Ndihma e huaj në Shqipëri

30
2
Që nga viti 2000, Shqipëria ka shënuar rritje të qëndrueshme ekonomike me rritje mesatare vjetore mbi 6% dhe
papunësia ka ardhur në rënie të vazhdueshme. Industria dhe ndërtimi ishin forcat kryesore të këtyre prirjeve, që u
rritën në norma rreth 14.15%. Pas krizës financiare globale, Shqipëria ishte ndër të paktat vende në Europë që ruajti
rritjen pozitive dhe stabilitetin ekonomik. Gjatë vitit 2010, ekonomia shqiptare është karakterizuar nga përmirësimi
gradual i kërkesës agregate dhe konsolidimi i mëtejshëm i stabilitetit makroekonomik krahasuar me vitin 2009. Rritja
reale vjetore e PBB-së është përmirësuar me 3.3% në 2009 dhe 3.8% në 2010 13 . Për sa i përket perspektivës afatmesme
dhe afatgjatë të ekonomisë, politika fiskale e qeverisë për periudhën 2012-2014 do të vazhdojë të jetë e orientuar
drejt konsolidimit të financave publike, me synimin për të ruajtur stabilitetin e qëndrueshëm dhe performancën e
kënaqshme të ekonomisë, si edhe për ta sjellë mirëqenien ekonomike sa më afër mesatares së BE-së.
Financat Publike
EKONOMIA E TREGUT
PANORAMA E SEKTORIT
Financat publike janë çështje thelbësore e Strategjisë për Financat Publike 2007. Strategjia fokusohet në forcimin
e besueshmërisë së buxhetit përmes Sistemit të Planifikimit të Integruar si edhe në përmbushjen e kërkesave të
anëtarësimit në BE. Planifikimi i shpenzimeve po bazohet në programe, dhe ka filluar përgatitja e programeve
mbi bazën e rezultateve.
Politika tatimore aktuale synon të ulë barrën tatimore për bizneset, thjeshtimin e sistemit dhe përmirësimin e
administrimit të të ardhurave, pakësimin e ekonomisë informale, rritjen e pajtimit vullnetar, zgjerimin e bazës
së tatimpaguesve, forcimin e sistemit tatimor dhe promovimin e sipërmarrjes.
Qeveria ka bërë përpjekje të vazhdueshme për të përmirësuar sistemin e prokurimit publik. Sistemi aktual ka
përfituar ndjeshëm nga përmirësimet në kuadrin ligjor dhe rregullator, përmes miratimit të ndryshimeve në ligjin
e prokurimit publike dhe VKM-së së 1 janarit 2009 që mandaton përdorimin e platformës së prokurimit publik.
Është ngritur Komisioni i Prokurimit Publik që u bë funksional në prill 2010, me qëllim që të garantojë shqyrtim
efektiv dhe pa vonesa të ankesave për prokurimet. Në vitin 2010, Qeveria me mbështetjen e donatorëve realizoi
një vlerësim të pavarur të sistemit të prokurimeve publike, duke zbatuar metodologjinë e OECD-së. Ky vlerësim
tregoi progresin e bërë nga Shqipëria drejt vendosjes së sistemeve të besueshme të prokurimit. Në qershor 2010,
Shqipëria u njoh nga Departamenti për Çështjet Sociale dhe Ekonomike i OKB-së (UNDESA) për kontributin e
saj në përmirësimin e transparencës, përgjegjshmërisë dhe reagueshmërisë në shërbimin publik.
NDIHMA E HUAJ NË 2009-2010
Totali i fondeve të akorduara për sektorin e financave publike në 2009 dhe 2010 është 7.5 milion € të angazhuara
për projektet e reja (6 milion € në 2009 dhe 1.5 milion € në 2010). KE-ja vazhdon të jetë donatori kryesor duke
dhënë mbështetje shtesë në grante. Figura më poshtë jep totalin e fondeve të akorduara sipas fushave.
13 Burimi i të dhënave janë Treguesit Makroekonomikë të INSTAT-it.
| Departamenti i Bashkërendimit të Strategjive dhe Koordinimit të Ndihmës së Huaj