Agjendë për zhvillimin e ekonomisë lokale të Mitrovicës

Agjendë për zhvillimin e ekonomisë lokale të Mitrovicës
42
(c) Zhvillimi i pjesës së brendssme të qytetit dhe zonat e rehabilitimit dhe të zhvillimiti
Udhëzimi i tretë i përgjithshëm i cili është i lidhur ngushtë me dy të tjerat është
një përqendrim në zhvillimin e brendshëm të qytetit si dhe themelimin e zonave
të zhvillimit. Nëse ka përpjekje serioze për të kufizuar zgjërimin urban, atëherë
nevojiten përpjekje paralele për ta lehtësuar zhvillimin në pjesën e brendshme të
qytetit dhe zonave të tjera të zgjedhura për intervenim. Pjesa qëndrore e qytetit
duhet të ballafaqohet me një mori problemesh:
• Shkatërrimi i shesheve historike në qendër të qytetit në lagjen Qendra dhe
nevojat për rehabilitim të blloqeve banesore.
• Infrastruktura e dobët në lokalitetin Qendra, Bajr dhe Iliridë.
• Sipërfaqja e kufizuar për zgjërimin e funksioneve të shërbimeve dhe të biznesit.
• Hapësira e kufizuar për parkim dhe rregullimi i pamjaftueshëm i trafikut.
• Tregu i parreguluar dhe aktivitetet e shitjes në rrugë si dhe tollovia e trafikut në
rrugët kryesore e posaqërisht ditëve të tregut.
• Sipërfaqet e shkatërruara publike dhe zonat e gjelbëruara joatraktive.
Aspektet kryesore të punëve të nevojshme janë tashmë në proçes e sipër siç është
rregullimi i furnizimit me ujë, por nevojitet aksion i koordinuar për të parandaluar
amortizimin gradual të zonave të brendshme të qytetit. Ky proces, i intensifikuar nga
de fakto ndarja e qytetit, mund ta ndihmojë zhvendosjen e “qendrës” në zonat periferike,
posaqërisht në jug të qytetit. Kjo do të mund të krijonte me radhë një cikël të
vetë-vazhdueshëm, përmes së cilit rritet kërkesa e përhershme për infrastrukturë të
re në periferinë urbane, në të njëjtën kohë sikurse që investimet në vazhdim nevojiten
për të mirëmbajtur sistemin ekzistues. Andaj, investimet dhe aktivitetet do të
duhej të jenë kryesisht të përqëndruara në përmirësimin e vendbanimeve ekzistuese
dhe në zonat ku mund të lidhen lehtë në infrastrukturën ekzistuese.