MELAND KOMMUNE SAKSPAPIR

MELAND KOMMUNE 

SAKSPAPIR 

Styre, komite, utval Møtedato Sbh. Saknr 

Utval for drift og utvikling 16.06.2009 SVT 070/09 

Utval for drift og utvikling 20.04.2010 JHB 033/10 

Avgjerd av: Utval for drift og utvikling 

Saksbeh.: Jens H. Bjordal 

Ansv. 

ANB 

Arkiv: 

N-504 

Arkivsaknr 

09/1741 

PRIVAT REGULERINGSPLAN FOR NÆRINGSOMRÅDE MJÅTVEIT- 

DALSTØ 

Dokumentliste: 

Nr T Dok.dato Avsendar/Mottakar Tittel 

1 I 19.05.2009 Riss Landskap AS VS: FRAMLEGG TIL PRIVAT 

REGULERINGSPLAN FOR 

NÆRINGSOMRÅDE MJÅTVEIT- 

DALSTØ 

2 I 04.06.2009 Riss Landskap AS VS: PRIVAT REGULERINGSPLAN 

NÆRINGSOMRÅDE MJÅTVEIT - 

DALSTØ. REVIDERT 

PLANMATRIELL. 

4 U 19.06.2009 Riss Landskap AS 1. GONGS FRAMLEGG TIL 

REGULERINGSPLAN 



DALSTØ 

5 U 22.06.2009 Bergens Tidende - avisa 

Strilen 

7 U 22.06.2009 Offentlege instanser m.fl. 

etter liste 

6 U 22.06.2009 Grunneigarar/heimelshavarar 

i planområdet 

KUNNGJERING - 1. GONGS 

FRAMLEGG TIL 


NÆRINGSOMRÅDE MJÅTVEIT -. 

DALSTØ. 

FRAMLEGG TIL 



DALSTØ - HØYRING OG 

OFFENTLEG ETTERSYN. 

FRAMLEGG TIL 


NÆRINGSOMRÅDE MJÅTVEIT -

8 I 26.06.2009 Statens vegvesen Region 

vest 

9 I 01.07.2009 Hordaland fylkeskommune - 

kultur- og idrettsavdeli 



PRIVAT REGULERINGSPLAN FOR 




PRIVAT REGULERINGSPLAN FOR 


DALSTØ. BER OM UTSETT 

UTTALEFRIST. 

11 I 14.07.2009 Kystverket PRIVAT REGULERINGSPLAN FOR 

NÆRINGSOMRÅDE PÅ MJÅTVEIT 

- INGEN MERKNADER. 

10 U 16.07.2009 Hordaland fylkeskommune - 

kultur- og idrettsavdeli 

12 I 29.07.2009 Fiskeridirektoratet Region 

Vest 

UTSETT FRIST, UTTALE TIL 

REGULERINGSPLANFRAMLEGG 

ET 

UTTALE TIL PRIVAT 



DALSTØ 

15 I 20.08.2009 BKK Nett AS UTTALE TIL PRIVAT 



DALSTØ 

17 I 21.08.2009 Fylkesmannen si 

landbruksavdeling 




DALSTØ 

25 I 24.08.2009 Barnas repr. HØYRING 

REGULERINGSPLANAR. 

16 I 24.08.2009 Bergen og Omland 

Havnevesen 




DALSTØ 

14 I 24.08.2009 Kjetil Tufte VS: KLAGE PÅ PRIVAT 


NÆRINGSOMRÅDEPÅ 

MJÅTVEIT-DALSTØ. 

26 I 04.09.2009 Eldrerådet UTTALE TIL PRIVAT 



DALSTØ 

27 I 15.09.2009 Råd for menneske med 

nedsett funksjonsevne 

28 I 30.09.2009 Hordaland Fylkeskommune 

strategi og næringsavd. 

UTTALE- PRIVAT 



DALSTØ 

FRÅSEGN - PRIVAT 



DALSTØ

29 I 04.12.2009 Riss Landskap AS VS: NÆRINGSOMRÅDE DALSTØ- 

MJÅTVEIT. RAPPORT 

ELVEMUSLING I 

MJÅTVEITELVA. 

30 I 20.01.2010 Norges Miljøvernforbund VS: NÆRINGSOMRÅDET 

DALSTØ-MJÅTVEIT - UTTALE. 

Vedlegg 

Saksutgreiing: 

Det er i dokument registrert 28.05.09 sendt over 1. gongs framlegg til reguleringsplan for 

næringsområdet Mjåtveit-Dalstø. 

Saman med planskildring, plankart og føresegner er det også lagt ved ulike kart og 

illustrasjonar som viser stadeigen informasjon og korleis miljøstasjonen/gjenbrukstasjonen er 

tenkt utforma. 

