider av døgnet. På denne måten kan du senke
temperaturen om natta og likevel vakne til eit
vanleg oppvarma hus. Tal frå Enova tyder på at
tidsur med termostat kan senke romoppvarmingskostnadene
med 15–20 prosent om dagen
og 8–10 prosent om natta.
Senk temperaturen. Tenk over kor varmt du
eigentleg må ha det heime. Dersom du senkar
temperaturen med éi grad, kan du redusere
oppvarmingskostnadene med fem prosent.
Bruk mindre varmtvatn. Sjekk kva temperatur
varmtvasstanken din står på. Varmtvatn utgjer
rundt 15–20 prosent av det totale energiforbruket
ditt. Det er ikkje nødvendig at varmtvasstanken
står på meir enn 70 grader. Men temperaturen
bør ikkje vere stilt lågare enn dette.
Unngå passivt straumsluk. Skru elektriske
apparat heilt av. Elektriske apparat bruker
straum i stand by-modus. Mange elektriske artiklar
i huset kombinert med dårlege rutinar kan
føre til eit unødvendig høgt straumforbruk.
TeKsT: Sigurd Nedrelid
FoTo: obH Nordica