You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ramilə Qardaşxanqızı<br />
GETMƏ<br />
Sənə məhəbbətim safdır təmizdir,<br />
Sənə məhəbbətim candan əzizdir,<br />
Sənə məhəbbətim sanki dənizdir,<br />
Çırpılır qəlbimə dalğalar yaman,<br />
Getmə gözlərimdən dayanar zaman.<br />
Getsən həyat eşqim marağım olmaz,<br />
Qaranlıq ömrümdə çırağım yanmaz,<br />
Adımı yad nədir yaxın da anmaz,<br />
İtər izim-tozum sorağım aman!<br />
Getmə gözlərimdən dayanar zaman.<br />
Ayrılıq əzabı öldürər məni,<br />
Hər kəs kinayəylə dindirər məni,<br />
Əsən güclü külək söndürər məni,<br />
Qar yağar ömrümə ələnər inan,<br />
Getmə gözlərimdən dayanar zaman.<br />
Sənsiz yaşamağım nəyə yarar ki!<br />
Sənsizkən varlığım müqəvva sanki,<br />
Dedin eşq odunda alış ki yan ki<br />
Deməyim sevgimi apardı güman!<br />
Getmə gözlərimdən dayanar zaman.<br />
50