Området er uregulert og i kommuneplanen sin arealdel er 57 dekar vist som framtidig 

ervervområde med krav om reguleringsplan før vidare tiltak kan skje. Resten av planområdet 

er vist som LNF-område. 

Det vert i planskildringa til reguleringsplanen vist følgjande arealoppgåve: 

OMRÅDE 

AREAL 

111 – Frittliggende småhusbebyggelse 0.6 daa 

140 – Område for industri/lager 10.1 daa 

310 – Kjøreveg 0.1 daa 

611. – Parkbelte i industristrøk/buffer 10.3 daa 

613 – Friluftsområde (på land) 37.5 daa 

650 – Naturvernområde (på land) 19.9 daa 

710 – Felles avkjørsel 1.9 daa 

720 – Felles gangareal 0.7 daa 

921 – Forretning/Kontor/Industri 101.8 daa 

TOTALT 

ca 183 daa 

Område for industri/lager er på 10,1 dekar, og er planlagt med tanke på etablering av 

miljøstasjon/ gjenbrukstasjon og areal til varmeanlegg for biobrensel. Arealet er i 

utgangspunktet tiltenkt det interkommunale renovasjonsselskapet i Nordhordland og Gulen 

(NGIR), for å tena innbyggjarane i Meland, når miljøstasjonen i Knarvik vert lagt ned.

Det er to friluftsområde, det eine eit skogsområde vest for industri/lagerområdet og eitt anna 

utgjer eit skogkledd høgdedrag heilt aust i planområdet. I dette området, jf føresegn § 4.1, kan 

vanleg skogskjøtsel utførast, men området skal først og fremst ha bruksverdi for friluftsliv. 

Naturvernområdet er på og ved Dalstjødna og Dalstatjødna, og dette er registrert som 

naturområde i naturtypekartlegginga i Meland. I dette området, jf. føresegn § 4.2 skal vatn, 

våtmarka og myrer takast vare på, og ingen arealinngrep vert tillete. Vanleg vedhogst og 

tømmerhogst kan likevel utførast, men då på ein skånsam måte. 

Det kombinerte arealføremålet til forretning/kontor og industri (næringsområdet) er i 

hovudsak eit skogsområde med enkelte myrparti. Det vert i reguleringsføresegnene sin 

§ 1.1.1 knytt krav om eigen detaljreguleringsplan seinare før tiltak kan starta opp innanfor 

dette kombinerte området. I føresegn § 6.1. står det spesielt at forretning berre vert tillete om 

det gjeld etablering av verksemder for handel med varer som er plasskrevjande 

(arealkrevjande varer). 

I tillegg er det spesifisert nærmare i føresegn § 1.10 at det ikkje kan etablerast detaljhandel i 

området m.m. 

Bakgrunnen for planarbeidet og planområdet er kommuneplanen sin arealdel, der 57 dekar er 

lagt ut til næringsområde (erverv) og eiga oppstartsmeldinga om utviding av planområdet, 

som var til handsaming i kommunestyret den 04.02.2009, sak 017/09. Kommunestyret gjorde 

då følgjande samrøystes vedtak: 

”Kommunestyret godkjenner at det vert meld oppstartsmelding for reguleringsarbeid for 

tidlegare godkjent næringsareal, samt for omsøkt tilleggsareal vist på kart dagsett 

17.12.2008. Del av gnr. 18 bnr. 10 og gnr. 18 bnr. 9 vert og teke med i planområdet. 

Føremåla ved arealbruken skal vera næring og kontor/forretning, gjenbrukstasjon, samt 

regulering av våtmarksområde/naturområde og landbruk. 

Vanlege prosedyrar vedk. oppstart/reguleringsarbeid må følgjast.” 

Fakta om arealet: 

Gnr. 19 bnr.1 er ein samanhangande skogteig på 64 daa og av dette er 58 daa produktiv. Frå 

kommunevegen til Dalstø vart det i 1980 bygd ein enkel skogsveg på 420 meter inn i denne 

skogen. Ei myr på 11 daa vart i 1982 grøfta og tilplanta. Mellom 1971 og 1984 er det planta 

til 41 daa på bruket. Plantefelta har seinare vorte gjødsla og rydda for lauv. Skogsteigen har i 

dag ein ståande kubikkmasse på mellom 500 og 600 kubikk. Av dette er 56 % gran/sitka, 

41 % furu og 3 % lauv. Årleg tilvekst er 0,28 m3/daa. Boniteten er fordelt på arealet 45 % 

høg og 55 % middels. I arealdifferensieringsplanen er dette registrert som A- område som er 

middels til gode skogbruksareal. Det er gjeve statleg og kommunale midlar til bygging av 

veg, oppgrøfting av myr, planting, gjødsling og etterrydding i plantefelt. 

