Ndihma e huaj në Shqipëri

42
NISMAT E REJA TË DONATORËVE
Totali i fondeve të angazhuara për projektet e planifikuara është 77.6 milion €, nga të cilat 40 milion € do
të shkojnë për nënsektorin e energjisë elektrike, 24 milion € për energjinë hidrike dhe 12 milion € për të
promovuar efiçencën e energjisë. BERZh-i dhe KfW janë të angazhuara që të kontribuojnë në Projektin e
Përbashkët “Siguria e Hidrocentraleve dhe Digave mbi Kaskadën e lumit Drin dhe Mat”, përkatësisht me 10
milion € dhe 20 milion €, përveç fondeve të akorduara nga Banka Botërore që në vitin 2008 (44.5 milion €) dhe
Zvicra me grantin 4.1 milion € për të financuar aktivitetet e asistencës teknike.
Gjermania, përmes KfW do të financojë Projektin për Efiçencën e Qëndrueshme të Energjisë me 12
milion €, dhe ka shprehur interes për të mbështetur Ndërtimin e Linjës së Transmetimit 400 kV Shqipëri-
Maqedoni me fonde totale të akorduara prej 30 milion €. Të dy projektet parashikohet të fillojnë në fillim
të vitit 2012.
PRIORITETET E ARDHSHME
Rritja e prodhimit, veçanërisht përmes prodhimit të energjisë së rinovueshme nga energjia e erës, diellore
dhe burimet ujore. Duhet të ndërmerren projekte pilot për të krijuar bazat për tërheqjen e investimeve të
konsiderueshme në të ardhmen
Krijimi i një kuadri institucional dhe rregullator efektiv
Përmirësimi i rrjetit të transmetimit dhe shpërndarjes
Mirëmbajtja e hidrocentraleve dhe siguria e digave përballë rrezikut të përmbytjeve që ka goditur veriun
e Shqipërisë këto dy vitet e fundit.
BASHKËRENDIMI I DONATORËVE
GSP për energjinë, ku Banka Botërore është pika fokale donatore dhe Gjermania/KfW vepron si donator
kryesor europian, ka mbajtur vetëm një mbledhje gjatë vitit 2010. Donatorë të tjerë aktivë janë Kooperacioni
Italian, Zyra e Bashkëpunimit Zviceran, BERZH, BEI, USAID, PNUD, etj.
Mjedisi
PANORAMA E SEKTORIT 18
Strategjia ndërsektoriale për Mjedisin e miratuar në fund të vitit 2007, është dokumenti bazë që përvijon
politikën e qeverisë në fushën e mbrojtjes së mjedisit. Në përputhje me të, prioritetet e qeverisë fokusohen në
miratimin gradual të standardeve të BE-së, rritjen e investimeve sidomos për mbetjet e ngurta, cilësinë e ajrit,
trajtimin e ujërave të zeza, rehabilitimin e vatrave të nxehta, zbatimin dhe sundimin e legjislacionit mjedisor,
rritjen e komunikimit dhe ndërgjegjësimit për mjedisin dhe përmirësimi e forcimi i sistemit monitorues të
mjedisit. Në maj 2011 u finalizua Plani Operacional për Mjedisin, i cili do të shërbejë si dokument i dobishëm
planifikimi për Programin Buxhetor Afatmesëm dhe për donatorët që janë të interesuar të mbështesin sektorin
e mjedisit, e sidomos për programet e ardhshme IPA.
Përmirësimi i menaxhimit të mbetjeve të ngurta është një prioritet i lartë dhe një grup ndërministror pune
është krijuar për këtë qëllim. Me asistencën e KE-së është përgatitur Strategjia kombëtare për mbetjet e
ngurta dhe plani përkatës i veprimit. Këto shërbejnë si bazë për dialog ndërmjet Qeverisë dhe donatorëve
për zbatimin e një Përqasjeje me Bazë Programi për nënsektorin e menaxhimit të mbetjeve të ngurta. Suedia,
Austria dhe Gjermania (KfW) kanë shprehur interes së fundmi që të mbështesin këtë nënsektor, ndërsa USAID
është pjesërisht aktiv në menaxhimin e mbetjeve të ngurta nëpër bashki, përmes mbështetjes për Programin e
Qeverisjes Vendore ARD në Shqipëri.
18 Projektet mjedisore mbivendosen me disa sektorë si infrastruktura, energjetika, emergjencat civile, bujqësia dhe zhvillimi rural. Prandaj, numri
i donatorëve të përfshirë dhe kontributet e dhëna për këtë sektor mund të jenë më të larta sesa shifrat e paraqitura në këtë raport.
| Departamenti i Bashkërendimit të Strategjive dhe Koordinimit të Ndihmës së Huaj