acta pleno 30 de xullo de 2009 - Concello de Bergondo

More documents

Recommendations

Info

O Pleno queda enterado 8.- ASUNTOS URXENTES Seguidamente a Sra. alcaldesa, de acordo co previsto no artigo 91.4 do Regulamento de organización, funcionamento e réxime xurídico das entidades locais (ROF), pregunta aos voceiros dos grupos políticos se desexan someter á consideración do Pleno, por razóns de urxencia, algún asunto non comprendido na orde do día que acompañaba a esta convocatoria. O grupo municipal do PP, presentou unha moción no Rexistro Xeral o día 28 de xullo co núm. 5168, a Sra. voceira suplente, D.ª Silvia María Vázquez Cardelle, xustifica a súa urxencia e seguidamente sométese a votación a dita urxencia; o Pleno Municipal, por unanimidade dos dez concelleiros asistentes, dos trece que integran a Corporación, que constitúen a maioría absoluta legal, declara a súa urxencia, pasándose seguidamente a debatelo. 8.1.- ADOPCIÓN DE ACORDO QUE PROCEDA SOBRE O PROGRAMA DE GRATUIDADE SOLIDARIA DOS LIBROS DE TEXTO. EXPOSICIÓN DE MOTIVOS: No ano 2003, a Xunta de Galicia, cun goberno do Partido Popular, aprobou o primeiro programa galego de cesión gratuíta dos libros de texto do ensino obrigatorio para centros sostidos con fondos públicos. Este programa debería ter sido obxecto de reorientacións para buscar unha maior operatividade, tentando arranxar os problemas derivados da carga de traballo aos centros escolares, da limitación da aprendizaxe escolar en detrimento da conservación do material e dos seus efectos negativos na industria editorial e cultural galega. Sen embargo, o goberno bipartito optou por un sistema xeneralizado e universal de empréstimo de libros. Este sistema de empréstimo xeneraba problemas de índole pedagóxica, xa que impedía aos alumnos suliñar ou traballar nos propios libros, repasar materias ou conceptos de cursos anteriores ou complementar a biblioteca familiar. Asimesmo, co sistema do bipartito non se podía falar nin de gratuidade real, xa que as familias nunca adquirían os libros, só os usaban durante o curso e tiñan a obriga de devolvelos en bo estado de conservación; nin tampouco de gratuidade local: por exemplo, no ano 2007 en primeiro e segundo de primaria fixouse en 135€ o límite da subvención, o que obrigaba a todos os pais, sen distinción de renda, a desembolsos superiores ao 20% da axuda, o que supoñía na práctica un agravio comparativo. Non tiña sentido que a familia máis pudiente de Galicia disfrutase das mesmas axudas que a familia máis necesitada. Nestes tempos onde escasean os recursos públicos, ten máis sentido 14 Pl. 30/07/2009
centrar os esforzos, en canto á asignación de axudas por parte da Administración, en aquelas familias que máis o necesitan. Á hora de configurar un sistema de axudas, existen dous camiños ben diferenciados. O primeiro, optar por un sistema lineal que ofreza asignacións insuficientes pero con carácter universal, para todos os cidadáns, con independencia do seu poder adquisitivo. O segundo, incrementar notablemente a contía das axudas, pero limitando a súa concesión ás persoas e familias que máis o necesitan. O primeiro distribúe as axudas por igual, con independencia da capacidade económica das familias, e mantén, por tanto, as diferenzas entre elas. O segundo centra os seus esforzos nos máis necesitados, axuda na converxencia económica e social das familias galegas e contribúe a crear unha sociedade máis xusta. O PPdeG aposta por este segundo modelo. É preciso, por tanto, pasar dun xeito progresivo dun sistema de empréstimo a un sistema de gratuidade solidaria, onde as familias con alumnado de Educación Especial ou con menos recursos poidan adquirir os libros de texto sen coste algún. A implantación deste novo sistema conlevará un aforro, que podería ser reinvertido na adquisición de material ou na mellora doutras instalacións escolares ou de servizos educativos, como os comedores ou o transporte escolar. Polo exposto anteriormente, se somete ao Pleno do Concello de Bergondo a adopción dos seguintes ACORDOS: O Pleno do Concello de Bergondo insta á Xunta a: .- Substituir dun xeito progresivo o sistema de empréstito de libros por un sistema de gratuidade solidaria, que permita ás familias con alumnado de Educación Especial ou con menos recursos poidan adquirir os libros de texto sen coste algún. .- Reinvertir a diferenza orzamentaria entre o sistema de gratuidade solidaria e o de empréstimo na adquisición de material ou na mellora das instalacións de centros escolares ou doutros servizos educativos, como os comedores ou o transporte escolar. .- Centrar os esforzos da Administración, cando se convoquen axudas e subvencións públicas, na atención preferente aos máis necesitados, na converxencia económica e social e na creación dunha sociedade máis xusta. A voceira suplente do PP=Silvia M.ª Vázquez Cardelle” Sra. voceira suplente do PP: o que defendemos nós nesta Moción, do que se trata con este programa, é aplicar o sistema impositivo da sociedade española, unha política de progresividade onde a persoa que menos ten vai ser obxecto dunha maior subvención, isto é igual que, por exemplo, a ordenanza da taxa que acabamos de aprobar; é dicir, unha persoa que ten unha renda moi baixa vai ter que pagar menos, e unha persoa que ten un nivel mais alto, pois vai ter que pagar mais; trátase simplemente de aplicar o sistema impositivo. A gratuidade solidaria, é un modelo que xa existe noutras comunidades, trátase dunha implantación progresiva onde se garante a reposición durante catro anos, dos libros comprados. Dicir tamén que vai respectar a legalidade vixente co actual decreto do galego, poderíame estender mais, pero defender este programa porque se trata, é sobre todo en época de crise, de apoiar á xente que ten menos medios. 15 Pl. 30/07/2009
Page 1 and 2: ACTA CORRESPONDENTE Á SESIÓN ORDI
Page 3 and 4: 2.- APROBACIÓN SE PROCEDE, DA CONT
Page 5 and 6: cumprimento do Orzamento, no Capít
Page 7 and 8: correspondentes ós Concellos xesti
Page 9 and 10: . A renda valorarase atendendo aos
Page 11 and 12: Recibida toda a documentación, o t
Page 13: Primeiro: Delegar no Consorcio As M
Page 17 and 18: día a mellor valorada pola socieda
Page 19 and 20: A pesar de ser so unha cobertura do
Page 21 and 22: 15.- Limpieza de carreteras. Sra. a
Page 23 and 24: Sra. alcaldesa: en canto ás fontes
Page 25 and 26: 13.- ¿Contratouse máis persoal pa
Page 27 and 28: Sr. voceiro suplente do BNG: pero
Page 29 and 30: Sr. voceiro suplente do BNG: é un

acta pleno 30 de xullo de 2009 - Concello de Bergondo

You also want an ePaper? Increase the reach of your titles

Delete template?

Save as template?