Ein del av LNF-arealet i reguleringsplanen ligg på gnr. 19 bnr. 2. Her har kommunen gjeve 

løyve til ein jordtipp på 25000 m 3 Løyvet gjeld fram til 31.12.2010. Resten av arealet er i 

hovudsak bestokka med furu i hkl. 4 og noko gran. Boniteten er middels. Arealet grensar til 

attgroingsmyra Dalstøtjørnane. 

I Dalstjødna og i bekken som renn ned til Dalstø, har det vore ein aurestamme som kan ha 

levd her i lang tid og er verdfull sett i eit miljøperspektiv. Attgroingsmyrar m/tjørner er 

viktige element i eit område med skog og kulturlandskap. Dette våtmarksområdet er registrert

i naturtypekartlegginga , men er ikkje undersøkt. Den kan ha stor verdi for biologisk 

mangfald. 

Infrastruktur: 

Arealet ligg inntil Rv. 564 og arealet vil få avkøyring direkte til denne. Denne delen av 

riksvegen er i dårleg stand både med omsyn til vanleg køyretrafikk og omsyn til dei mjuke 

trafikkantar. I samband med utbygging av bustadområdet i Mjåtveitmarka noko nærmare 

Frekhaug senter, har Statens vegvesen sett som vilkår for utbygging av det ikkje skal gjevast 

innflyttingsløyve for nye bustadar før riksvegen er oppgradert. Finansieringsløysinga for 

utbetring av riksveg 564 mellom Mjåtveit og Dalstøkrysset er no stadfesta av 

Samferdselsdepartementet. Vegutbetringa, inkludert ny gang-sykkelveg langs heile 

strekninga, er pårekneleg ferdig utført sommaren 2011. 

Langs området går det kommunal hovudvassleidning slik at vassforsyninga til området er 

tilfredstillande. Avlaup kan enten skje til nytt godkjent bustadområde i Mjåtveitmarka som er 

under planlegging for utbygging, eller til den nye kommunale avlaupsleidning som i 2009 vart 

bygd til Dalstø i samband med ny vassleidning til Dalstø. 

Det må førast nytt elektrisk leidningsnett inn i området frå høgspentline som går om lag 

250 m sør for området. Telekablar går forbi området langs riksvegen. 

ROS-analysen viser at det først og fremst er avrenningsproblematikken som må vurderast 

grundig i samband med ei utbygging av området, og at elles er det problemstillingar knytt til 

ulike typar næringsverksemder og eventuell forureining. Det vert lagt opp til i føresegnene at 

utfordringar knytt til avrenning/overvatn skal løysast på ein tilfredstillande måte for det ytre 

miljø. 

Vurdering: 

Vurdering av plassering, trong for næringsareal gjenbrukstasjon m.m. 

Arealet ligg langs riksvegen om lag 1,8 km vest for Frekhaug senter. Arealet er reint teknisk 

lett å opparbeida. I Meland er det mangel på næringsområde og særleg er behovet stort i 

nærleiken av Frekhaug senter. Det er og mangel på næringsområde i Bergensområdet 

generelt, slik det går fram i planskildringa. Det er viktig både på kort og lang sikt å få etablert 

nye arbeidsplassar i Meland, mellom anna for at pendlinga ut av kommunen kan bli redusert. 

Særleg med tanke på den store folkeveksten Meland kommune har, med relativ stor del barn 

og unge, vil tilrettelegging for næringsutvikling og tilbod om nye arbeidsplassar i framtida sør 

i Meland kommune vera ei strategisk riktig satsing. Deler av næringsområdet er lagt ut til 

erverv med plankrav i kommuneplanen. Planleggjar har etter innspel frå mellom anna 

naboar/brukarar av området teke ut det austlege arealet, som i kommuneplanen er 

næring/erverv og føreslår at det vert regulert til friluftsområde. Dette friluftsarealet vert 

erstatta med næringsareal lenger vest i planområdet, der ein meiner konfliktgraden mot naboar 

m.fl. er mindre. 

