44.000 estranxeiros poderán votar nas municipais de 2011 - Galiciaé

8 galicia
LUN.30.11.2009 < ADN/LV
ADN-LV
‘Galiciaé’ bateu récords en outubro
> A plataforma dixital
dos medios do Grupo
El Progreso aumenta a
audiencia nun 25%
Galiciaé, a plataforma que
agrupa os medios en internet
do Grupo El Progreso, alcanzou
o pasado mes de outubro os
seus mellores rexistros históricos,
segundo os informes que
difunde a división de medios
dixitais da OJD. Os datos, que
aínda teñen carácter provisional,
obtéñense a partir das auditorías
efectuadas por Country Market
Intelligence, de Nielsen Online.
As cifras de Galiciaé, que
alberga as webs de El Progreso,
Diario de Pontevedra e ADN-LV.
De Luns a Venres son de récord
tanto no que se refire aos usuarios
únicos como ao número de
visitas recibidas. Desde o 31 de
agosto, os dous aspectos rexistraron
un incremento do 25%.
Se a comparación se fai desde
outubro de 2008, o crecemento
de usuarios é do 16% e o de visitas,
case do 33%.
Os informes mensuais de OJD
Interactiva dan conta do incremento
incesante de Galiciaé,
salvo os descensos estacionais,
habituais en toda a Rede.
Galiciaé, ademais, ten un tem-
po de permanencia en páxina
moi alto, sendo a décimo sexta
das 341 webs españolas auditadas
en que máis tempo pasan os
usuarios.
No sector concreto ao que
pertence Galiciaé, o de noticias
e información, esta plataforma
dixital é a sétima de toda España,
cunha visita media de cada
usuario de 7 minutos e 22 segundos.
É, igualmente, a primeira de
Galicia no sector de noticias.
Deste xeito, a plataforma
chega en excelente forma ao
seu segundo aniversario, que
se cumpre mañá martes. Nestes
dous anos de vida, Galiciaé estivo
en continua renovación.
Touriño: retorno
con resaca
> Rueda insta o PSdeG a rachar os pactos
co BNG logo das fortes acusacións do ex
presidente da Xunta contra os nacionalistas
ADN-LV
O secretario xeral do PPdeG, Alfonso
Rueda, instou o secretario xeral do
PSdeG, Manuel Vázquez, a romper
“de inmediato” todos os seus pactos
de goberno co BNG nos concellos
de Galicia e nas deputacións de
Lugo e A Coruña. De non ser así, o
líder dos socialistas debería manifestar
publicamente “que discrepa”
das palabras pronunciadas o xoves
polo ex titular da Xunta e ex líder do
PSOE en Galicia, Emilio Pérez Touriño,
quen, nunha conferencia, acusou
a formación frontista de crear
redes clientelares desde a Xunta.
“O PSOE debe decidir se reafirma
as palabras ou as desmente”, indicou
onte Rueda.
Premios Galiciencia 2009
Un estudo vasco sobre o iogur e o
kéfir, unha mochila ergonómica
deseñada por alumnos ourensáns,
e unha análise científica da area dunha
praia de Bueu realizada en Vigo
gañaron os premios da Galiciencia
2009, entregados en Ourense. > LV
O sindicato das caixas
lamenta que Núñez
Feijóo se esquecese del
A Confederación de Sindicatos
Independentes de Caixas de
Aforro (Csica) critica que o
presidente da Xunta, Alberto
Núñez Feijóo, non os consultase
na rolda de contactos que
mantivo con políticos,
empresarios e forzas sindicais
para abordar o futuro das caixas
galegas. Csica critica que os
sindicatos cos que se reuniu
Feijóo “non son representativos
do persoal das caixas”. Entende
que do mesmo xeito que Feijóo
escoitou “uns sindicalistas
procedentes doutros sectores
que nada teñen que ver
connosco”, tamén pode facelo
cos concellos e as deputacións,
algunha das cales “non dixo
aínda esta boca é miña” con
respecto a este asunto.
Os populares botan man
do estudo que suspende
boa parte dos alcaldes
O PPdeG considera que o
estudo que sitúa os alcaldes das
cidades galegas entre os peor
avaliados de España –salvo o
de Lugo– “marca o principio do
fin” do PSdeG e BNG á fronte
das sete urbes. Os populares
galegos entenden que o
rexeitamento da xente reflectido
no estudo nacional sobre
alcaldes e gobernos municipais
supón que a maioría dos
rexedores de Galicia “perderon
xa a súa oportunidade”.
odíaennúmeros
5.670
VISITAS
Foron as rexistradas na feira
turística Turexpo de Silleda,
celebrada a fin de semana
con 173 expositores. Tamén
houbo dous salóns ‘outlet’
en Santiago e Ferrol, cidade
esta última que ademais
acolleu unha exposición do
automóbil de ocasión no
recinto feiral de Punta Arnela
O independentista
Uxío Caamaño
volverá a prisión
acabar a condena
AGN
O independentista Uxío Caamaño
foi detido a fin de semana na
Coruña pola Policía para cumprir
o ano e cinco meses que restan
da condena imposta en sentenza
firme pola Audiencia Nacional en
novembro de 2008 –catro anos e
nove meses de prisión–. Pasou
unha noite nas dependencias
policiais da cidade herculina para
comparecer ante o xuíz e ingresar
a continuación no penal de Teixeiro,
onde permanece á espera de
que se lle asigne un destino.
Uxío Caamaño está detido pola
colocación dun artefacto explosivo
nun caixeiro de Caixa Galicia
en Santiago de Compostela, no
ano 2005.