Agjendë për zhvillimin e ekonomisë lokale të Mitrovicës

lometra më në veri – e cila për momentin është duke u meremetuar. Megjithatë,
banorët e Mitrovicës veriore kanë qasje në bibliotekë, e cila është e pajisur mirë me
laborator kompjuterik. Përpos kësaj, praktikisht nuk ka aktivitete rekreative për banorët
e qytetit ose për numrin e madh të studentëve.
Mungesa e aktiviteteve kulturore dhe sipërfaqja për kreativitet kanë ndikim të pafavorshëm
në jetën në qytet. Të rinjtë që dëshirojnë të kenë qasje në këtë lloj aktiviteti
migrojnë në Prishtinë dhe Beograd – ose gjetiu – dhe qyteti duket të jetë më pak
tërheqës për të huajtë dhe lë përshtypjen të jetë vend i padëshiruar për të jetuar.
Disa aktivitete të tjera janë të planifikuara për të rinj, duke përfshirë qendrën rinore
që do të ofrojë kurse nga lëmi i aftësive artistike, si dhe shkolla e pop muzikës.
Sidoqoftë, duhet të bëhet shumë më tepër për të përfituar nga potencialet ekzistuese
në qytet dhe të nxitet kreativiteti dhe individualiteti që nevojitet për ta bërë qytetin
vend të mirë për të jetuar.
Jeta urbane
Ka karakteristika të shumta të tjera të jetës urbane në Mitrovicë që e zvogëlojnë
cilësinë e jetës së banorëve. Njëri nga këta faktorë është mungesa e përhershme e
ujit dhe rrymës. Edhe pse një pjesë e këtij problemi varet nga çështja e infrastrukturës
së papërshtatshme, një pjesë tjetër e këtij problemi është mënyra si shfrytëzohen
këto burime në nivelin vendor, uji shpenzohet së koti dhe faturat e rrymës mbeten
të papaguara.
Faktorë të tjerë negativë janë mungesa e parkingjeve në qytet (që do të thotë se
trotoaret janë përplot me vetura, ndërsa këmbësorët janë të detyruar të ecin nëpër
rrugë), kiosqet ilegale, fasadat e dëmtuara të blloqeve banesore, dhe bërlloku që i
ka mbuluar rrugët e qytetit.
23
Struktura ekonomike