Vurdering i høve miljø og landbruk: 

Den delen av området, som ligg i kommuneplanen og som er godkjent som næringsareal, har 

administrasjonen ingen merknader til. Den landbruksfagleg utgreiinga viser at det er investert 

ein del innafor skogforvaltning og skogskjøtsel spesielt på gnr. 19 bnr. 1. Administrasjonen

meiner likevel at behovet for å få til eit større næringsområde i denne sentrale delen av 

Meland er eit omsyn som må vektleggjast meir enn reine skogbruksomsyn. Det er og svært 

viktig å sikra tilstrekkeleg areal til ein gjenbrukstasjon, sidan eksisterande gjenbrukstasjon er 

planlagt flytta frå Knarvik til Kjevikdalen. Ved å etablera ein eigen miljøstasjon i Meland, 

unngår ein at innbyggjarane må køyra heilt til Kjevikdalen i Lindås. Det vil i seg sjølv gje ein 

positiv miljøgevinst. At ein i tillegg sikrar areal til varmeanlegg for biobrensel like ved 

gjenbrukstasjonen, kan vera eit viktig grunnlag for at ein i framtida kan få til miljøvenlege 

energiløysingar (med CO2-nøytral energikjelde) til bruk i det kombinerte 

forretning/kontor/industriområdet. 

Administrasjonen har positivt merka seg at det registrerte verdifulle våtmarksområdet ved 

Dalstøtjødna og myrområdet rundt vert føreslått regulert til spesialområde naturvernområde, 

og at det bratte partiet med skog vest for bustadfeltet mot Mjåtveitmarka er regulert til 

spesialområde friluftsliv. Desse arealføremåla, i tillegg til parkbeltet rundt, er etter 

administrasjonen si vurdering viktig for å sikra miljøkvalitetane og naturmangfaldet i 

området, samt vera med på å redusera potensiell konfliktgrad mot naboar og andre interesser 

i nærområda rundt. 

Vidare har administrasjonen merka seg innhaldet i rapporten frå Norsk Natur Informasjon, og 

at det vert stilt krav om rammeplan for handtering av overvatn m.m., for å løysa utfordringar 

knytt til eventuell avrenning frå næringsområdet. 

Vurdering i høve tettstad/ senter/ kommunikasjon: 

Administrasjonen har merka seg at det i føresegnene til det kombinerte området står at 

forretning berre vert tillete om det gjeld etablering av verksemder for handel med varer som er 

plasskrevjande (arealkrevjande varer). Denne juridisk bindande formuleringa, saman med 

plankravet om eigen detaljreguleringsplan seinare(§ 1.1.1) er viktig for å sikra at det ikkje 

vert opna for noko nytt forretningssenter i dette området, og som i så fall kunne redusera 

Frekhaug sin funksjon som kommunesenter i Meland. Administrasjonen meiner difor at 

reguleringsplanen slik den no er utforma ikkje vil koma i konflikt med rikspolitiske 

retningsliner for kjøpsenter av 27.juni 2008 eller med fylkesdelplan for senterstruktur og 

lokalisering av service og handel i Hordaland av 2002, sidan det ikkje vert opna for 

detaljhandel innanfor planområdet. Nærmare reglar knytt til dette området og med avgrensing 

mot kva type forretningar som eventuelt kan tillatast i dette området er noko som må drøftast 

nærmare i samband med utarbeiding av ein detaljreguleringsplan. Området vil, når den nye 

riksvegen er utbetra, få busshaldeplassar ved riksvegen. Då vil området verta godt tilgjengeleg 

både for bussreisande og for gåande/syklande. 

Konklusjon: 

Administrasjonen meiner det ligg føre eit gjennomtenkt og gjennomdrøfta framlegg til 

reguleringsplan, og at planskildringa har dokumentert og analysert dei viktigaste interessene 

og utfordringane som er knytt til innhaldet i planen og til sjølve planområdet. Planarbeidet er 

utført etter dei prosessuelle krava gjeve i plan- og bygningslova 27-1, og innhaldet og 

konklusjonane i planskildringa samsvarer godt med det juridiske plankartet med føresegner. 

Administrasjonen tilrår med dette at 1. gongs framlegg til reguleringsplan for 

”Næringsområdet Dalstø-Mjåtveit ” vert lagt ut til offentleg ettersyn i medhald av plan- og 

bygningslova sin § 27-1, punkt 2 og på vanlege vilkår.

ADMINISTRASJONEN - FRAMLEGG TIL VEDTAK: 

” Utval for drift og utvikling vedtek å leggja reguleringsplan for ”Næringsområde Dalstø- 

Mjåtveit ” ut til offentleg ettersyn i medhald av plan- og bygningslova sin § 27-1, punkt 2 på 

følgjande vilkår: 

- Gebyr for handsaminga av planen skal vera betalt før planen vert lagt ut til offentleg 

ettersyn. 

- Planfremjar må kosta eventuelle tilleggsutgreiingar om dette viser seg naudsynt eller 

vert krevd frå offentlege instansar. 

- Planfremjar må senda plankartet over i den sosikvaliteten kommunen krev før offentleg 

utlegging. 

