Create successful ePaper yourself
Turn your PDF publications into a flip-book with our unique Google optimized e-Paper software.
Ramilə Qardaşxanqızı<br />
AĞLADIRAM<br />
İlk dəfə əlimə alıb qələmi,<br />
Yaşanan illərçin xəyala daldım.<br />
Gözümün önündə canlandı hər an,<br />
Keçmiş günlərimi yadıma saldım...<br />
Orda xatirələr varaq-varaqdır,<br />
Yığılıb üst-üstə, qalaq-qalaqdır,<br />
Təkcə sən solmusan könül bağımda,<br />
Sənlə yaşananlar gözdən uzaqdır...<br />
Nəyimə gərəkdir acı anları,<br />
Hər dəm xatırlayıb, yara yamamaq!<br />
Nəyimə gərəkdir oda, alova,<br />
Əlimi uzadıb qəstinə yanmaq!<br />
Gözünün önündə yandım bilmədin,<br />
El gəldi naləmə, susdun dinmədin.<br />
İsti ocaq oldum, od oldum sənə,<br />
Köksümə sığınıb heç isinmədin...<br />
Bax indi ürəyim istəmir səni,<br />
Sevirəm verdiyin dərdi ədəmi.<br />
Sayəndə hesaba gəlmir sayı da,<br />
Mənsə ağladıram yenə qələmi...<br />
104