How We Can Make Life Work? - United Church of God
How We Can Make Life Work? - United Church of God
How We Can Make Life Work? - United Church of God
Create successful ePaper yourself
Turn your PDF publications into a flip-book with our unique Google optimized e-Paper software.
Dagitoy a versiculo mangtedda ti napangruna a nadiosan a panangkita a masapultayo nga<br />
utoben. Ti Dios ti mangted cadatayo ti biag ken bael ken isu ti nangparsua cadagiti bambanag<br />
nga adda ditoy daga a pagtaudan dagiti masapsapultayo ken ti kinabacnang.<br />
Panangbigbigtayo Iti Dios Cadagiti Bendisionna<br />
Gapu ta ti Dios ti Namarsua, mangted biag ken manarawidwid iti isuamin a nabiag,<br />
mayataday ngarud nga adda Kencuana ti calintegan a mangkiddaw iti bassit nga isubli dagiti<br />
agbibiag a cas agab-abang iti saniccuana. Rinibu a tawen ti naglabasen inyussuat ti Dios ti<br />
principio ti panangted ti tao iti cacapullo ti gananciana cadagiti pannacabagi ti Dios – cas<br />
wagas a mangipakita nga Isu (Dios) ti pagtaudan amin dagiti bendisiontayo. Ti cacapullo isu ti<br />
maaramat a pangibingay iti Kinapudno cadagiti sabsabali.<br />
Dagiti Escritura ipakitada cadatayo a dagidi ugma a patriarca iti Daan a Tulag da Abraham<br />
ken Jacob nangtedda ti cacapullo (Genesis 14:18-20; 28:22). Imbilin ti Dios iti entero a nasion ti<br />
Israel ti panagitedda ti cacapullo (Levitico 27:30). Insungsong met ni Jesus ti cacapullo (Mateo<br />
23:23; Lucas 11:42). Dagiti tattao a mangipagarup a ti pannangted ti cacapullo maysa la a wagas<br />
a panggun-od ti kinabacnang agkibaltangda a mangkita a daytoy a pamay-an nga imbilin ti<br />
Dios, saan a ti tao, nga agpaay iti dackel a panggep nga espiritual. Dida makita a ti panagtudyo a<br />
mangbigbig ken agtulnog iti Dios iti castoy a wagas isu ti nangruna nga addang iti pannacagunod<br />
ti bucod a ragsac ken balligi a financial.<br />
Icari ti Dios dagiti material a bendision cadagiti agtulnog Kencuana ken mangbigbig<br />
Kencuana iti kinabacnangda (Proverbio 3:1, 9-10). Babaen ken pr<strong>of</strong>eta Malakias imballaag ti<br />
Dios nga iti panangmedmed ti cacapullo caipapananna ti panagtacaw Kencuana, ngem ibagana<br />
met a bendisionanna dagiti mangted ti cacapullo (Malakias 3:7-12).<br />
Ited ti Dios cadatayo “ti amin a nasayaat ken naan-anay a sagut” (Santiago 1:17). Ti<br />
panangisubli Kencuana ti cacapullo, agraman dagiti datdaton a pangyebcas ti panagyamantayo,<br />
isu ti napangruna nga annongentayo. Ti panangyun-unatayo iti Dios iti panangplanotayo cadagiti<br />
ar-aramid maipapan ti saniccua isu ti mangipakita ti panangurnostayo cadagiti napangruna a<br />
bambanag ken ti itatallaugodtayo a mangtungpal ti pannursuro ti Dios. Ti umuna a cacapullo ti<br />
nayon ti apittayo nasantoan iti Dios (Levitico 27:30) ket mailasin nga agpaay cadagiti panggep<br />
ken tarigagayna imbes nga agpaay cadatayo.<br />
Ania Ti <strong>Can</strong>gatoan A Yun-unatayo?<br />
Ti Eclesiastes 2:1-11 ipakitana nga awan pagmamaayan ti panangbiroc ti naidagaan a ragsac,<br />
kinabacnang ken materialismo. Daytoy nga aramid agtungpal a cawaw: “No naagumca iti cuarta,<br />
awanto ti pannacapnecmo; no tarigagayam ti bumacnang, dimo maala amin a cayatmo. Awan<br />
serserbina.”<br />
Ipakita manen daytoy ti kinapangruna ti panangyun-una cadagiti bambanag nga agpaay<br />
iti Dios ken ti Pagarianna gapu ta isuda laeng ti macaited ti napaut a pannacapnec ken<br />
pannacapunno.<br />
Imbaga ni Jesu Cristo cadatayo a saantay nga agballigi iti panangipamaysa ken panangicabil<br />
iti rumbeng a panangyunay-unay iti Dios ken ti “mammon” (cuarta ken saniccua) – ti<br />
minamaterial a kinabacnang (Mateo 6:24). Ngarud, ti panangpili iti maysa cadacuada napangruna<br />
unay.<br />
30
Change language