- Høyringsperioden vert sett til 6 veker frå kunngjeringsdato.” 

16.06.2009 UTVAL FOR DRIFT OG UTVIKLING 

Utvalet kom med følgjande framlegg til endring/tillegg til administrasjonen sitt framlegg til 

vedtak: 

Endring: 

- Høyringsperioden vert sett til 8 veker frå kunngjeringsdato. 

Tilleggspunkt: 

- Avkøyringsfelt må vurderast i denne planen eller i tilgrensande vegplan. 

Ved røysting fekk administrasjonen sitt framlegg til vedtak med overnemnde endring og 

tilleggspunkt 8 røyster for, 0 i mot og er såleis samrøystes vedteke. 

UDU-070/09 SAMRØYSTES VEDTAK: 

” Utval for drift og utvikling vedtek å leggja reguleringsplan for ”Næringsområde Dalstø- 

Mjåtveit ” ut til offentleg ettersyn i medhald av plan- og bygningslova sin § 27-1, punkt 2 på 

følgjande vilkår: 

- Gebyr for handsaminga av planen skal vera betalt før planen vert lagt ut til offentleg 

ettersyn. 

- Planfremjar må kosta eventuelle tilleggsutgreiingar om dette viser seg naudsynt eller 

vert krevd frå offentlege instansar. 

- Planfremjar må senda plankartet over i den sosikvaliteten kommunen krev før offentleg 

utlegging.

- Høyringsperioden vert sett til 8 veker frå kunngjeringsdato. 

- Avkøyringsfelt må vurderast i denne planen eller i tilgrensande vegplan.” 

2. GONGS HANDSAMING: 

Vedlegg 

Saksutgreiing: 

Reguleringsplanen med tilhøyrande føresegner har vore ute til offentleg høyring i tida 27.06.- 

22.09.2009. Etter søknad frå Hordaland fylkeskommune, Kulturavdelinga, vart fristen med 

heimel i kulturminnelova lengja til 30.09.2009. 

Det er i alt kome 12 innspel til planen. Desse er: 

1 Fylkesmannen i Hordaland. 

Fylkesmannen er svært kritisk til at om lag 80 da av regulert område er i strid med 

kommuneplanen sin arealdel. Fylkesmannen meiner at sidan dette, etter kommunen si 

eiga grunngjeving, er tilrettelegging av arbeidsplassar for ein komande generasjon, vil 

det vere tid nok til at næringsområdet utanfor kommuneplanen sin arealdel kan verte 

vurdert ved ei rullering av kommuneplanen i staden for gjennom ein reguleringsplan. 

Alternative område for næringsutvikling kunne då og verte regulert. 

Ved ei slik rullering ville ein få nærare vurdert om deler av det arealet som no ligg 

utanfor kommuneplanen sin arealdel betre eignar seg til bustadbygging, skogbruk eller 

andre føremål som komande generasjon og vil ha trong for. 

Fylkesmannen rår difor sterkt til at det arealet som ligg innanfor kommuneplanen sin 

arealdel vert trekt ut av planen. Det vil likevel vere att om lag 40 – 50 da 

næringsområdet (dersom friluftsområdet i vert vert behalde) som bedrifter med hastig 

arealtrong kan etablera seg på. 

2 Hordaland fylkeskommune, Strategi- og næringsavdeling. 

Fylkeskommunen peikar og på at det er uheldig at så store areal vert regulert i strid med 

kommuneplanen sin arealdel. Slike endringar bør først avklarast gjennom rullering av 

kommuneplanen. Fylket meiner likevel at det omregulerte området ikkje er særleg stort 

og har heller ikkje særskilde kvalitetar som friluftsområde. Samstundes er og delar av 

det som er lagt ut til næringsområde i kommuneplanen omgjort til friluftsområde. 

Fylkeskommunen har forståing for dei vurderingar som er gjort i planen for å sikre 

høveleg næringsareal. Omreguleringa gjer det særleg viktig å ta vare på friluftsområdet 

nordvest for næringsarealet. Dette må sikrast både i høve til ureining, støy og visuell 

eksponering. Dette forholda må omtalast og vere tilfredsstillande løyst i 

situasjonsplanane før det vert gitt løyve til tiltak. 

Kulturminne: Den arkeologoske registreringa i planområdet utført 15.-16.09.2009 

påviste ikkje automatisk freda kulturminne og fylket har såleis ingen merknad til 

planen. Fylket gjer likevel merksam på at tiltakshavar skal vise aktsemd og straks 

melde frå til Hordaland fylkeskommune dersom det i samband med tiltaket skulle 

støyte på automatisk freda kulturminne (jf Kulturminnelova § 8 2.ledd). 

