Ligji Nr. 04/L-147 për Ujërat e Kosovës - WWRO

GAZETA ZYRTARE E REPUBLIKËS SË KOSOVËS / Nr.10 / 29 PRILL 2013, PRISHTINË
LIGJI PËR UJËRAT E KOSOVËS / SHTOJCA
4. Në rajonet e shpallura si zona erozive, mund të ndërtohen objekte investive edhe nëse gjatë punimeve të ndërtimit,
ndërrohen zonat kadastrale, pasi të jenë plotësuar kërkesat dhe kushtet e parapara nga ky ligj.
5. Në pellgjet e liqeneve natyrale, akumulimeve artificiale apo në rajonet ku është paraparë ndërtimi i akumulimeve,
duhet paralelisht me punimet e ndërtimit, të ndërmirren masa dhe veprime edhe kundër erozionit.
Neni 55
Rrëketë - Rregullimi i rrëkeve
1. Me rregullimin e rrëkesë bëhet edhe rregullimi i sipërfaqeve erozive në pellg.
2. Me dokumentacionin teknik për rregullimin e rrëkesë përcaktohen brigjet dhe brezi i shtratit të rrëkesë nga
vendgrumbullimi deri te vendi i shkarkimit në lum apo mjedis tjetër.
3. Me objektet për rregullimin e rrëkesë menaxhon komuna në zonat urbane dhe Autoriteti.
4. Komunat dhe Autoriteti janë të detyruara t'i ndërmarrin të gjitha masat për rregullimin e rrëkeve në zonat urbane dhe
pellgjet lumore.
5. Personat juridikë dhe fizikë të cilët me veprimet e tyre shkatërrojnë objektet për rregullimin e rrëkeve, janë të
detyruar që me mjete të veta t'i kompensojnë ato, apo t'i kthejnë në gjendje të mëparshme.
Neni 56
Mbrojtja dhe përmirësimi i regjimit të ujërave me nxjerrjen e inerteve nga shtretërit
dhe brigjet e trupave ujor sipërfaqësorë
1. Me qëllim të mbrojtjes së regjimit të ujërave, shtratit dhe brigjeve të lumit, nxjerren inertet - rëra, zhavorri dhe gurët,
nga trupat ujorë sipërfaqësor në segmente të caktuara.
2. Përcaktimi i segmenteve ku mund të nxirret rëra, zhavorri dhe gurët, bëhet në harmoni me Strategjinë shtetrore të
ujit dhe Planin për menaxhimin e pellgut lumor.
3. Deri me aprovimin e Strategjisë shtetrore të ujit dhe Planit për menaxhimin e pellgut lumor, kjo çështje zgjidhet me
vendim nga Ministria.
4. Nxjerja e rërës, zhavorrit dhe gurëve nga trupi ujor sipërfaqësorë, kryhet në kushtet, mënyrën dhe procedurën
sipas lejes ujore.
Neni 57
Njoftimet dhe detyrimet
1. Komunat dhe Autoriteti janë të detyruara ta njoftojnë Ministrinë në afat sa më të shkurtër kohor me rastin e rrezikut
nga erozioni dhe rrëketë.
2. Ministria detyrohet që menjëherë ta njoftojë popullatën e prekur nga rreziku dhe siguron informata adekuate për
masat e marra dhe këshillon çfarë masash të ndërmerren me qëlllim që të mbrohet jeta, shëndeti dhe pasuria e
njerëzve.
KREU IX
MBROJTJA E UJËRAVE
Neni 58
Klasifikimi i trupave ujorë sipërfaqësorë
1. Më qëllim të mbrojtjes dhe përmirësimit të cilësisë së ujërave, trupat e ujërave sipërfaqësorë trajtohen në aspektin
ekologjik dhe kimik.
2. Ministri, me akt nënligjor, do të bëjë klasifikimin e trupave ujorë sipërfaqësorë.
18