Agjendë për zhvillimin e ekonomisë lokale të Mitrovicës

Agjendë për zhvillimin e ekonomisë lokale të Mitrovicës
40
6. Udhëzimet për zhvillimin Urban
Udhëzimet për zhvillim urban në këtë sektor i kthehen prap përfundimeve lidhur me
menaxhimin urban të sipërpërmendur në mënyrë që të ndihmohet në sinkronizimin
e aktiviteteve të ardhshme të planifikimit urban me përmbajtjen e kësaj agjende.
Udhëzimet për zhvillim të përgjithshëm
(a) Kufizimi i zgjërimit urban
Pas një periudhe të gjatë të zgjërimit urban pa planifikim dhe rregullim të duhur,
kufizimi i zgjërimit të qytetit është çështje kyqe për të ardhmen.
Problemet kryesore janë:
• Vendbanimet urbane të shpërndara dhe të parenditura që nuk mund të kenë
shërbime efikase me infrastrukturë teknike.
• Problemet ambientore dhe shëndetësore të shkaktuara nga mungesa e infra
strukturës.
• Infrastruktura publike qëndrore, posaçërisht shkollat nuk mund të kenë çasje të
lehtë dhe të sigurtë.
Pyetjet kryesore janë:
• Si mund të sigurohet infrastrukturë e duhur për këto zona dhe kush do të duhej
të paguante për këtë?
• Si do të duje të përfshiheshin këto zona në një plan urban?
• Cilat janë masat e duhura për të mënjanuar zgjërimin e mëtutjeshëm?
(b) Mbrojtja e peizazhit
Aspekti tjetër i kufizimit të zgjërimit urban është mbrojtja e natyrës.
Ky synim ka aspekte të ndryshme:
• Mbrojtja e funksionit ekologjik si një mjedis natyror.
• Mbrojtja e kapacitetit të saj për filtrimin e ujit me qëllim të mbrojtjes nga vërshimet.
• Mbrojtja e aktiviteteve bujqësore.
• Mbrojtja e burimeve natyrore për aktivitete rekreative.
Këto dy udhëzime kryesisht kanë të bëjnë me zgjërimin urban përgjatë rrugëve
kryesore për në Kqiq të Madh dhe aktivitetet e vendosjes në luginën e Lushtës, si
dhe zonat në mes të stadiumit dhe rajonit të Zhabarit dhe Shipolit. Këtu nevojitet
një rregullore urgjente në mënyrë që të ndalet procesi i vendosjes që është në
vazhdim.