Ndihma e huaj në Shqipëri

24
“Forcimin i Sektorit të Drejtësisë në Shqipëri” (JuST) i mbështetur nga USAID, është program pesëvjeçar që
filloi në dhjetor 2010 dhe me buxhet 6.16 milion €, i cili synon të rritë transparencën e gjykatave, drejtësinë
dhe efiçencën përmes krijimit të zyrave për informimin e publikut, ndërmjetësimit për çështje të të drejtës
tregtare dhe familjare, përdorimit më të mirë dhe më efiçent të sallave të gjyqeve, edukimit në vazhdim të
avokatëve, etj.
Në dhjetor 2010, pas asistencës së mëparshme nga CARDS (EURALIUS I dhe II), KE financoi me buxhet
3.3 milion € projektin “Konsolidimi i Sistemit të Drejtësisë në Shqipëri”, i cili do të ndihmojë Ministrinë e
Drejtësisë dhe institucionet gjyqësore që të zhvillojnë një sistem drejtësie të pavarur, të paanshëm, efiçent,
profesional, transparent dhe modern.
Në kuadrin e programeve IPA 2007-2010, një fond total prej 34.2 milion € do t’u kushtohet ambienteve të
paraburgimit për të përmirësuar të drejtat dhe kushtet e jetesës së të ndaluarve, përmes ndërtimit të burgjeve
dhe qendrave të reja të paraburgimit në Fier, Elbasan dhe Berat.
Prokuroria e Përgjithshme, përmes Njësive të Përbashkëta Hetimore si pjesë të Prokurorisë së Rrethit Tiranë,
po mbështetet nga Qeveria e SHBA-së përmes “Marrëveshjes për Pragun e Sfidës së Mijëvjeçarit në Shqipëri
– Faza II”. Prokuroria e Përgjithshme, bashkë me institucionet të tjera që merren me parandalimin dhe luftën
kundër korrupsionit në Shqipëri, po përfitojnë asistencë edhe nga Projekti kundër Korrupsionit në Shqipëri
(PACA), si dhe nga Projekti IPA 2009 “Mbështetje për strukturat e luftës kundër pastrimit të parave dhe hetimit
të krimit financiar”.
PRIORITETET E ARDHSHME
Përmirësimi i kushteve në burgje dhe qendra paraburgimi si edhe i burimeve njerëzore dhe materiale për
menaxhimin e burgjeve
Ndërtimi i qendrave të paraburgimit dhe burgjeve të reja në përputhje me standardet e BE-së, me qëllim
që të ulet mbipopullimi
Modernizimi i gjyqësorit përmes një sistemi të integruar dhe të unifikuar të TIK për të gjitha agjencitë në
sistemin e Drejtësisë
Miratimi i kuadrit ligjor, përfshirë ligjet për Konferencën Gjyqësore Kombëtare, drejtësinë administrative
dhe administratën gjyqësore, si edhe miratimi i ndryshimeve në Kodin e Procedurës Civile për t’u
mundësuar gjyqtarëve më tepër autoritet.
Menaxhimi i Integruar i Kufijve (MIK) dhe Migracioni
PANORAMA E SEKTORIT
Si rrjedhojë e të gjitha reformave të ndërmarra nga Qeveria Shqiptare, më 8 nëntor 2010 Këshilli i Ministrave i
BE-së shpalli vendimin për të hequr regjimin e vizave me Shqipërinë që nga mesi i dhjetorit 2010.
Zbatimi i efektshëm i Strategjisë për Menaxhimin e Integruar të Kufijve (MIK) dhe i planit të veprimit në
përputhje me “Udhëzimet për Menaxhimin e Integruar të Kufijve në Ballkanin Perëndimor” të KE-së, bëri
të mundur që të gjitha pikat e kalimit kufitar nga viti 2009 të jenë të lidhura elektronikisht me anë të sistemit
TIMS dhe u pajisën me infrastrukturën përkatëse sipas standardeve të BE-së dhe me Kodin Shengen. Qendra
Ndërinstitucionale Operacionale Detare (QNOD) u krijua në maj 2010 me mbështetjen e projektit KE/
PAMECA III. Qëllimi i QNOD-së është të garantojë kontrollin civil në hapësirën detare shqiptare dhe rezultate
pozitive në luftën kundër aktiviteteve të paligjshme në këtë hapësirë.
Në vitin 2010, Qeveria miratoi Strategjinë për Ri-integrimin e Shtetasve Shqiptarë të Kthyer si pjesë e politikës
kombëtare të migracionit. Ajo zgjeron masa ri-integruese të Strategjisë Kombëtare të Migracionit me qëllim
adresimin e plotë të ri-integrimit.
| Departamenti i Bashkërendimit të Strategjive dhe Koordinimit të Ndihmës së Huaj