Tilsynsrapport matrikkel - Kartverket

5
3. Dokumentunderlag
Dokumentunderlaget for undersøkinga var :
- Aktuelle lover og forskrifter
- Verksemda sin eigen dokumentasjon knytt til den daglege drifta og forhold som kan
verka inn på dei tema som ligg til grunn for undersøkinga.
Spesielt viktige dokumenter for gjennomføring av undersøkinga er lista i vedlegg 2.
4. Avvik
AVVIK 1
Hå kommune oppfyller ikkje krava til dokumentasjon av oppmålingsforretning.
Avvik frå: Matrikkellova § 33. Oppmålingsforretning, jf matrikkelforskriftene § 38
Kommentarar: Matrikkelforskriftene har detaljerte krav til protokoll og dokumentasjon frå
oppmålingsforretninga:
1. Matrikkelforskriftene § 38 har krav til innhaldet i protokollen for oppmålingsforretninga.
o § 38 første ledd, bokstav a, inneheld krav om referanse til delingsløyve.
o Første ledd, bokstav d, har krav til erklæring om habilitet.
2. Matrikkelforskriftene § 38 andre ledd, har krav til at grensepåvisinga ved forretninga skal
visast på eit kart som er basert på ei utskrift frå matrikkelen på tidspunktet for
oppmålingsforretninga. Dette skal dokumentere endringar i dei grensene som tidlegare
var ført i matrikkelen.
Avviket byggjer på følgjande observasjonar: Etter ei gjennomgang av utlånte saker har
tilsynet funne manglar ved protokoll og dokumentasjon på følgjande punkt, jf. kommentarar
ovanfor:
1. I dei utleverte frådelingssakene er opplysning om løyve etter plan- og bygningslova ikkje
referert i protokollen. Protokollane manglar i nokre saker erklæring om habilitet.
2. I dei utleverte sakene er grensemerking vist på kartvedlegg eller ved beskrivelse i
protokollen. Det går ikkje alltid fram kva som er gamal og ny grensemerking.
Grensemerking er ikkje teikna inn på utskrift av matrikkelen.
Under intervjuer og i sluttmøtet vart ovennevnde funn bekrefta.
AVVIK 2
Hå kommune oppfyller ikkje krava til merking og måling av grenser og dokumentasjon av
måling og utrekningar.