Libriño sobre a Praza do Perla e o Cine Perla

Desapareceu o “complexo lúdico” pero non a
súa lembranza. En por iso, á hora de proxectar
esta praza non podía levar outro nome que
o que todos e todas asociamos: PRAZA DO
PERLA.
Asemade, para darlle continuidade á liña iniciada
polo Departamento de Cultura e Deportes
(mercar, para o patrimonio municipal
e o disfrute tanto de veciños e veciñas como
das persoas que nos visiten, obra de artistas
feneses e ferrolterráns contemporáneos cunha
traxectoria e calidade contrastadas), encargámoslle
a Suso Basterrechea a obra que se integra
na Praza.
Quizais influído polo “espírito” do Perla, Suso
Basterrechea sorprendeunos moi agradabelmente
coa proposta escultórica ESPECTA-
DOR, “melancólica homenaxe aos cines que
existiron ao longo dos anos no concello de Fene
e particularmente aos veciños e veciñas que
os ocuparon e viviron”.
E engadiría algo máis, ESPECTADOR, ANO
DA MEMORIA (Loureiro-San Valentín) ou
EN MOVEMENTO (Patricia Dopico- Casa do
Concello) son a expresión dun Fene que reivindica
o seu pasado e mira ao futuro cunha
aposta clara pola creatividade das súas xentes.
Xosé María Rivera Arnoso
Alcalde de Fene