Agjendë për zhvillimin e ekonomisë lokale të Mitrovicës

Agjendë për zhvillimin e ekonomisë lokale të Mitrovicës
TEMA E PARË KYÇE:
Përkrahja e Bizneseve dhe zhvillimi i sektorit Privat
46
Qëllimi 3
Përmirësimi i hapësirës tregtare në qytet, duke u siguruar se ka hapësira adekuate
për tregtarët për të deponuar dhe shitur mallërat e tyre; poashtu duke shërbyer për
përmirësimin e rëndësisë rajonale të Mitrovicës.
Veprimet / Rekomandimet:
a.Krijimi i një sipërfaqeje për treg të gjelbërt në Mitrovicën Veriore
b.Aktivizimi i tregut të Ibrit për tegti me shumicë me marrëveshje qiradhënëse afatshkurtër;
në mënyrë që kur të filloj me punë tregu në Mitrovicën jugore atëherë ai
mund të zgjërohet duke i mbledhur tregtarët nga i tërë rajoni. Kjo do të lirojë
hapësirë në qendër të qytetit nga kaminonët dhe aktivitetet e shitjes me shumicë.
Qëllimi 4
Duke siguruar që komuniteti i biznesit ka qasje të mirë në informata dhe trajnim,
dhe që sistemet e përkrahjes së biznesit janë të themeluar dhe punojnë në bashkëpunim
me njëri tjetrin.
Veprimet / Rekomandimet:
a.Të sqarohen dallimet në mes të organizatave të ndryshme të përkrahjes së biznesit
në pjesën jugore të Mitrovicës. Të sforcohet qendra e bizneseve si një qendër
përkrahëse dhe informative, dhe Agjensionin Rajonal i Ndërmarrjeve si një
qendër për trajnim dhe zhvillim.
Qëllimi 5
Të përkrahen bizneset ekzistuese, të rritet kapaciteti i bizneseve të vogla që kanë
filluar të shfaqen dhe të caktohen bulevarde të mundshme për investime në të
ardhmen. Të ndërtohet mirëbesimi në mes komunës dhe bashkësisë së bizneseve.
Veprimet / Rekomandimet:
a.Një Pilot projekt që lidh riparimin e fasadave të blloqeve banesore me trajnimin e
ndërmarrjeve dhe punëtorëve me qëllim të përmirësimit të njohurive bazë të
mjeshtrive dhe teknikave që mund të barten në riparimin e ndërtesave në komunat
tjera.
b.Të ndërmirret një analizë rreth”Përparësive/Dobësive/Mundësive/Kërcënimeve”
në aktivitetet e mundshme në sektorin prodhues.
c. Të themelohet një fond për zhvillim komunal në jug – duke pasqyruar projektin
tashmë ekzistues në veri nga IOM-i. Kjo do të mund të administrohej nga Qendra
e biznesit, duke ofruar kredi për bizneset e vogla dhe për bizneset fillestare me
kamata të lëvërdishme.
d.Të ofrohen taksa komunale stimuluese për ndërrmarrjet prodhuese në fazën fillestare,
duke i liruar ato për dy vitet e para të operimit të tyre.
e.Të analizohet se si prezantimi i modeleve të mundshme të “zonave të lira
tatimore” në komunë do të ndikonte në mjedisin e biznesit.