THUTO EA 2 - C-Hub

Likamano: Mofuthu oa lerato le senang kotsi
108
Selelekela
Amohela bohle thutong ena. Leboha bohle ba teng. Haeba ho na le litho tsa sehlopha
tse eso fihle, botsa hore na ba ntse ba tla kapa ha ba tlo khona ho ba teng thutong ea
kajeno.
Kopa baithaopi ba neng ba le teng thutong e fetileng ho fana ka boikhopotso holima
liketsahalo tsa thuto e fetileng. Kopa sehlopha ho etsa lesakana la nkope, ‘me uena
u le motataisi o akhele bolo ho e mong feela oa litho tsa sehlopha ‘me eena a bolele
maikutlo a hae, kapa seo a ithutileng sona thutong e fetileng. Ena ke tsela e ntle ea
ho hlahloba kutloisiso ea sehlopha ea melaetsa ea bohlokoa thutong e fetileng.
Bontša sehlopha thuto eo re e etsang kajeno, seo re tla se kotula thutong ea kajeno
le liketsahalo tseo re tla be re li etsa u sebelisa pampiri e ngotseng lethathamo
la tšebetso e tsoang kahar’a lebokose la Lithusa-thuto. Tseo re tla ithuta tsona li
ngotsoe litabeng tse hlahang pele ho selelekela.
Fetisa foromo eo batho ba ngolang mabitso ho eona, haeba ho na le baeti hopola
hore ba ngole mabitso a bona karolong ea baeti. Etsa bonnete ba hore u boloka
foromo e tlatsitsoeng ‘me u tekene ka tlase
Joetsa litho tsa sehlopha ka bokhutšoanyane hore na re tlo buoa ka eng thutong ena:
1.
Thutong ena re tla bua ka litumelo, litloaelo le mekhoa ea Basotho e susumetsang
boitšoaro le liqeto tsa rona.
2. Moetlo le litloaelo tsa rona, bochaba le bolumeli ba rona bo susumetsa tsela eo
re phelang ka eona. Hangata litloaelo tsa moetlo, bolumeli le bochaba li ka ba le
tšusumetso e ntle, empa ka linako tse ling li ka ba le tšusumetso e kotsi maphelong a
rona.
3.
Re tla manolla hammoho hore na litloaelo tse ling tsa moetlo le tumelo li ka re beha
kotsing ea tšoaetso ea HIV joang, le hore na tse ling tsona li ka re tšireletsa joang.
4. Re tla shebisana hore na re ka tiisa meetlo, bolumeli le litloaelo tse re tšireletsang ho
tšoaetso ea HIV le ho fokotsa tse eketsang kotsi ea rona ea tšoaetso ea HIV.