Tilsynsrapport matrikkel - Kartverket

6
Avvik frå: Matrikkellova § 34. Merking og måling av grenser, jf matrikkelforskriftene §§ 27, 41
Kommentarar: Matrikkelforskriftene har detaljerte krav til grensemerking, måling og
dokumentasjon av måle- og utrekningsarbeida.
1. Matrikkelforskriftene § 27 andre ledd, bokstav f, krev grunngjeving for å utelate
grensemerking. I matrikkelforskriftene § 41, første og andre ledd, vert det kravt at det ved
oppmålingsforretninga vert plassert godkjente grensemerke i alle knekkpunkt. Merking
kan berre utelatast viss det medfører vesentleg ulempe eller fare eller det på annan måte
ikkje er formålstenleg å setje ned godkjent grensemerke.
2. Matrikkelforskriftene § 41, fjerde og femte ledd, har krav til korleis måle- og
utrekningsarbeida skal dokumenterast i samsvar med gjeldande standardar.
Avviket byggjer på følgjande observasjonar: Etter gjennomgang av utlånte saker finn tilsynet
at nokre oppmålingsforretningar er ført i matrikkelen utan at grensene er fullstendig merka. I
dokumentasjonen er det ikkje grunngitt kvifor grensemerking er utelete i desse tilfella.
Det er ikkje laga ein rapport for utrekningar som tilfredsstiller ”Standard for stedfesting av
matrikkelenhets- og råderettsgrenser” kapittel 5.1.3. Standarden gir retningsliner for utforming
av rapporten. Denne rapporten skal blant anna dokumentere måleutstyr og målemetodar.
Resultatet av utrekningane skal vere vurdert og kommentert.
Tilsynet har merka seg at kommunen har utvikla malar som dokumenterer målingane og
utrekningane. Desse er ennå ikkje tatt i bruk.
Under intervjuer og i sluttmøtet vart ovennevnde funn bekrefta.