acta pleno 30 de xullo de 2009 - Concello de Bergondo

7.- Solicitouse hai unhas semanas que os novos contenedores instalados polo Consorcio na
Estrada a Ferrol dificultan a visibilidade ós vehículos que, dende a Urbanización Casal da
Senra, se incorporan á circulación, o que pode chegar a provocar accidentes de tráfico. Con
movelos para o espazo existente e libre de diante da Farmacia quedaría resolto o problema
¿Pódese cursar a solicitude ó Consorcio dende o Concello?.
Sra. alcaldesa: xa está cursada a solicitude e o servizo de obras xa os vai mover nestes días.
8.- ¿En qué estado se atopa o expediente para a construción da depuradora de Gandarío?.
Sra. alcaldesa: xa está contestada.
9.- ¿Cómo se atopa o trámite para a creación do Rexistro de animais perigosos?.
Sra. alcaldesa: tamén está contestada.
10.- ¿Está xa preparado o Rexistro para as solicitudes de particulares para nichos e panteóns
nos cemiterios?
Sra. alcaldesa: non está listo, pero tamén lle recordo que a xente fai as súas solicitudes aínda que
non exista ese rexistro, porque no Rexistro Xeral hai ese tipo de solicitudes, polo que si se pode
saber as demandas que hai.
11.- Estamos na metade do exercicio. As inversión previstas para este ano 2009 ¿En qué fase se
atopan? ¿Cáles vanse cumprir puntualmente?
Sra. alcaldesa: o presuposto, na parte de inversións, está executado, ou en trámites de
contratación, outra cousa é o suplemento que se fixo; recórdolle que en moitas partidas de
inversións ían en previsión de posibles subvencións, ou posibles plans que se fixeran coa Xunta,
iso non o podemos garantir.
Sr. voceiro do VB: entón entendo que o resto si, como é a ampliación dos nichos, un novo Centro
de Día.
Sra. alcaldesa: iso aínda non.
Sr. voceiro do VB: entón no vamos ben.
Sra. alcaldesa: si imos ben porcentualmente, porque está vostede falando dun total dunhas
partidas que son 72 ou 75 mil euros, cando o capítulo de inversións e moito mais alto.
Sr. voceiro do VB: son dúas partidas pequenas en contía inicial por unha delas, que é o Centro de
Día, foi un acordo plenario que quedamos que se ía comezar a executar un procedemento para
facer un estudo, para levar a cabo neste concello un Centro de Día, e que poñiamos en marcha a
primeira partida, que era dotar unha pequena partida para iniciar un expediente cun informe dun
técnico que diga o que se pode facer. O que se pretende é un gran beneficio para esta poboación,
que temos o 19% da nosa poboación maior de 65 anos.
12.- ¿Qué hai feito dos estudios relativos ó Centro de Día?.
Sr. voceiro do VB: isto xa o contestou.
24 Pl. 30/07/2009