Kitabı yüklə - Kitabxana

Ramilə Qardaşxanqızı
Sən haqq axtarırdın, haqqa qovuşdun,
Bir polis doğuldun, şərlə vuruşdun,
Həzin baharıykən qışla yarışdın,
Qoca təbiətə yaman dağ çəkdin,
Heç vaxt tükənməyən sonsuz dərd əkdin.
Axtaran tapmadı, dərdə bələndi,
Xatirən nur olub göydən ələndi,
Göz yaşın yağışla birgə çiləndi,
Qardaş qəlbimizə yaman dağ çəkdin,
Heç vaxt tükənməyən sonsuz dərd əkdin.
Bir eli ağlatdın, sızlatdın yaman,
Bu acını silməyəcək bil zaman,
Qəlbən qan ağladı hər dərddən qanan,
Vallah, ürəklərə yaman dağ çəkdin,
Heç vaxt tükənməyən sonsuz dərd əkdin.
Kimin günahına cavabdeh oldun
Kimin sevdasını gözündə qoydun
Kimin ürəyini içindən oydun
Əhməd, o kimsəyə yaman dağ çəkdin,
Heç vaxt tükənməyən sonsuz dərd əkdin.
132