Konklusjonen frå Hordaland fylkeskommune er at fylkeskommunen har merknad til 

planframlegget når det gjeld landskap og grønstruktur. Fylkeskommunen ber om at 

desse merknadane og atterhalda når det gjeld kulturminne vert teke omsyn til i 

prosessen vidare.

3 Statens vegvesen. 

Statens vegvesen krev at tidlegare formulering om rekkefølgjekrav om at det ikkje vert 

tillete utbygging i reguleringsområdet før utbetring av vegstrekkja Mjåtveit-Dalstø er 

gjennomført, vert teke inn i reguleringsføresegnene. 

4 Fiskeridirektoratet – Region vest. 

Fiskeridirektoratet, Region vest, har ingen merknad til planframlegget. 

5 Kystverket Vest. 

Kystverket Vest syner til at planen ikkje er i nærleiken av sjø og har dermed ingen 

merknad til planen. 

6 Bergen og omland havnevesen. 

Bergen og omland havnevesen peikar på at planen ikkje er i nærleiken av sjø eller 

sjøareal, og har difor ingen merknad til planen. 

7 BKK Nett AS 

BKK Nett AS peikar på dei installasjonar dei har i området og om mogeleg 

forsterkning av BKK sitt nett i området ved utbygging av området. Dersom noverande 

nettstasjon i området ikkje kan forsyne området, må det setjast av areal for ei ny 

nettstasjon sentralt i området. BKK Nett AS har ingen merknad til sjølve arealplanen. 

8 Norges Miljøvernforbund. 

Norges Miljøvernforbund meiner at etablering av eit næringsområde her kan ha negativ 

påverknad på påvist elvemusling i Mjåtveitelva. Det vert synt til rapport frå Norsk 

Natur Informasjon – NNI – rapport nr 214 av juni 2009. 

Det er særleg avrenning frå næringsarealet mot vassdraget der elvemuslingen held til 

som kan vere skadeleg. Elvemuslingen er sårbar for kvalitetsmessige endringar i 

vassmiljøet. I anleggsfasen vil tilførsel av finpartikulært materiale frå graving, 

sprenging m.m. vere den største ureiningstrussel, medan avrenning frå nye flater, 

inkludert asfalterte flater, vil vere den mest negative påkjenning i driftsfasen av 

området. Miljøvernforbundet peikar og på at i Dalstøvassdraget er det ei aurestamme 

som kan ha levd her i lang tid og er verdfull sett i miljøperspektiv. Miljøvernforbundet 

peikar her på at elvemuslingen er avhengig av aurepopulasjon for å reprodusere og 

gjennomføre ein heil livssyklus. NMF krev difor at det vert lagt inn ei randsone på 

minst 2 – 4 m på kvar side av Dalstjøtjørna. 

Vidare peikar NMF på at alle skal ha moglegheit å drive friluftsliv som helsefremjande, 

trivselsskapande og miljøvenleg aktivitet i nærmiljøet og i naturen elles, og at i 

nasjonale miljømål for Noreg er fastsett ein naturforvaltningsstrategi der artar som finns 

naturleg skal sikrast i levedyktig antal og variasjonar av naturtypar og landskap skal 

oppretthaldast. Dette for å sikre det biologiske mangfaldet si utvikling. 

NMF går mot ei utviding av næringsområdet Dalstø-Mjåtveit i Meland kommune 

fordi konfliktpotensialet med trua artar og naturtypar vert for stort, samt at 

utbygging vil ha ei negativ innverknad på det lokale friluftsliv. 

9 Råd for menneske med nedsett funksjonsevne i Meland. 

Rådet tek høyringsdokumentet til etterretning utan merknader.

10 Eldrerådet i Meland. 

Eldrerådet ber om at vert laga til ventefil for nordgåande trafikk som skal inn på 

gjenbrukstasjonen. 

11 Barn og unge sin representant etter Plan- og bygningslova. 

Representanten har ingen merknad til planen. 

12 Kjell Tufte – eigar av gnr 22 bnr 71 på Mjåtveit. 

Hr Tufte er glad for at hans tidlegare merknad vedk. grøntområde er vorte vurdert og 

kor viktig dette grøntområdet er. Han peikar likevel på at det er viktig å ta vare på 

bekken som renn mot aust, medrekna området omkring med myr m.m. Dette er 

tilførselsbekk som renn uti Mjåtveitelva der det er ei sårbar stamme av elvemuslingar. 

Han peikar på det uheldige at delar av denne bekken alt er lagt i lukka leidning. 

