acta pleno 30 de xullo de 2009 - Concello de Bergondo

1. Constitúe o feito impoñible da taxa pola percepción do Servizo de Axuda no Fogar Municipal,
a prestación dun conxunto de atencións as persoas no seu domicilio, desde unha perspectiva
integral e normalizadora, naquelas situacións en que teñan limitada a súa autonomía persoal,
familias en risco de exclusión social e nos casos de desestruturación familiar.
2. Dito feito impoñible concrétase nas seguintes prestacións:
a. Atencións de necesidades de carácter persoal na realización das actividades básicas
da vida diaria.
b. Atencións de necesidades de carácter doméstico e da vivenda.
c. Atencións de carácter psico-social e educativo.
d. Atencións para a relación do usuario/a co entorno.
e. Atencións de carácter técnico e complementario.
Artigo segundo.- Suxeito pasivo.
Son suxeitos pasivos da presente taxa, en concepto de contribuíntes, as persoas físicas que
soliciten ou resulten beneficiadas, polos servizos que constitúen o feito impoñible da taxa.
Naqueles casos que os suxeitos carezan de capacidade de obrar, o feito impoñible da taxa
recaerá naqueles que exerzan a patria potestade, tutela ou sexan ou gardadores de feito do
interesado.
Artigo terceiro.- Contía
1. Para a aplicación das tarifas do cadros establecidos no apartado seguinte, establécese a
contía por hora de prestación do servizo en 10,00 €.
2. Para os efectos de aplicación das presentes tarifas, e tendo en conta o artigo 18 da Orde do
22 de xaneiro de 2009, enténdese por IPREM ó indicador público de rendas de efectos
múltiples, indicador fixado polo goberno estatal para cada exercicio económico na
correspondente Lei xeral de presupostos do Estado, realizándose o cobro da taxa de acordo
coa seguinte táboa:
INGRESOS EN RELACIÓN AO IPREM COPAGAMENTO DO/A
USUARIO/A
Entre o 100 % e o 150 % 10 %
Máis do 150 % e ata o 200 % 15 %
Máis do 200 % e ata 250 % 18 %
Máis do 250 % e ata 300 % 20 %
Máis do 300 % e ata 350 % 30 %
Máis do 350 % e ata 400 % 45 %
Máis do 400 % e ata o 450 % 55 %
Máis de 450 % e ata o 500 % 60 %
Máis do 500 % 65 %
3. A os efecto do previsto no punto anterior, e para poder aplicar a taxa correspondente en cada
caso, teranse en conta os seguintes aspectos:
a. A capacidade económica das persoas usuarias do SAF calcularase en atención a súa
renda persoal e, se é o caso, a o seu patrimonio.
8 Pl. 30/07/2009