Pedagogblaðið nr4-2005.pdf - Føroya Pedagogfelag
Pedagogblaðið nr4-2005.pdf - Føroya Pedagogfelag
Pedagogblaðið nr4-2005.pdf - Føroya Pedagogfelag
Create successful ePaper yourself
Turn your PDF publications into a flip-book with our unique Google optimized e-Paper software.
síni tíð, og sínum minnum. Og hugtøkini<br />
ungdómur og framtíð eru serliga trupul at<br />
avmarka og allýsa í okkara seinmodernaðu<br />
epoku, har flestøll sosial og mentanarlig mørk<br />
verða flótandi, og komandi tíðirnar kunnu<br />
ganga í allar ættir. Framtíðin er í dag líka<br />
óútroknilig hjá ungdóminum sum hjá øðrum<br />
samfelagsbólkum, hóast tey ungu eyðsæð<br />
sum vaksin fara at fáa ein týðandi leiklut í<br />
framtíðarsamfelagnum. Tey ungu skulu ferðast<br />
inn í framtíðina uttan nakra greiða ferðaætlan.<br />
Tey ferðast einsamøll ella í smáum bólkum,<br />
og vaksin fólk fylgja teimum sjáldan. Tey skulu<br />
sjálvi finna vegin inn í vaksnamannaheimin.<br />
Tú <strong>Føroya</strong> piltur, tú <strong>Føroya</strong> moy,<br />
tit gloymið ikki tað<br />
at elska tykkara fosturoy<br />
og varðveita tykkara føðistað<br />
(Finnur hin lítli, í „Ungu <strong>Føroya</strong>r” nr. 2 1909)<br />
Tey ungu stremba eftir<br />
høgum málum<br />
Í áttati- og byrjanini av nítiárunum í farnu<br />
øld varð ofta borið fram, at ungdómurin<br />
var líkasælur og sjálvsøkin, sjálvsoyðandi<br />
og hedonistiskur, og at hann sostatt ikki<br />
tók sína egnu framtíð í álvara. Hann átti<br />
onga framtíð – og ynskti sær onga framtíð.<br />
Sonevnda generatión X brendi sínar brýr og<br />
royndi, sum sagt verður, at „liva í løtuni”.<br />
Ungdómurin segðist vera narcissistiskur og,<br />
sigur Thomsen (1998), „hann fekk orð fyri<br />
at vera egoistiskur, individualistiskur, ólátin<br />
og sjálvráðandi”. Hesi viðurskifti endurspegla<br />
eyðsæð eina tíð, har ið heimurin tyktist drukna<br />
í kreppum og stríði, harðskapi og sosialari<br />
ójavnvág. Og hóast tíðirnar eru broyttar nógv,<br />
nýtt ungdómsættarlið er komið fram, so eru<br />
atfinnandi myturnar um ungdómin ofta tær<br />
somu anno 2005. Ungdómurin skal bera allar<br />
syndir veraldarinnar á sínum herðum. Hann<br />
tekur ikki framtíðina í álvara. Hann oyðslar tíð<br />
og orku uppá undirhald og frítíðarlív. Og hava<br />
vit „púrasta mist álitið á skilið – rationalitetin<br />
– so hava vit eisini mist álitið á okkum sjálvi,<br />
álitið á, at framburður og undirvísing ber til”<br />
(Thomsen 1998: 407). Nýggjar kanningar hava<br />
tó staðfest, at ungdómurin í dag als ikki er<br />
líkasælur viðvíkjandi framtíð síni: útbúgving,<br />
yrkisleið, familjulívi, bústaði og so framvegis.<br />
Tvørturímóti verður sligið fast, at tað nýggja<br />
umgdómsættarliðið als ikki ynskir at ganga í<br />
fótasporunum hjá generatión X; tey ungu eru<br />
sera tilvitað um sínar møgulleikar, um síni ynski,<br />
um mentanarligan samleika og virðir, og tey<br />
arbeiða hart fyri at røkka sínum málum. Tey<br />
eru strembarar, ið seta sær høg mál. Tey vilja<br />
realisera sínar dreymar, finna „tað góða lívið” og<br />
annars fáa fjøltáttaðar lívsroyndir og ein breiðan<br />
sjónarring. Framtíðin liggur fremst í teirra huga.<br />
Tey hava eina sterka trúgv uppá hana – og skilja<br />
ikki nihilismuna hjá generatión X.<br />
Flestu ynskja sær eitt vanligt familjulív<br />
Seinmodernaðu tíðirnar innibera eina æviga<br />
óvissu um alt, ið er á veg. Broytingar avloysa<br />
broytingar, nýggj rák gomul, og vitanin verður<br />
avoldað, áðrenn hon yvirhøvur er vunnin.<br />
Læring er – bókstaviliga – lívlong verkætlan<br />
og ótryggleiki partur av einhvørjum lívsskeiði.<br />
Tó eru tey ungu ikki, sum annars ofta hildið,<br />