Han meiner at dersom det næringsområdet som er regulert på denne myra vil enda meir 

av bekken verte lagt i røyr. Denne bekken og tilliggjande myr som her er regulert til 

næring, er svært viktig for å halda på mangfaldet av naturtypar som denne bekken med 

myrområdet representerer. Dette er uerstattelege område som då vil forsvinne for all 

framtid. Han peikar og på at slik som næringsarealet no er innteikna på kartet, vil det 

verte vanskeleg å kome fram langs bekken, då grensa for næringsarealet er trekt heilt 

inn til det bratte partiet mot aust. Den grøne korridoren fram til riksvegen vil då verte 

nærast ubrukeleg for folk flest. Dersom grensa for næringsarealet vert trekt på vestsida 

av bekken, vil ein samstundes som bekken og myra vert teken vare på, og få ein 

gjennomgåande korridor som kan nyttast som turveg. Hr. Tufte peikar og på at det ligg 

to steingardar på myra som ikkje er teke med i utgreiinga av området. Desse to finn ein 

på omtala myrområde. Dei ligg mot nord om lag 100 m frå riksvegen. I same område 

ligg det og ruinar/restar av stein som kan sjå til å vere bygd av menneske i gamal tid. 

Folk som bur på Mjåtveit finn det særs viktig at dette området med myra/bekken blir 

verna for all framtid. 

Vurdering: 

Til pkt. 1: 

På generelt grunnlag er ein samd med Fylkesmannen om at større areal ikkje bør takast i bruk 

før arealbruken er vurdert i kommuneplansamanheng. Det kan likevel vere fornuftig at dette 

prinsippet ikkje alltid vert teke omsyn til. Ein kommuneplanprosess kan vere både tungrodd 

og tidskrevjande. Ved ein god reguleringsplanprosess vil dei same vurderingar som ligg i ein 

kommuneplanprosess verte nytta. Alle partar får høve til å gje fråsegn. 

I dette tilfellet er det utviding og noko omplassering av næringsareal som alt ligg i 

kommuneplanen. 

Vurderinga om at dette området eignar seg godt for nærliggjande næringsareal til Frekhaug, 

var vurdert i kommuneplanen. At ein no av praktiske og trongmessige årsaker får noko større 

næringsareal enn det som ligg i kommuneplanen, endrar ikkje på dei tidlegare vurderingar 

som er gjort i kommuneplanen. Reguleringsplanprosessen har avklara at både tidlegare 

godkjend næringsområde i kommuneplanen og ut at utvidinga av arealet må meir tilpassa seg 

naturkvalitetar som bør takast vare på, då særleg i austre delen av planområdet. Her vil ein 

ytterleg redusere næringsområdet i høve til kommuneplanen med om lag 9,0 da, slik at 

bekken her med tilhøyrande myrområde vert regulert til friluftsområde. Ein vil då få ein 

samanhengande grøn korridor mellom det regulerte bustadarealet i Mjåtveitmarka og gåvegen

som går forbi næringsarealet. Det vil og vere lett tilgjenge til naturareal som ligg sør for 

reguleringsområdet. 

Som delvis kompensasjon for dette arealet og i samråd med tiltakshavar, utvidar ein 

næringsarealet mot vest med om lag 5,2 da. Dette vil og ta omsyn til kravet om buffersone 

mellom næringsareal og bekken som renn austover med utlaup i Mjåtveitelva, slik at 

mogelege ulemper for muslingane i Mjåtveitelva vert tatt bort. Viser til rapport nr 214 frå 

Norsk Natur Informasjon om vurdering av verknader på muslingar i Mjåtveitelva grunna dette 

næringsområdet. 

Samla sett vurderer kommunen nytten av det regulerte næringsområdet som vesentleg større 

enn dei ulemper dette området vil få for miljø-, skog- og friluftsbruk. 

Til pkt. 2. 

Dei merknadane som Hordaland fylkeskommune har i høve til grøntstruktur, landskap og 

kulturvern er teke omsyn til og vil verte følgd opp med godkjenning av det einskilde 

byggjetiltaket i området. 

Til pkt. 3: 

Statens vegvesen sin merknad vil verte teke omsyn til ved at § 1.2 vert endra til følgjande: 

”utbygging av næringsarealet må ikkje ta til før nytt vegkryss til Rv 564 er bygd og 

utbetring av Rv 564 frå Mjåtveit til Dalstø er gjennomført og teke i bruk”. 

Veganlegget er no oppstarta og vil verte fullført i 2011. 

Til pkt. 3, 4, 4, 6 og 7 har ein ingen merknad. 

