Parku Nacional Mali Sharr - ammk-rks.net

MMPH – Instituti për Planifikim Hapësinor
Parku Nacional “Mali Sharr” – Plani i zhvillimit hapësinor
Liqenet – Liqenet glacialë paraqesin njërën nga bukuritë më të
mëdha të Malit Sharr. Në lartësinë mbidetare mbi 1900 m ka
disa liqej të cilët posaqërisht dallohen sipas bukurisë dhe
madhësisë. Këtu vlenë të përmenden para se gjithash Liqeni i
Livadicës dhe Liqeni i Jazhincës e pastaj edhe të tjerë si: Liqenet
e Gornjasellës, Karanikollës, Miskovës, Bezdankës etj.
- Liqeni më i madh është ai i Livadicës, i cili shtrihet nën majën
malore me po të njejtin emër në l.m. prej 2173 m. Ka formë të
zgjatur, me gjatësi prej 230 m, gjerësi 120 m, dhe thellësinë më
të madhe prej 7.3 m. Në kohën e verës temperatura e ujit
ndonjëherë arrinë edhe deri në 20ºC.
- Liqeni i Jazhincës shtrihet në pjesën e ashpër dhe shkëmbore
të Sharrit – nën majen e Bistrës. Është më i vogël se Liqeni i
Livadicës, ka gjatësinë prej rreth 120m, gjerësinë 80m, mirëpo
ka thellësi më të madhe prej 11m.
Foto: Liqeni i Jazhincës i rrethuar me shkëmbijtë silikat
28
- Liqenet e Gornjësellës (i Epërm dhe i Poshtëm), shtrihen mbi
burimin e Bistricës së Prizrenit dhe është i madh – gjatësia 100
m, gjerësia 53 m ndërsa thellësia 1.5 m. Ngjyra e ujit liqenor
shkon prej të kaltrës deri në të gjelbërt.
Veçoritë peisazhore. – Hapësira e Parkut Nacional përmban
tërësinë cilësore dhe tejet të rëndësishme peisazhore të cilën e
karakterizojnë një sërë lokalitetesh në viset e larta dhe të mesme
malore. Pejsazhet e këtyre viseve paraqiten nëpërmjet faktorëve
më cilësor të bukurisë së madhe natyrore sikur që janë malet e
larta, kodrat, luginat, lumenjt, ujvaret, shkëmbinjët shkrepor,
thellimet e akullnajave, etj). Ndërsa në viset më të ulta të parkut
– regjionin e Sredskës dhe Siriniqit, bazën e peisazhit e përbëjnë
kulturat e bimëve bujqësore dhe kopshtore.
Por, gjithsesi tërësi më atraktive peisazhore janë sipërfaqet e
mbuluara me pyje, barë, livadhet, kullosat dhe formacionet e
tjera barishtore, të cilat zënë sipërfaqet ndërmjet lartësive
mbidetare mbi 999 dhe 1500 m. Këtu formacionet e pyjeve (të
ahut, arnenit, molikës, bredhit, hormoqit, etj) ndërrohen me
formacionet e barishtoreve duke u paraqitur në të gjitha
nuancat e ngjyrës së gjelbërt që shkaktojnë përjetim jashtëzakonisht
të bukur dhe vizuel të bukurisë natyrore. Përvec asaj
ndarja tejet e madhe e reliefit që është krijuar me prerjen e një
sërë luginave të lumenjve dhe përrockave në formë të
kanioneve dhe grykave me ujvaret e numërta dhe liqenet e
shumtë e plotëson përjetimin e plotë të kësaj natyre autentike të
bukur dhe të paprekur.
Përveq kësaj në pjesët e ulta të Sharrit, gjatë verës në livadhe
lulëzojnë lulet malore me ngjyra të ndryshme duke i dhënë
peisazhit atraksion dhe bukuri të jashtëzakonshme e hapësirës
aromë dhe freski të posaçme të natyrës së pastër.