44.000 estranxeiros poderán votar nas municipais de 2011 - Galiciaé

LUN.30.11.2009 < ADN/LV galicia 9
>caféderedacción
“Hai que retirar o galego do debate partidario;
debemos conseguir ter un substrato común”
ANXO LORENZO
SECRETARIO XERAL DE
POLÍTICA LINGÜÍSTICA
> Tocoulle unha
pataca quente que
quere sacar adiante
co convencemento
de que o consenso
co galego é posible.
Anxo Lorenzo (Vigo,
1964) cre ter a clave
para conseguilo
AGN
A Secretaría Xeral de Política Lingüística
está a piques de presentar
o novo decreto do galego. Ata aquí,
houbo un longo camiño no que
Anxo Lorenzo tivo que enfrontarse
a numerosas polémicas.
P ¿Cantas veces se arrepentiu de
aceptar a secretaría xeral?
R Poucas veces.
P Dixo nalgunha ocasión que perdeu
amigos pola decisión.
R Algúns. Cando se toman certas
decisións en calquera aspecto hai
persoas que non o ven ben.
P ¿E contaba cunha situación tan
crispada arredor da secretaría?
R Si, por suposto. Pero tamén é
certo que cando cheguei ao cargo,
agardaba que o nivel do debate
fose menor e, ademais, que se fose
diluíndo co paso dos meses.
P Agora que presenta o novo decreto
para o ensino, ¿é sacar o idioma
do debate político?
R Hai que distinguir entre debate
político e debate social. Non hai
debate social sobre a lingua; na rúa
non se fala disto. Debate político,
si. Hai que retirar a lingua do debate
partidario; debemos ser capaces
de ter un substrato común. Neste
momento, parte das forzas políticas
de Galicia están empeñadas en que
non haxa consenso. Incluso utilizan
a lingua galega para mobilizar
a militancia.
P Nos últimos meses naceron plataformas
en defensa do galego. ¿Está
aberto a dialogar con elas?
R Si. Despois da manifestación do
18 de outubro dirixinme por carta
aos organizadores para convidalos
a traer á Xunta as súas reivindicacións.
Ata agora non teño resposta.
Non sei se querían transmitir algo,
fóra do propio acto reivindicativo.
P ¿Que idioma está máis ameazado
en Galicia?
R Non podemos estar toda a vida
discutindo o mesmo. Hai unha
relación de séculos entre galego e
castelán. A Xunta ten un mandato
estatutario de fomentar o galego, e
asúmeo. Traballamos pola recuperación
social do galego e para crear
un contexto no que as linguas se
utilicen sen discriminacións.
P Parte da polémica arrincou na
anterior lexislatura. ¿Que fixo mal
e ben o bipartito?
R Parte da sociedade tivo a sensación
de imposición con algunhas
medidas, o que non implica que
a houbese. Na política lingüística
houbo falta de información sobre o
que se pretendía facer, e un exemplo
foi o decreto do galego no ensino.
P¿Teme que suceda iso co novo
decreto?
R Hai que explicalo punto por punto,
para transmitir á sociedade que
se pretende facer.
P ¿Está listo o decreto?
R Aínda non. Falamos de presentar
Lorenzo, durante un encontro con xornalistas do Grupo El Progreso. > Pepe Ferrín / AGN
un borrador antes de final de ano.
P ¿Empezaron as negociacións?
R Non. A finais de ano estará presentado.
Se estará rematada a negociación,
non o sei.
P ¿Pode adiantar algo do decreto?
R Vai ser un decreto que garante o
coñecemento das dúas linguas oficiais
e potencia as estranxeiras. Será
un decreto de trilingüismo.
P ¿Haberá un terzo das clases en
cada idioma?
R Iso xa o veremos co borrador.
P ¿Hai recursos sufientes para dar
clases en inglés?
R Co decreto queremos ter un marco
para camiñar cara ao trilingüismo.
Non se fai dun ano para outro.
P ¿Prevé un período de transición?
R Si. Estará previsto no decreto.
Parece lóxico que cada centro teña
certa autonomía para ir organizando
o aumento paulatino da docencia
en lingua estranxeira.
P ¿Haberá actuacións distintas nos
centros de ensino?
“O debate sobre
os topónimos non
está aberto e non o
vexo procedente”
P ¿Cal é a súa posición no
debate dos topónimos?
R O debate non está aberto
e non considero que sexa
procedente. Os que fixeron no
seu día a Lei de Normalización
Lingüística depositaron entón
nunha comisión de expertos a
proposta dos topónimos, e esa
foi a forma máis razoable de
resolver o problema.
P ¿Cal é o seu diagnóstico
do estado da lingua galega?
R A presenza da lingua galega é
bastante baixa nalgúns ámbitos
e a Xunta ten que asegurala en
todos eles. Temos dúas linguas
e, partindo de que iso é bo,
temos que converter o galego
nun aspecto positivo.
P ¿Preocúpanlle as alertas
da Real Academia Galega e
o Consello da Cultura?
R Son dúas institucións de
referencia e é lexítimo que
fagan chamamentos á reflexión.
Espero que, co decreto para o
ensino, fagan unha diagnose
adecuada do contexto actual.
P Eliminouse a proba de
galego nas oposicións...
R Quitouse a obrigatoriedade
da proba, pero hai que acreditar
o coñecemento da lingua cun
certificado do Celga. Que a
sociedade xulgue se é dabondo.
R Non. O modelo será único con
matizacións. Pode haber flexibilidade
para centros e familias en aspectos
da distribución lingüística.
P Pero, os rapaces adoitan falar
máis castelán nas cidades...
R Galego e castelán están presentes
na sociedade. Non podemos ver
a escola como un elemento compensador
da falta de galego que se
produce fóra dela. Temos que establecer
unha política lingüística que
vaia á raíz do problema no urbano.