folkets tinghus - Statsbygg

ÅPENT ROM NR. 2 2012 aktuelt 07
i arbeid
Patologibygget
til sjukepleiarane
oslo. Patologibygget til det gamle
Rikshospitalet er no knytt saman med
eit nybygg via ein høg glasgard og blir
siste tilskotet for Høgskolen i Oslo.
Sjukepleiarutdanninga blir dermed samla
på éin stad. Statsbygg er byggherre for
prosjektet, som gir skolen 19 500 nye
kvadratmeter inkludert eit auditorium med
plass til 450 studentar og tre spesialrom
for estetiske fag. Når bygget blir ferdig mot
slutten av året, kan det ta imot 1500–
2000 studentar. Lund+Slaatto Arkitekter
AS har teikna det nye høgskolebygget,
som har fått namnet Andrea Arntzens hus.
teikning: Lund+Slaatto Arkitekter AS
klipt og klart
Opna Norges tredje
odontologibygg
Foto: trond isaksen
bergen. Statsråd Kristin Halvorsen opna
det nye odontologibygget 15. august i år.
Bygget er dimensjonert for 286 studentar og
rundt 260 tilsette. I klinikkane vil om lag 400
pasientar bli behandla kvar dag. I tillegg vil det
nye Tannhelsetenesta kompetansesenter
vest halde til der. Bygget er på 15 000
kvadratmeter, og kostnadsramma er på 852,9
millionar kroner. Statsbygg har ferdigstilt
bygget godt innanfor kostnadsramma og
til rett tid. Oppdragsgivar er Kunnskapsdepartementet.
Arkitekt er Kristin Jarmund
Arkitekter AS og landskapsarkitekt er Link
arkitektur AS Landskap.
jobben min
Mange
ballar i lufta
Leif Harald Walle (34) er eigedomsforvaltar
i Statsbygg region aust. Han forvaltar
Høgskolen i Hedmark, Hamar tinghus,
Statistisk sentralbyrå på Kongsvinger og
Grue barnehjem, for å nemne nokre.
Tekst: Mirjana Rødningen
– Eg har jobba i Statsbygg sidan mars,
men har allereie reist mykje for å møte
brukarane av eigedommane våre. Det er
lange avstandar, lengst er det til høgskolen
si avdeling på Evenstad – 23 mil frå Oslo.
Eg har to formelle møte med brukarane
per år, men i tillegg har eg mange uformelle
møte. Brukarane kontaktar meg direkte,
eller så vender dei seg til dei kompetente
driftsleiarane våre på staden.
Walle har på fritida skrive boka Symbiose,
ein roman som blei trykt i tusen
eksemplar.
– Som økonomistudent trong eg avbrekk
frå «det tørre, faglege», så eg begynte
å skrive ein roman. Eg skreiv han om
kveldane då eg skulle slappe av. Til slutt blei
det 300 sider med ein tematikk i krysning
mellom filosofi og kjærleik.
– Det var moro å komme gjennom
nålauget og bli anteken, seier han stolt.
Utanom arbeidstida driv han med fuglehundar
og jakt.
– Eg har to engelske setterar og er
oppteken av dei og jakt. I tillegg til familien
min, sjølvsagt, ler han.
– Eg er òg frilansjournalist for bladet
Jakt og fiske, der eg skriv mest om
hundar. Dessutan svarer eg som ekspert
på spørsmål om jakt og jakthundar på
nettstaden hunden.no.
Leif Harald Walle liker å ha det travelt
både på jobb og privat.
– Det som er bra i Statsbygg, er at det er
stor aktivitet og mange dyktige menneske.
Eg har minst 20 ballar i lufta samtidig, og
eg samarbeider mykje med kollegaer, noko
som gjer meg trygg i jobben, konkluderer
eigedomsforvaltaren.
Foto: marte garmann
statsbygg i utlandet
Kreativ bruk
av residens
new york. Den norske generalkonsulen
sin residens i New York, som blir forvalta av
Statsbygg, er svært viktig for arbeidet til det
norske konsulatet i same by. Residensen
blir brukt på ulike måtar, nokre temmeleg
kreative og nye.
Eit godt eksempel er The Armory Show
– ei stor kunstmesse i New York. Under
messa blei residensen, inklusiv soverommet
til generalkonsulen, fylt med norsk kunst.
Heile kunsteliten i New York blei invitert.
Nesten 300 personar trakka gjennom
leilegheita denne kvelden.
Foto: martin lerberg fossum, ud
Sex and Repression in Savage Society laga av Gardar Eide Einarsson
Kunsten laga av Øystein Aasan fann vegen til takterrassen