Create successful ePaper yourself
Turn your PDF publications into a flip-book with our unique Google optimized e-Paper software.
Likamano: Mofuthu oa lerato le senang kotsi<br />
KETSAHALO <strong>EA</strong> 1:<br />
Re bolelang ka bonyatsi kapa ho boka?<br />
Ketsahalong ena u tla sebelisa lipale tsa batho ba bane ho hlalosa hore na re bolelang ka<br />
bonyatsi kapa ho boka, le ho hlalosa khokahano ea thobalano. Sepheo sa ketsahalo ena ke ho<br />
thusa litho tsa sehlopha ho utloisisa ka moo ho ba le baratuoa ba bangata ka nako e le ‘ngoe<br />
(bonyatsi) ho fapaneng le ho ba le moratuoa e mong ka mora ho hlala e mong .<br />
Bongata ba rona re ea tseba hore ha u na le baratuoa ba bangata, u kotsing e kholo ea tšoaetso<br />
ea HIV. Seo ba bangata re sa se tsebeng ke hore ha re etsa thobalano le batho ba fetang bonngoe<br />
ka nako e le ‘ngoe, re kotsing ea ho fumana ea tšoaetso ea HIV ho feta motho ea bang le<br />
moratuoa e mong ka mora ho hlala e mong.<br />
MEKHOA <strong>EA</strong> HO TSAMAISA <strong>THUTO</strong><br />
50<br />
1. Hlalosetsa litho tsa sehlopha hore na ho boka kapa bonyatsi ho bolelang. Ho boka kapa<br />
bonyatsi ho bolela tloaelo eo banna le basali ba nang le likamano tsa thobalano le batho<br />
ba fetang bonngoe ka nako e le ‘ngoe. Hangata motho o na le likamano tsa lerato le<br />
motho e mong hape, kantle ho molekane oa hae kapa moratuoa oa hae oa mantlha kapa<br />
oa bohlokoa. Ketso ena re tloaetse hore ke bonyatsi ha e le motho ea nyetseng ea etsang<br />
thobalano le batho ba fetang bonngoe ka nako e le ‘ngoe. Lesotho mona, bonyatsi bo<br />
etsoa ke banna le basali.<br />
2. Tloaelo ena ea ho ba le baratuoa ba fetang bonngoe ka nako e le ‘ngoe e u beha kotsing e<br />
kholo ea ho ba le tšoaetso ea HIV le ho fetisetsa HIV mothong eo u mo ratang.<br />
3. “Re tlo bala lipale tsa batho ba fapaneng, ‘me re tla ithuta ka bona”. Balla litho tsa<br />
sehlopha pale ea Boitelo le Phakisi u ntan’o bala pale ea Thabo le Nono.
Change language