You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ramilə Qardaşxanqızı<br />
MƏHƏBBƏT...<br />
Məhəbbət ucaldan insanı bil ki,<br />
Heç kim bu dünyada əyə bilməyib.<br />
Ayrılıq insanı döydüyü kimi,<br />
Əllər öz hökmüylə döyə bilməyib...<br />
Fələyin silləsi ayrılıq salar,<br />
Talayar ömrünü, puç olar illər.<br />
Dərib qoxlamağa eyləməz aman,<br />
Elə göz önündə saralır güllər...<br />
Qara saçlarına bəyaz dən düzər,<br />
Qəlbini həsrətlə hicranla üzər.<br />
Uzadıb əlini silməz göz yaşın,<br />
Amansız baxışla kənardan süzər...<br />
Beləcə günlərin hədər yaşanar,<br />
Alnın qırışlanar, ömrün yaşlanar.<br />
İllərcə yas tutan xatirələrin,<br />
Bir şirin xəyalla alışıb yanar...<br />
124