THUTO EA 2 - C-Hub

Likamano: Mofuthu oa lerato le senang kotsi
54
(Ba bang ha ba tsebe hore baratuoa ba bona ba na le baratuoa ba bang. Ba nahana hore
ba babeli feela, empa hantle-ntle ba hokahane le batho ba bang khokahanong).
4. Haeba Thabo a se a sa ratane le Nono ‘me a qala ho ratana le Mpho – na Mpho o kotsing
e tšoanang ea HIV? (Ha ho joalo. Mpho o ne a ke ke a ba kotsing e tšoanang hobane ha
se karolo ea khokahano ea thobalano. Haeba Thabo a khaotsa le Nono, ke Mpho le Thabo
feela ba seng khokahanong ea thobalano).
Papali: Ka nokeng, ka ntle
Kopa litho tsa sehlopha ho etsa lesakana. Hlalosa: “Re eme lebopong la noka. Ha ke re ‘ ka
nokeng’ ke batla hore le qhomele bohareng ba noka ( ka ho qhomela ka hara lesakana”).
(Bona hore bohle ba qhomela bohareng). “Ha ke ka ntle, ke batla le boele le khutlele
lebopong moo le bolokehileng”. (Bona hore ba qhomela morao lebopong). Qala ka ho
hoelehetsa ‘ka nokeng!’ ka ntle! ‘ka nokeng! ‘‘ka ntle!’ ‘me litho tsa sehlopha li qhomele
pele le morao ho latela seo u se buang. Leka ho ba qhekella ka ho hoelehetsa ‘ ka nokeng’!
ba se ntse ba le ka nokeng kapa ‘ka ntle’ ba se ntse ba le ka ntle. Ha motho a etsa phoso,
a tsoe lesakaneng, a eme ka thoko. Papali ena e tsoelapele ho fihlela ho setse motho a le
mong, motho enoa ke eena ea hlolang.
Papali: Sekepe se tebang
KAPA
Kopa bohle ho inahana ba le ka sekepeng se tebang ka pele hare ho letamo. Ho kena
liketsoaneng tsa pholoho re lokela ho ba lihlopheng tse nang le lenane le itseng sehlopheng
ka seng. Bolella bohle ho tsamaea, ho kopa-kopana le ba bang, ‘me uena u hoelehetse:
“Sekepe se ea teba- etsang lihlopha tsa batho ba bararo”. Motho a le mong kapa ba babeli
ba ka nna ba sala ka thoko – u ka ba bolella ho lula fatše. Pheta makhetlo a ‘maloa ka
lipalo tse fapaneng, mohlala ‘lihlopha tsa batho ba 4’, ‘lihlopha tsa batho ba 7’.