Ligji Nr. 04/L-147 për Ujërat e Kosovës - WWRO

GAZETA ZYRTARE E REPUBLIKËS SË KOSOVËS / Nr.10 / 29 PRILL 2013, PRISHTINË
LIGJI PËR UJËRAT E KOSOVËS / SHTOJCA
shtretërit e lumenjve, përfshirë edhe pritat malore, muret mbrojtëse dhe objektet tjera mbrojtëse.
4. Financimi për rregullim dhe mirëmbajtje bëhet nga buxheti i Kosovës, Ministrisë, Komunave dhe nga burimet tjera.
5. Ministria përcjell koordinimin e aktiviteteve që ndërmirren nga komunat dhe Autoriteti nga paragrafet 1., 2., 3. dhe 4.
të këtij neni.
6. Të gjitha aktivitetet dhe masat që ndërrmirren në rregullimin, mirëmbajtjen dhe mbrojtjen nga ujërat, përfshirë edhe
erozionin, janë të obliguara të kryhen në harmoni me Strategjinë shtetrore të ujërave dhe Planet për menaxhimin e
pellgjeve lumore, përfshirë edhe planet zhvillimore dhe urbane të komunave.
Neni 47
Programi për mbrojtjen nga veprimet e dëmshme të ujërave
1. Programin për mbrojtjen nga veprimet e dëmshme të ujërave e hartojnë komunat dhe Autoriteti në bashkëpunim me
organet tjera të administratës shtetrore, kompetente për krryerjen e punëve nga fusha e ujërave.
2. Ministria me akt nënligjor përcakton përmbajtjen, mënyrën dhe procedurat e programit.
Neni 48
Mbrojtja e brigjeve të ujërrjedhave dhe akumulimeve
1. Me qëllim të mbrojtjes së shtretërve, brigjeve të ujërrjedhave, kanaleve, tuneleve, akumulimeve të ujërave, është e
ndaluar:
1.1. ndërrimi i drejtimit të ujit në ujërrjedha dhe kanale;
1.2. nxjerrja e rërës, zhavorrit, gurëve, deponimi i dheut, hudhja e mbeturinave, materialeve të ngurta dhe
shkarkimi i materieve të lëngëta në ujërrjedha, liqene, akumulime dhe në brigjet e tyre;
1.3. ndërtimi i objekteve tjera të cilat nuk shërbejnë për mbrojtjen nga përmbytjet, në largësi së paku tridhjetë
(30) metra, nga vija e plotave të larta të ujërrjedhave dhe akumulimeve;
1.4. kryrja e punëve në afërsi të ujërrjedhave, liqeneve, akumulimeve, tuneleve të cilat do të mund të
rrezikojnë stabilitetin e objekteve mbrojtëse ose përdorimin e tyre, si dhe transportimin e materieve të
dëmshme dhe të rrezikshme;
2. Ndërrimi i drejtimit, nxjerrja e rërës, zhavorrit, gurëve, ndërtimi i objekteve kryhet vetëm nën kushtet, mënyrën dhe
procedurat e caktuara sipas këtij ligji.
3. Kushtet, kriteret dhe procedurat përcaktohet me akt nënligjor të nxjerrë nga Ministria.
Neni 49
Kompetent për mbrojtjen ujërrjedhave dhe objekteve ujore
1. Kompetent për mbrojtjen e shtretërve, brigjeve të ujë rrjedhave, kanaleve, tuneleve dhe akumulimeve ujore, janë:
1.1. brenda zonave urbane, komunat;
1.2. brenda kufirit të rajonit të pellgjeve lumore, Autoriteti.
1.3. Ministria përcjell dhe mbikëqyrë punët dhe aktivitetet e ndërmarra për mbrojtjen e brigjeve të ujë
rrjedhave dhe akumulimeve.
Neni 50
Monitorimi i plotave
1. Vija e plotave përcaktohet nga Ministria, në bazë të dhënave zyrtare nga IHMK.
2. Autoriteti detyrohet të përcjellë dhe vrojtojë fenomenet dhe dukuritë ujore dhe të paralajmrojë Ministrinë në afat
kohor prej pesëmbdhjetë (15) minuta.
16