acta pleno 30 de xullo de 2009 - Concello de Bergondo

Sra. alcaldesa: e que non se tratan con ninguén.
Sr. voceiro suplente do BNG: e nos temos que fiar, evidentemente. Eu sei que houbo esa reunión,
que houbo esa comida, e, o que lle pido é que os primeiros que temos que ter toda a información
somos nós, e moito menos que a política urbanística veña dirixida antes que nós nos enteremos,
con reunións con xente que interese niso.
Sra. alcaldesa: pois niso estamos totalmente de acordo, pero como esa é a teima que persigue o
BNG neste concello, xa lle digo de agora en adiante, que iso non é así, pero ademais dígollo
rotundamente, e cando fale fágao cun pouquiño mais de propiedade.
Sr. voceiro suplente do BNG: se eu non o soubera non o dicía, pero é así.
Sra. alcaldesa: pois non o sabe Sr. concelleiro.
Sr. voceiro suplente do BNG: houbo esa reunión, e houbo unha comida na que estaba o
concelleiro de urbanismo, e iso é parte do seu papel, dun concelleiro; daquela, se eles poden ter
reunións co concelleiro de urbanismo, e ter información de temas de urbanismo, nós tamén
teremos dereito.
Sra. alcaldesa: estoulle dicindo que, coa alcaldía ninguén tivo ningunha información sobre
planeamento.
Sr. concelleiro de Urbanismo, Infraestruturas, Vía e Obras: voulle contestar eu a esta pregunta,
por alusións, solicítolle que diga ó Pleno con quen comeu o concelleiro de urbanismo, ónde e
cando.
Sr. voceiro suplente do BNG: perfectamente, eu teño información.
Sr. concelleiro: dígalla ó Pleno.
Sr. voceiro suplente do BNG: non vou dicir nomes, non teño porque dicilos, eu sei que esas
persoas tiveron unha reunión aquí.
Sra. alcaldesa: e, o mellor, a vostede lle contaron o que lles interesaba contar.
Sr. voceiro suplente do BNG: no me contaron nada, eu estaba aquí casualmente.
Sra. alcaldesa: estaba vostede dentro do despacho, para saber que temas se estaban tratando.
Sr. voceiro suplente do BNG: eu no dixen que se tratara ningún tema, non falei de nada; sei que
persoas eran.
Sra. alcaldesa: pero entón que quere dicir, calquera pode pedir unha cita.
Sr. voceiro suplente do BNG: o que me molesta é que a Comisión de Urbanismo se vaia convocar
cando xa estea todo feito. A Comisión de Urbanismo xa tiña que estar convocada para ir facendo
un seguimento do Plan, como estaba feito, como se fixo, e vostede prefiren facer doutra maneira.
Sra. alcaldesa: vólvolle a insistir que non vaia por ese camiño Sr. concelleiro, porque vostede non
sabe do que se fala das reunións en Alcaldía, a non ser que teña un micro oculto.
Sr. voceiro suplente do BNG: eu non o teño evidentemente, por iso pregunto.
Sra. alcaldesa: pois se pregunta, xa llo estou dicindo e aínda así vostede sigue insistindo; e que
non sei de quen me está falando.
Sr. voceiro suplente do BNG: vale.
6)¿En que estada se atopan as xestións dos técnicos do Concello para determinar a legalidade
da ocupación dun camiño veciñal no polígono de Piadela?.
Sra. alcaldesa: supoño que será de acceso ó Polígono.
28 Pl. 30/07/2009