Ligji Nr. 04/L-147 për Ujërat e Kosovës - WWRO

GAZETA ZYRTARE E REPUBLIKËS SË KOSOVËS / Nr.10 / 29 PRILL 2013, PRISHTINË
LIGJI PËR UJËRAT E KOSOVËS / SHTOJCA
Neni 65
Prurja e pranueshme ekologjike
1. Prurja e pranueshme ekologjike paraqet prurjen minimale e cila siguron ekuilibrin natyror dhe ekosistemit lidhur me
ujin.
2. Prurja e pranueshme ekologjike përcaktohet ne bazë të punëve hulumtuese.
3.Deri në fuqizimin e rregullores nga paragrafi 4. i këtij neni, prurja e pranueshme ekologjike përcaktohet në bazë të
karakteristikave hidrologjike, hidraulike, habitateve për sezone karakteristike sipas metodave te avancuara
standarde, si dhe sigurisë se nëntëdhjetë e pesë përqind (95%) të prurjes së mesatares mujore.
4.Ministri me akt të veçantë nënligjor nxjerr rregulloren mbi mënyrën e përcaktimit të prurjes së pranueshme
ekologjike.
5. Rregullorja përmban metodologjinë dhe hulumtimet e nevojshme, duke marrë parasysh specifikat e ekosistemit
lokal dhe variacionet sezonale dhe procedurat e përcaktimit të kësaj prurje.
6. Shpenzimet e hulumtimeve të nevojshme i bartë investitori respektivisht shfrytëzuesi.
Neni 66
Zonat e mbrojtura ujore
1. Me qëllim të mbrojtjes së resurseve ujore Zonat e mbrojtura ujore janë :
1.1. zonat e mbrojtura sanitare;
1.2. zonat e mbrojtura për qëllime strategjike; dhe,
1.3. zonat e mbrojtura ekologjike (Natura 2000).
2. Ministria përkatese për mjedis, me akt nënligjor, në bashkëpunim me autoritetin kompetent për shëndetësi,
përcaktonë kriteret për zonat e mbrojtura sanitare.
3.Ministria përkatese për mjedis, me akt nënligjor, në bashkëpunim me Minstrinë e punëve të brendshme dhe
Ministrinë e shëndetësisë përcakton kriteret për zonat e mbrojtura për qëllime strategjike.
4. Zonat e mbrojtura ujore ekologjike, zona të përcaktuara më Ligjin për mbrojtjen e natyrës.
5. Zonat e mbrojtura ujore shpallen nga Qeveria, me propozim të Ministrisë përkatese për mjedis.
Neni 67
Mbrojtja e regjimit ujor
Kur mund të rrezikohen kushtet cilësore apo sasiore, në zonën e mbrojtur ujore, mund të ndalohen ose kufizohen
aktivitetet e pronarëve apo poseduesve të tokës.
Neni 68
Zona për larje
1. Ministria kompetente për shëndetësi do të bëjë vrojtimin e cilësisë së ujërave për larje.
2. Ministria në bashkëpunim me Ministrinë e shëndetësisë, Komunat dhe Kompanitë e ofrimit të shërbimeve të ujit, me
akt nënligjor cakton zonat për larje.
20