IsiZulu - Treatment Action Campaign

UKULWA NE- TB
26
Umxhumanisi
wezokuqeqesha u-
Gregory Hoedemaker
ukhuluma
nabasebenzi
njengengxenye
yohlelo lokuqwashisa.
Isithombe ngomusa
we-South African
Clothing and Textile
Workers’ Union.
Onyakeni owedlule, i-SWHP yandile yanikezela uhlelo lwe-TB
oluphelele, kubandakanya imfundo yasemsebenzini kanye
namaseshini okuqeqesha. “Besihlola uhlelo lokwelapha i-TB
emadolobhenikazi aseNtshonalanga Kapa”, kusho u-Nikki
Soboil, Umqondisi we-SWHP. “Iyabasebenzela ... abasebenzi,
futhi nabaqashi bajabule kakhulu.”
Lusebenza kanjani Uhlelo Lwe-
SACTAWU Lwezempilo Emsebenzini?
1. Ukuqeqesha
Abaqeqeshi be-SWHP bavakashela izindawo zokusebenza
zonke izinsuku ukuyokwenza amaseshini ezemfundo
e-TB ne-HIV efemini. Lezi zingxoxo zivamise ukwenzeka
kuphuzwa itiye noma ngelantshi enkantini. Njengoba isikhathi
sinomkhawulo, abaqeqeshi bethula imiyalezo esebenzisekayo
“yokuya ekhaya” egxile ekuvimbeleni, ekwaziseni abasebenzi
ngokulawula ukutheleleka okuyisisekelo kanye nezimpawu
zesifo se-TB. Abaqeqeshi bashiya amaphosta kanye nezinye
izinto zokukhuthaza ukulawula isifo, ukuhlunga kanye
nokuhlolwa.
Ukwengeza kulezi zingxoxo, i-SWHP ihlosele futhi amagosa
okuqeqesha okujulile. Amagosa aya emihlanganweni
yokufundisana emibili ukuya kwemithathu emahhovisi
enyunyana, akhava i-HIV, TB kanye namalungelo endaweni
yokusebenza.
2. Ukulawula isifo
Ngesikhathi samaseshini ezemfundo efektri, abaqeqeshi
be-SWHP bakhuthaza izindlela eziyisisekelo zokulawula
ukusabalala kwe-TB, njengokuvula amafasitela, ukukhwehlelela
kuthishu kanye nokugeza izandla. I-SWHP futhi
ikhuluma nabaphathi befektri ngokulawula isifo. Lokhu
kungabandakanya ukuphakamisa amalambu e-UV, amathishu
noma ukungena nokuphuma komoya okungcono. I-SWHP
ikwazile ukunikezela amafektri ngokokukhipha ijeli engenaalkhoholi
yokugeza izandla. Abaqeqeshi bakhuthaza amalungu
e-SACTAWU, asebenza embonini yezimpahla zokugqoka
nezindwangu, ukuthi basebenzise iziqephu zendwangu
ukwenza amasayiduku.
3. Ukuhlungelwa nokuhlolelwa i-TB
Abaqeqeshi ngokwenjwayelo bahlungela iqembu i-TB, bebuza
abasebenzi ukuthi kukhona yini izimpawu zesifo abanazo.
Amathimba onesi kanye namakhansela angaqeqeshiwe
balandelela lokhu kuvakasha zonke izinsuku ukuhlola
nokuhlungela i-TB.
Ukuhlowa kwe-TB kubandakanya izitsha zokuqoqa
isikhwehlela endaweni yokusebenza noma uma abasebenzi
bevakashela umtholampilo we-SWHP ukuyohlola. Uma
imitholampilo ye-SWHP ikude, abasebenzi badluliselwa
emtholampilo woMnyango Wezempilo ukuyohlola. Kulezi
zimo, unesi ovela ku-SWHP uyafona ukuhlola ukuthi
umsebenzi useyilandile yini imiphumela yakhe yokuhlolwa.
Uma imiphumela yesikhwehlela ingenayo i-TB kodwa
umsebenzi enezimpawu zesifo zokwelashwa ze-TB, i-SWHP
yenza ukuhlolwa kwamabhaktheriya bese bemdlulisela kuma-
X-reyi umsebenzi uma kudingeka.
4. Ukwelashwa kwe-TB
Umtholampilo we-SWHP e-Salt River yiyona kuphela indawo
yokwelapha i-TB okungesiyona ekahulumeni, nengazimele
eNtshonalanga Kapa. Abasebenzi bangakhetha ukuthi
bazokwelashwa yi-SWHP noma emtholampilo wasendaweni
woMnyango Wezempilo. Amalungu e-SACTAWU amaningi
kakhulu ahlolwe atholakala ene-TB elashwa kusetshenziswa
umtholampilo we-SWHP ngaphandle uma behamba noma
besebenziea kude. Kuze kube namhlanje, i-SWHP inezinga
lokuphilisa elingama-100%.
U-Soboil uthi impumelelo yohlelo lokwelapha lusizwa
ukubambisana okuhle kanye nethimba elizinikele.
“Ukubambisana kubalulekile ngempela ... . Umnyango
Wezempilo ... usixhumanisa nemitholampilo ethize ngenxa
yalokho siyakwazi ukudluliseka kalula. Siyakwazi ukuthola
imithi kalula futhi amakhithi ethu okuhlola siwathola kubo.
Kufanele kube nokubambisana okuthize kungenjalo angeke
kusebenze.”