You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Arzularımın səni...<br />
ATA<br />
Atama<br />
Mənim dərd qalaqlı zəhmətkeş atam,<br />
Damarda qanına qurban olummu!<br />
Nə qədər qəm çəkib kövrək ürəyin,<br />
Cəfalı canına qurban olummu!<br />
Qabarlı əllərin zəhmət əsərli,<br />
O isti sözlərin, qılınc kəsərli,<br />
Ürəyin yumşaqdır, gözün kədərli,<br />
Dalğın xəyalına qurban olummu!<br />
Nə qədər çalışsam qaytarammaram,<br />
Sənə borclarımı qurtarammaram,<br />
Sən varsan, səninlə bil mən də varam,<br />
Bütün varlığına qurban olummu!<br />
Allahdan aşağı, Allahım ata,<br />
Bil ki, səndən ötə heç kimim yoxdur,<br />
Ümidim, pənahım, and yerim ata,<br />
Sənli günlərimə gümanım çoxdur.<br />
Səni məndən öncə almasın Allah,<br />
Sənə bala dağı vurmasın Allah,<br />
Yüz il sənin olsun, gün artıq mənim,<br />
Rəhm edər Allahım, qurban olummu!<br />
103