Irwaun-Nadiim-ci-Sëriñ-Tuubaa-wolof - Daaray Kamil
Irwaun-Nadiim-ci-Sëriñ-Tuubaa-wolof - Daaray Kamil
Irwaun-Nadiim-ci-Sëriñ-Tuubaa-wolof - Daaray Kamil
Create successful ePaper yourself
Turn your PDF publications into a flip-book with our unique Google optimized e-Paper software.
dikk,yendook man ca sama kër waajur,di ma laaj <strong>ci</strong> mbiri Sëñ bi,aki xibaaram ,yi <strong>ci</strong> di yu nu man a tas,ak<br />
yi <strong>ci</strong> di yu ñu bari mant a xam,bu ko defee muy ree rekk,bég lool <strong>ci</strong> Sëñ bi , aki mbiram, <strong>ci</strong> noonu ma won<br />
ko teereb Sëñ bi tudd “Masaalikul Jinaan”,mu sëgg <strong>ci</strong>,siggiwul ngir dara,ba kerook ngoon di jot,mu ne ma<br />
Sëñ bi de ñëw gi mu ñëw <strong>ci</strong> jamono jii nu nekk de,firndéel na yiwam wu bari wi .<br />
Lii nag ag mosle rekk la ,waaye waxi ak seerey sangi naar yi,fii taxu koo jug, fi ko tax a jug kay mooy sunu<br />
téere bi tudd,(alminahul miskiya,fil xawaarixil mbàkkiya).<br />
Da nanu <strong>ci</strong> dolli li nu man <strong>ci</strong> tudd murid yi <strong>ci</strong> ñoom,bu soobee Yàlla. Bokk na <strong>ci</strong> kilifa yi ko seereel,sunu<br />
sëriñ tey sëriñub jullit ñi <strong>ci</strong> Senegaal,soppeb Sëñ bi,tey mbokkam,<strong>ci</strong> jegeñaaleg diine ak askan,ak<br />
réew,Alhaaji,Maalik SI, yal na ko Yàlla gërëm te jariñ ñu <strong>ci</strong> moom Aamiin,dégg naa ko,ku dul man it dégg<br />
ko,ba xaw naa doon lu ñépp xam,mu ne: amul kénn <strong>ci</strong> nun ku dul koo xam ne,daa def lu ñaaw,ba<br />
noppi,tuub ko,te jubal,bàyyi ag dëng,ku dul Sheex Ahmadu Bamba,moom de daa judd,rekk di def lu baax<br />
ak a rafetal . Maanaam loolu mooy ñun ñi ñiy tudd ñépp de,amu <strong>ci</strong> kenn ku gisul <strong>ci</strong> boppam ab rëccrëcc,walla<br />
ay rëcc-rëcc,bu ko defee mu tuub ko te jubal,ginaawug dëng,ndare moom,moom dey ,am<br />
mbiram <strong>ci</strong>g ndawam akug magam ñoo yam rekk,lépp ag tegu <strong>ci</strong> yoon la.Moom de wallaahi dëggal na,te<br />
laabiire.<br />
Sama mbokk, Muhammad, mom Ahmad Aliyu Alyahxuubii,nu gënoon koo xam <strong>ci</strong> turu,Muhammad<br />
<strong>Tuubaa</strong>,xibaar na ma ne moom de <strong>ci</strong> lenn <strong>ci</strong> ay siyaareem yu mu doon def,daa romboon<br />
Tiwaawon,siyaare Alhaaji Maalik SI,bi mu xamee ne ca Sëñ ba la jëm,mu ne ko man de da ma laa bëgg a<br />
yobbante ay baat ca moom,boo àggee na nga ma ko nuyyul,te fàttalil ma ko sunu guddi ga nu bokkoon<br />
fanaan ca Ndakaaru,<strong>ci</strong> benn néeg ñun ñaar rekk,kenn ñatteelunu ku dul Yàlla,bu ko fàttalikoo ba xam ne<br />
maa la yonni ,nga ne ko,man kat maa nga ca la ma waxoon ak moom,maa nga ca kollare ga ma defoon<br />
ak moom.Muhammad nee na man de wallaahi,xamuma gan kollare la jublu <strong>ci</strong> waxam jooju,te moom<br />
dolliwaatuma <strong>ci</strong> genn leeral. Bi ma àgsee ba fàttali Sëñ bi guddi gi,ba mu fàttaliku ko,ma wax ko li mu ma<br />
wax,mu bég <strong>ci</strong>,dëggal ma te dëggal ko,tagg ko bu baax,tàmbli di coppati sama nopp bi,ak sama bakan<br />
bi,boole ca di ree rekk,ngir bég .<br />
Bokk na <strong>ci</strong> mag ñi ko seereel ba tay Xaali Majaxate Kala,xaritu Sëñ bi,tey mbokkam <strong>ci</strong> diine ak askan,ak<br />
réew,xaritu waajuri Sëñ bi la woon,da daan def ,bi Sëñ biy jàng,saa su ko masaa na romb rekk,sànni ko<br />
aw bayit walla ab jumla,ngir nattu <strong>ci</strong> ab tolluwaayam <strong>ci</strong> nahwu,muy (xam-xamu tegi wax <strong>ci</strong> yoon) walla<br />
bayaan:(xam-xamu rafeti wax) ngir ñawal am xelam, leeg-leeg,mu génneel ko <strong>ci</strong> ab yàq,leegleeg,déedéet,ba<br />
mujj Sëñ bi far ko raw,bi Sëñ bi màggee ba weesu fi mu tolloon,mu mujj naan ko,yaw de<br />
doom nga woon,waaye leegi baay nga, donga nga woon it,leegi sëriñ nga,muy lu mu dëggal te fas ko <strong>ci</strong><br />
biir ag kaf,akug woyofal .<br />
bokk na <strong>ci</strong> li nu koy askaneel,aw bayit wu yéeme,yaakaar naa ne tàmblig ag xaasida la : (tukkee na <strong>ci</strong><br />
man jëm <strong>ci</strong> Ahmadu Bamba,mi bàyyi nit ñi,ngir Yàlla ,mujj far di sangub nit ñi ) .<br />
69 www.daaraykamil.com