acta pleno 30 de xullo de 2009 - Concello de Bergondo

Sr. voceiro suplente do BNG: eu non sei os prazos que hai, pero todo o que se di aquí nos Plenos,
ó final non se intenta nin cumprir, porque o que tiña pensado eu é falar cos propietarios para a
cesión, e nin se falou nin nada.
Sra. alcaldesa: moitos dos propietarios non son residentes aí, esa é unha dificultade.
Sr. voceiro suplente do BNG: foi en novembro de 2008, cando tivemos o Pleno no que se dixo
iso.
Sra. alcaldesa: imposible.
Sr. voceiro suplente do BNG: traereille a acta; non estaría de mais falar coa Deputación, xa que
Patrimonio estaba esperando unha proposta para dar o visto bo, ou non.
Sra. alcaldesa: na segunda fase.
Sr. voceiro suplente do BNG: non están traballando na segunda fase, téñeno parado dende hai
moitos meses, e non estaría mal, ademais hai un deputado socialista que é o responsable da área,
mandar unha proposta viable a Patrimonio.
4)¿Está legalizado o recheo realizado en Gandarío despois das obras de enterramento dos
colectores?. Aí houbo unha finca onde se fixo acopio de terra, e despois se estendeu a beira do
regato. Eu non sei se iso é legal, ou non, que se levou o nivel por encima do regato, quero saber si
iso é legal, ou non.
Sr. concelleiro de Urbanismo, Infraestruturas, Vía e Obras: iso non se considera un movemento
de terras, iso un aporte de terra que pode ser vexetal.
Sr. voceiro suplente do BNG: neste caso non é vexetal.
Sr. concelleiro: é terra, é para a igualación da superficie de finca e, incluso alguén, con mala idea,
denunciou, viñeron de Augas de Galicia e non viron delito ningún.
Sr. voceiro suplente do BNG: eu non denunciei, e se o fixera estou no meu dereito.
Sr. concelleiro: de todas maneiras iso non lle compete ó concello, e cousa da empresa e do
propietario da finca, e, eu entendo que non se cometeu infracción algunha porque ten unha capa
máxima de quince ou vinte centímetros, e non se considera un movemento de terras, iso unha
igualación da superficie de finca, totalmente legal que se pode facer en calquera tipo de terreo.
Sr. voceiro suplente do BNG: eu non vou entrar en se é legal ou non, por iso preguntei.
Sr. concelleiro: o que lle digo que está a mais de cinco metros da beira do regato, e así o di Augas
de Galicia, e que conste, repítolle, que o concello non ten nada que ver con iso.
Sr. voceiro suplente do BNG: o concello, xa sei que baixo a túa concepción non ten nada que ver
en isto, eu tampouco teño nada que ver cos recheos que se fagan por aí, pero creo que o concello
ten que velar para que non se fagan. Si está legal, perfecto, se eu soubera que estaba ilegal xa non
plantexaría así a pregunta; non é a primeira vez que aquí se fan recheos ilegais, e por parte do
concello non se fai nada, pode ser que lle compita a Augas de Galicia., ou non.
Na seguinte pregunta, no recheo do regato da Agralleira, aí si que ten algo que ver o concello.
Sra. alcaldesa: nese caso, enviouse a Augas de Galicia e aínda non hai resposta.
Sr. voceiro suplente do BNG: pero, ¿que se enviou?.
Sra. alcaldesa: pois a documentación correspondente, fotos e un informe da policía local.
26 Pl. 30/07/2009