Til pkt. 8: 

Kommunen er samd med Norges Miljøvernforbund om at alle naturkvalitetar og biologisk 

mangfald skal oppretthaldast og haldast vedlike. I dette området gjeld dette særleg 

Dalstøvassdraget og mogeleg avrenning mot Mjåtveitelva. Ved å redusere næringsarealet i 

aust slik at bekken her med tilliggjande myrareal vert friluftsområde, tek ein vare på 

naturkvalitetane i dette området, samstundes som det vert ein buffer frå næringsareal og til 

bekken frå 10 til 40 m, slik at mogeleg skadeleg avrenning frå næringsområdet og til bekken 

med vidare avrenning til Mjåtveitelva er borte. I nord er planen ein buffer mellom 

næringsarealet og mot Dalstøvassdraget med regulert friluftsområde og naturvernområde, slik 

at avstand frå næringsområdet til Dalstøtjørna vert om lag 110 m. 

I Dalstøvassdraget er det ikkje elvemusling. 

Området som då står att til næringsareal har, som Hordaland fylkes skriv i sine merknader, 

ikkje særskilde kvalitetar som friluftsområde. Dersom ein skal ha næringsareal i nærleiken av 

tettstaden Frekhaug i det heile, er vel regulert område det området som er til minst ulmepe for 

natur og miljø. 

I tillegg er det viktig at området ligg innanfor gåavstand frå større bustadområde, slik at 

avstand til og frå arbeidsplass ligg innanfor gå-/sykkelavstand. 

Til pkt. 9 – ingen merknad. 

Til pkt. 10: 

Tiltakshavar, i samarbeid med Statens vegvesen, må her detaljutforme krysset og vurdere 

trongen for ventefil frå Frekhaug. Denne detaljvurderinga må liggje føre før krysset vert 

bygd.

Med aukande trafikk på riksvegen vil det sannsynlegvis før eller seinare her verte trong for 

ventefil slik som Eldrerådet har nemnd. I staden for ventefil kan ein og få ei utviding av 

vestgåande vegfelt, slik at trafikken frå aust ikkje vert hindra. 

Til pkt. 11 – ingen merknad. 

Til pkt 12: 

Meland kommune er her samd med merknadene frå hr. Tufte. Grense for næringsareal vert 

difor flytta lenger mot sørvest slik at bekken med tilhøyrande myrområde vert regulert til 

friluftsføremål. Buffer mellom næringsområde og bekken vert frå 10 til 40 m. Næringsarealet 

vert såleis redusert med om lag 9,0 da. Som delvis kompensasjon for dette, vert 

næringsarealet i vest utvida med om lag 5,0 da. Dette er gjort i samarbeid med tiltakshavar, 

som har synt stor forståing med å ta vare på viktige naturområde. 

Med slik reduksjon av areal i aust vil og mogelege problem med avrenning frå 

næringsområdet til Mjåtveitelva der muslingane er påviste, verte borte. 

Dei steingardane som hr. Tufte nemner vil med denne endringa og verte teke omsyn til 

dersom desse ligg inn på myra som bekken renn gjennom. Ein viser elles her til Hordaland 

fylkeskommune si registrering og merknadene med omsyn til freding etter Kulturminnelova. 

ADMINISTRASJONEN - FRAMLEGG TIL VEDTAK: 

”Kommunestyret godkjenner i medhald av plan- og bygningslova § 12-12 framlegg til privat 

reguleringsplan for næringsområde Mjåtveit-Dalstø. 

Grense for industriområde i aust er justert slik det går fram av saksutgreiinga. Merknader frå 

Fylkesmannen si miljøvernavdeling, Naturvernforbundet og K. Tufte er delvis tekne til følgje. 

Reguleringsplan er vist på plankart dagsett 19.05.2009, revidert 12.04.2010, med føresegner 

dagsett/revidert 02.06.2009.” 

20.04.2010 UTVAL FOR DRIFT OG UTVIKLING 

Leiv Jan Fosse, SP, var ugild ved handsaminga av denne saka. 

UDU-033/10 SAMRØYSTES FRAMLEGG TIL VEDTAK (8 RØYSTER): 

”Kommunestyret godkjenner i medhald av plan- og bygningslova § 12-12 framlegg til privat 

reguleringsplan for næringsområde Mjåtveit-Dalstø. 

Grense for industriområde i aust er justert slik det går fram av saksutgreiinga. Merknader frå 

Fylkesmannen si miljøvernavdeling, Naturvernforbundet og K. Tufte er delvis tekne til følgje. 

Reguleringsplan er vist på plankart dagsett 19.05.2009, revidert 12.04.2010, med føresegner 

dagsett/revidert 02.06.2009.” 

Rett utskrift

Dato: 

Kopi til: 

Riss Landskap AS

MELAND KOMMUNE SAKSPAPIR

Create successful ePaper yourself

Delete template?

Save as template?