ørkymlað og ráðaleys, ei heldur rótleys, tí tey<br />
eru vaksin upp við seinmodernitetinum og<br />
duga at takla avbjóðingarnar, ið tey renna seg<br />
í. Um framtíðina og vaksnamannalívið sigur 17<br />
ára gamal drongur í Danmark millum annað:<br />
„Jamen, det er at starte stille og roligt med<br />
en lejlighed inde i byen, og så få en kæreste<br />
og så bliver man gift og så...får man børn og<br />
hus...og så have en god karriere ved jobbet”<br />
(Kofod & Nielsen 2005: 55). Hann ynskir sær<br />
eina vanliga trygga tilveru líkasum so nógv<br />
onnur ung í Danmark og aðrastaðni. Í mínum<br />
egna tilfari, innsavnað í Havn í 2003, síggi eg<br />
líknandi tankar um framtíðina. Flestøll ynskja<br />
sær eitt vanligt familjulív, ið minnir um lívið hjá<br />
farnum ættarliðum. Í danskari kanning verður<br />
sagt, at „familien dukker op som tema hos de<br />
fleste unge, uanset både køn og alder. De er<br />
tryghedssøgende og i en tid, hvor omfanget af<br />
beslutninger – der skal træffes – øges, er der<br />
behov for stabilitet” (Kofod & Nielsen 2005:<br />
55). Tey ungu eru minni uppreistrarsinnað,<br />
minni ónøgd, og meira pragmatisk enn<br />
foreldraættarliðið var. Tey søkja loysnir uppá<br />
trupulleikar, ofta við at hyggja aftur í tíð, og eru<br />
sera fleksibul og praktisk hugsandi.<br />
Stremban eftir próvtølum og úrslitum<br />
Viðvíkjandi arbeiðslívi og førleikum stendur<br />
hægri útbúgving høgt í raðfestingini hjá<br />
ungdóminum í Føroyum, og tað verða alt<br />
færri, ið ikki fara í læru ella fáa sær hægri<br />
útbúgving (Gaini 2003). Og eisini í Føroyum<br />
gerst tað nú meira krevjandi at ganga í skúla,<br />
tí strangari reglar verða innførdir í øllum<br />
skúlum fyri at fáa næmingarnar at møta betur<br />
upp til tímarnar, til at sløkkja telefonina í<br />
skúlatíðini, til at vera meira lýðin og friðarlig,<br />
til ikki at fara út úr skúlastovuni í tímanum,<br />
og so framvegis. Null-toleransu- sjónarmiðið<br />
er, mugu vit sannkenna, eisini á veg inn í<br />
okkara skúlaverk, og spurningurin er, hvussu<br />
hetta ávirkar næmingarnar, samskiftið ímillum<br />
lærara og næming, og trivnaðin í flokkinum<br />
yvirhøvur. Nógv ung eru troytt av óskipaðari<br />
og veikari stýring, sum gevur tvørum og<br />
áhugaleysum næmingum fríar teymar at<br />
kúga hini í flokkinum, og sum sostatt ávirkar<br />
teirra stremban eftir próvtølum og úrslitum,<br />
ið geva atgongd til dragandi lærustovnar og<br />
útbúgvingar. Tey vilja hava skil og ordan í<br />
skúlanum, men hvussu langt skal ein fara?<br />
Strembarar, sum hugsa um sína yrkisleið,<br />
skulu ikki hava seinasta orðið, ella hvussu?<br />
Um samfelagið verður skipað eftir treytunum<br />
og ynskjunum hjá teimum sterku og múgvandi,<br />
sum hava ljósar framtíðarvánir, so kann gerast<br />
tyngri og truplari hjá hinum at standa seg í<br />
kappingini um tær góðu útbúgvingarnar og<br />
tey góðu størvini. Heldur enn at venda aftur til<br />
eina gamla skipan, ið var partur av farnari tíð,<br />
so burdi ein funnið nýggjar loysnir, ið vaksa úr<br />
seinmodernaða vitanarsamfelagnum, sum vit<br />
liva í. Alt ber til, onki er avgjørt. Og hvør hevur<br />
eydnuna við sær – ella evnini at fáa tað at bera<br />
til – er tann stóri tvørligi spurningurin, sum<br />
modernaða filosofiin leggur upp til.<br />
Keldur:<br />
Gaini, Firouz. 2003. Ártúsund og nýggj ættarlið.<br />
Dimmalætting 20/9<br />
Kofod, Anne & Jens Christian Nielsen. 2005.<br />
Det normale ungdomsliv. Danmarks Pædagogiske<br />
Universitet<br />
Thomsen, Rógvi. 1998. Skúlin á veg inn í eitt<br />
nýtt túsundár. Í Føroyski skúlin. <strong>Føroya</strong> Lærarafelag<br />
Ungu <strong>Føroya</strong>r nr 2 1909<br />
PEDAGOGBLAÐIÐ | 17