acta pleno 30 de xullo de 2009 - Concello de Bergondo

Si podo de estar de acordo coa medida do Partido Popular de favorecer ás familias mais
necesitadas, e iso, precisamente, é o Partido Socialista o que non pode estar para nada en
desacordo nesa medida; pero que iso se completa a través dos Servizos Sociais, neste concello hai
familias que a maiores da gratuidade dos libros de texto, xa que os libros de exercicios non se
subvencionaban polo programa de gratuidade, así como o material escolar, si se subvencionaban
polos Servizos Sociais, e si en función das rendas; non vai ser o goberno socialista o que vai a
estar en desacordo con iso, pero si insistir en que isto é un tema de dereito público, o sexa, a
ninguén se lle plantea agora mesmo que na sanidade a alguén por ter mais recursos, non vai ter
dereito a unha asistencia médica nun hospital, ou nun centro de atención primaria, porque tamén
vaia por un sistema de becas.
De feito hai outros países europeos onde o ensino público é gratuíto, porque é un dereito que se
ten. O que non o quere ten o ensino privado, e dicir, que sempre hai esa opción; defendemos a
Moción presentada en base a eses argumentos.
Sr. voceiro de Veciños de Bergondo, Francisco Manuel Fafián: con respecto á Moción que
presenta o PP, non estou de acordo, porque foron eles os que impulsaron un método que agora
cambian; o PP debería de pensar no run run que hai agora mesmo na sociedade galega acerca
disto, polo que non vou apoiar esta Moción.
Con respecto á presentada polo Partido Socialista, aparte da demagoxia, coincido plenamente con
ela. O modelo que impulsou o Partido Socialista é o que triúnfa naquelas comunidades europeas
que agora mesmo teñen un potencial de coñecemento, como o que hai en Inglaterra, o que hai en
Suecia; non entendo isto dos cambios, polo tanto eu sigo apoiando ó Partido Socialista.
Sr. voceiro suplente do BNG: pois eu tamén, a propia Constitución di que o ensino básico é
gratuíto, deu no cravo a Sra. alcaldesa cando falou do tema sanidade, é o mesmo. Isto non é un
tema impositivo, isto non son impostos, isto son axudas; non é mais que a folla de ruta que ten o
goberno de Feijoo, que está imitando desgraciadamente a Esperanza Aguirre, que esta foi unha
das primeiras medidas que tomou, e que está introducindo o sistema de copagamento tamén na
sanidade. Isto é o inicio dun camiño cara as privatizacións progresivas dos servizos, nós a iso nos
opoñemos.
Ese principio de progresividade, xa me gustaría a min que o aplicaran tamén na política de
impostos. Ademais isto vai ter uns problemas de aplicación moi graves, porque isto vaille dar
cobertura solo a un 25% das familias, hai uns límites tan baixos que, por debaixo de 22.000 euros
unha persoa non ten necesidade de presentar a declaración da renda, cunha declaración xurada de
ingresos lle vai valer, e todos os que estudamos, pedimos becas e os nosos pais tiñan unha
nómina vimos como había xente que con esas declaracións xuradas facían moito fraude, aquí
tamén vai haber fraude.
Hai dúas cousas que me chaman a atención, o principio da progresividade así en teoría
poderiamos aprobalo todos, pero despois, vemos que unha familia cos pais mileuristas e un fillo
son: dous mil euros por catorce pagas entre tres, ingresos anuais por persoa 9.333; non terían
dereito a ningunha axuda; si tiveran dous fillos terían dereito ó 50% da axuda, o sexa, que non
estamos falando de grandes inversións.
18 Pl. 30/07/2009