You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
FØL FORMENE<br />
Geometrien brukast til å beskrive flater og rom. Men han<br />
kan òg gi blinde barn betre forståing av fysiske omgivnader.<br />
MATEMATIKK GEOMETRI • SYNSHEMMING<br />
TEKST: Lars Martin Hjorthol<br />
KONTAKT: Oliv Klingenberg, Matematikksenteret, <strong>NTNU</strong><br />
TLF: 73 55 11 23<br />
E-POST: oliv.klingenberg@matematikksenteret.no<br />
Tenk deg at du kjem inn i eit stupmørkt<br />
rom. Du ser korkje veggar eller<br />
tak. Likevel har du eit slags indre bilete<br />
av korleis rommet sannsynlegvis<br />
ser ut, kva for ei grunnform det har.<br />
Du kan «føle» forma, ut frå tidlegare erfaringar.<br />
Men ein som er født blind, har ikkje dei<br />
same erfaringane.<br />
Å FORSTÅ ROM • Oliv Klingenberg har mange<br />
års praksis som lærar for blinde og svaksynte.<br />
Ho har særleg undervist i matematikk, og dermed<br />
også i geometri. Nå pendlar ho mellom<br />
jobb ved Tambartun kompetansesenter for<br />
synshemma i Melhus og doktorgradsstudium<br />
ved <strong>NTNU</strong>.<br />
– Vi har heile tida høyrt at geometri er altfor<br />
vanskeleg å lære for blinde. Eg har stilt meg<br />
spørsmålet om det kanskje er motsett. Kanskje<br />
vi tvert om kan bruke geometrien for å hjelpe<br />
blinde til å forstå rom og former i det verkelege<br />
livet, og dermed gjere det lettare for dei å orientere<br />
seg, seier hun.<br />
– Eg veit frå min eigen praksis at barn som er<br />
født blinde, har vanskeleg for å forstå rom. Dei<br />
kan lære at eit ark papir er rektangulært. Men å<br />
overføre det til å forstå at det rektangulære<br />
også er grunnforma for eit rom, kan vere vanskelig.<br />
DEI VANSKELEGE PREPOSISJONANE • Betre<br />
forståing av rom og former gjer det lettare for<br />
blinde å orientere seg. Men det vil òg auke<br />
språkforståinga, meiner Klingenberg.<br />
– Berre tenk <strong>på</strong> preposisjonsbruk. Vi seier<br />
«ved enden av bordet», «bak pulten», «rundt<br />
hjørnet». For blinde kan det vere vanskeleg å<br />
16<br />
forstå kor ein gjenstand er i forhold til ein annan,<br />
når djupn, distanse og retning er vage omgrep,<br />
forklarar ho.<br />
Ho illustrerer med å fortelje om ein blind<br />
kollega som hadde vanskeleg for å godta uttrykket<br />
«bak <strong>på</strong> tastaturet». For det er jo ulogisk<br />
at det er «bak» når han granngiveleg måtte<br />
strekke armane fram for å komme dit.<br />
Og ho fortel om blinde, skoleflinke «Maria»,<br />
som hadde punktskriftbøkene sine i ei eiga<br />
hylle. Ho henta sjølv bøker i hylla nesten kvar<br />
time. Ein gong skulle dei ut og ake, og læraren<br />
fortalte klassen at akebretta sto i ei kasse ved<br />
enden av Marias hylle.<br />
– Eg såg <strong>på</strong> Maria, og så at ho ikkje skjønte<br />
kor det var. Då eg spurte kvifor, svara ho<br />
med å seie at hylla har jo så mange kantar.<br />
Reaksjonen kan vere typisk for mange blinde,<br />
som har vanskeleg for å forstå grunnforma til<br />
ein gjenstand. Dermed har hylla berre mange<br />
kantar og berre framsider.<br />
BRUKTE HEILE KROPPEN • Arbeidet med geometri<br />
og romsans starta <strong>på</strong> Tambartun for eit<br />
par år sidan, med eit elevkurs i matematikk for<br />
elevar <strong>på</strong> fjerde og femte trinn, 10–11 år gamle.<br />
Dei hadde matematikk om føremiddagen og<br />
gymnastikk om ettermiddagen.<br />
– Aktivitetane var planlagt slik at elevane<br />
skulle hjelpast til å forstå eigenskapane til former,<br />
seier Klingenberg.<br />
– Vi laga oppgåver med fokus <strong>på</strong> å få ungane<br />
til å forstå linjer. Parallelle linjer, kryssande<br />
linjer, linjer som danna vinklar. Den siste<br />
dagen <strong>på</strong> kurset tok vi ungane med i gymsalen<br />
og ga dei beskjed om at dei var matematikarar.<br />
Dei skulle gå inn i rommet, beskrive<br />
gjenstandane og seie kva slags geometrisk figur<br />
det var.<br />
– Dei flinkaste brukte heile kroppen til å utforske<br />
gjenstandane. De omfamna gjenstandane,<br />
sklei <strong>på</strong> skråformer, fann vippepunkt og<br />
balanserte, låg <strong>på</strong> gjenstandane og imiterte<br />
forma med kroppen. Det var akkurat som om<br />
<strong>gemini</strong> • nr. 4 • desember 2009<br />
dei kunne kjenne forma inni kroppen, fortel<br />
forskaren.<br />
DET VESLE OG DET STORE ROMMET • Hjerneforsking<br />
syner at det er ulike område i hjernen<br />
som er knytt til mikrorommet og til makrorommet,<br />
til det vesle og til det store formatet.<br />
Eller sagt <strong>på</strong> ein annan måte: den modellen eller<br />
figuren eleven har føre seg <strong>på</strong> pulten, og dei<br />
same formene i det verkelege livet.<br />
– Hos sjåande bidreg synet til å binde saman<br />
hjernens arbeid med det store og det vesle formatet,<br />
til å kjenne igjen dei små formene også i<br />
det store rommet, og forstå grunnformene.<br />
Men hos blinde må vi jobbe bevisst med å binde<br />
saman dei to formata.<br />
– Mitt arbeid handlar om å få dei til å forstå<br />
overgangen frå det vesle formatet til det store.<br />
Oppleve former, skjønne eigenskapane og definere<br />
samanhenger.<br />
FJERNT FRÅ VERKELEGHEITA • Klingenberg<br />
viser til forsking som syner at det er viktig å<br />
jobbe systematisk med denne samanhengen<br />
også for sjåande elever. Systematisk arbeid<br />
med å forstå eigenskapar ved former både i det<br />
vesle og i det store formatet gir eit godt grunnlag<br />
for ein meir teoretisk geometri <strong>på</strong> ungdomstrinnet<br />
og vidaregåande nivå. Det gjer<br />
geometrien lettare å begripe.<br />
– Det er fleire forskarar som meiner at for<br />
mykje av geometriundervisninga går føre seg i<br />
det vesle formatet, <strong>på</strong> pulten, seier Klingenberg.<br />
Og det er jo litt paradoksalt for ein vitskap<br />
som opphavleg ble utvikla som ein metode for<br />
oppmåling av jordstykke, for måling av flater<br />
og rom. Dei figurane elevane har føre seg <strong>på</strong><br />
pulten, blir så abstrakte at de opplevast som<br />
fjernt frå den verkelegheita dei ein gong vart<br />
laga for å beskrive.<br />
Oliv Klingenberg trur det blir lettare å forstå<br />
geometrien, både for blinde og for sjåande, dersom<br />
den også vert teken tilbake til det store<br />
rommet. ■