THUTO EA 2 - C-Hub

Likamano: Mofuthu oa lerato le senang kotsi
166
Lengolo la bobeli: A ke ke a u lumella hore CHE!
Ke lilemo tse 11 re nyalane le mosali oa ka. Selemong se fetileng, ke ile ka ratana le
mosali e mong mosebetsing oa ka. Mosali oa ka o ile a tseba ka taba ena, ‘me a re o tla
ntšiea ha ke sa hlale mosali eo oa mosebetsing. Ke ile ka mo tšepisa ho etsa joalo. Empa
ke sitoa ho ithiba. Mosali oa mosebetsing o matha kamor’a ka , o re ke ee ha hae. Ha a
lumele ha ke mo hlala. Ke rata mosali oa ka haholo, ‘me ke batla ho emisa ntho ena. Ke
kopa u nthuse ho boloka tšepiso ea ka ho mosali oa ka.
Eletsa Tau u latela “methati e mehlano ea ho ithuta ka liphoso tsa rona” hore a amohela
boikarabelo ba liketso tsa hae le ho ithuta ka liphoso.
Lengolo la boraro: Ke tlohela nama, nameng joang?
Ke ne ke tšoenyehile; ke ne ke nahana hore ke na le tšoaetso ea HIV. Ke hlokile
boikarabelo nakong ea ho feta, ke ne ke na le baratuoa ba bangata ka nako e le ‘ngoe.
Ke ile ka hlahloba ‘me ka fumana ke sena tšoaetso ea HIV, ke ile ka etsa tšepiso ea hore
ho tloha joale ke tla sebelisa likhohlopo. Empa ka nako tsohle, ha ke lokela ho sebelisa
khohlopo, ke etsa qeto ea ho se e sebelise. Nka tlohela ho etsa see joang ‘me ke lule
tšepisong ea ka? Khotso, Basetsana
Eletsa Basetsana u latela “methati e mehlano ea ho ithuta ka liphoso tsa rona” hore a amohela
boikarabelo ba liketso tsa hae le ho ithuta ka liphoso.
Qetella ketsahalo, bua u re
Ho na le phapang lipakeng tsa ho se atlehe morerong oa hao le ho ho ikutloa e ka ha o letho (ho
hloloa u le motho).
`
`
`
Re ithuta ka liphoso tsa rona le ho hloloa. Ntho ea bohlokoa ke ho ithuta ho se nyahame.
U ka reng ho motsoalle ea batlang ho nyahama hobane a sitiloe ho fihlela sepheo sa hae?
U tšoanela ho ikhothatsa ka tsela e ntle, ka mokhoa o tšoanang le eo o neng o tla eletsa
motsoalle oa hao.