Create successful ePaper yourself
Turn your PDF publications into a flip-book with our unique Google optimized e-Paper software.
Ramilə Qardaşxanqızı<br />
SAVAŞ<br />
Nə savaşlardan keçdim, neçə əsgər itirdim,<br />
Hər itkiylə ömrümə yeni bir qəm gətirdim…<br />
Ay işığım, alovum, mənim ömür çələngim,<br />
Vuruşlardan gələrdi mənim səsim, ahəngim…<br />
Öz gücümə güvənib döyüşürdüm həyatla,<br />
Mən piyada qalanda o hey qovurdu atla…<br />
Sapı özümün imiş məni vuran baltanın,<br />
Nə etsəm də yolundan dönəmmədim xatanın…<br />
Yenə dirəşdim inan, ələndikcə ələndim,<br />
Hər savaşda üz tutub fələkdən güc diləndim…<br />
Fəqət fayda etmədi, suda sındı səhəngim,<br />
Sonda dovşan da çıxdı güvəndiyim pələngim…<br />
Şahidim olub dağlar, süründüyüm dərələr,<br />
Yaramı xəlvət sardım, dedim birdən görərlər…<br />
Qıymadım ki, sevdama zərər vura hədələr,<br />
Son bulmadı yarımdan qoşa gələn zərbələr!...<br />
44