ISFLAKET - Ishavsmuseet Aarvak

Ishavsminner
Av Sigbjørn K. Rosbach Røren
Året er 1955, og dei to bileta er frå turen til
Danskestretet det året. Fyrste delen av turen var
det selfangst, seinare håkjerringsfiske med liner.
Utsiktene til noko stor forteneste var det ikkje
dette året, prisane var låge både på skinn, spekk
og håkjerringstran. Det ungdommelege
mannskapet gjenspeglar kanskje dette.
Det eine biletet er frå ein fin dag i plukkfangst
ser det ut for. Skuta vi ser til høgre er
«Polarbjørn». Den andre er eg ikkje viss på. Er
det «Isflora»?
Det andre biletet syner deler av det unge
mannskapet på «Polaric», fotografert rundt
dagens isbjørnfangst.
Eg hugsar det vart skote tre isbjørnar denne
dagen. Dei kom svært nær skuta, ikkje minst på
grunn av lukta frå byssa til stuert Halvard
Skinnes frå Ulsteinvik.
Skipper på turen var Monrad Pilskog frå
Hjørungavåg, og maskinist var Arvid Aschehoug
frå Hareid. Eg meiner at dette var siste
ishavsturen Monrad Pilskog hadde med
«Polaric».
Karane rundt isbjørnen er framme frå venstre:
Bjarne Liavåg, Magnar Arne Brandal og Svein
Moldskred, alle frå Brandal. Bak frå venstre:
Nils Richard Fjelly og Hallbjørn Mork frå
Hareid, Arthur Myklebust (nesten gøymd) frå
Ålesund, Karsten Krogsæter frå Vatne og Arne
Riise frå Hareid. Eldstemann i denne gjengen
var 23 år og den yngste 15 år.
Framfor keisinga stend kara som blei brukt til
damping av håkjerringslever. Vi ser også litt av
labbane til ein av dei to andre isbjørnane som
vart skotne.
Isflaket side 50
Hallgeir Teigene
Hønseri
Beste egga direkte frå hønseriet
Tlf. 700 92 642
700 94911
901 92 591
6060 Hareid