Ligji Nr. 04/L-147 për Ujërat e Kosovës - WWRO

GAZETA ZYRTARE E REPUBLIKËS SË KOSOVËS / Nr.10 / 29 PRILL 2013, PRISHTINË
LIGJI PËR UJËRAT E KOSOVËS / SHTOJCA
1.8. aktivitete tjera që mund të ndikojnë në regjimin ujor.
2. Leja ujore nuk është e nevojshme për: shfrytëzimin e puseve, burimeve, cisternave dhe objekteve të ngjajshme për
furnizimin e një amvisërie me ujë të pijshëm, fikjen e zjarreve dhe ndërmarrjen e masave urgjente sanitare dhe
masave tjera në rast të rrezikut të përgjithshëm.
3. Me Lejen Ujore përcaktohet destinimi, mënyra dhe kushtet e shfrytëzimit të ujit, shkarkimi i ujërave të ndotura,
regjimi i punës së objekteve dhe impianteve, deponimi i mbeturinave të ngurta dhe të lëngëta si dhe kushtet tjera.
4. Leja Ujore, sipas këtij ligji, për shfrytëzimin e ujërave ndërkufitare dhe shkarkimin e ujërave të ndotura në ujërat
ndërkufitare jepet në pajtim me marrëveshjen ose konventën ndërkombëtare.
5. E drejta e shfrytëzimit ose shkarkimit të ujërave të ndotura, e fituar në bazë të lejës ujore, nuk mund të bartet në
persona tjerë, pa pëlqimin e autoritetit kompetent.
6. Ministria lëshon lejet ujore me akt nënligjor, Ministria mund të delegojë kompetenca për të cilat komunat dhe
Autoriteti, mund të lëshojnë leje ujore.
7. Leja Ujore rishqytohet së paku në çdo pesë (5) vjet.
8. Bartësi i të drejtës ujore, detyrohet t'a informojë lëshuesin e lejës, në rast të ndryshimit në veprim, teknologji dhe
shfrytëzim të ujit apo në raste tjera, kur mund të kenë ndikim të rëndësishëm në regjimin ujor.
Neni 73
Kohëzgjatja e lejes ujore
1. Leja ujore lëshohet me afat kohor të caktuar, varësisht nga lloji i objektit dhe pajisjeve si dhe qëllimit të shfrytëzimit të
ujit, por jo më gjatë se pesëmbëdhjetë (15) vjet, përveç lejes për nxjerrjen e rërës, zhavorrit dhe gurit nga shtretërit dhe
brigjet e trupave ujorë sipërfaqësorë, që lëshohet me kohëzgjatje vetëm një (1) vit, me mundësi vazhdimi varësisht
nga prurjet e aluvionit në trupin ujor.
2. Në rastin e dhënies së lejes ujore për nevoja energjetike afati i lejes mund të jet deri në dyzet (40) vjet.
3. Kohëzgjatja e lejes ujore fillon nga momenti i fillimit të veprimit juridik të lejes ujore.
Neni 74
Bartësi i së drejtës ujore
Bartës i së drejtës për ujë mund të jetë secili person juridik dhe fizik i regjistruar në Kosovë, përfshirë edhe organet e
pushtetit, në kushte, në mënyra dhe procedura të përcaktuara me këtë ligj dhe aktet nënligjore të dalura nga ky ligj.
Neni 75
Detyrimet e bartësit të drejtës ujore
1. Bartësi i lejës për shfrytëzimin e ujit dhe shkarkimin e ujërave, hedhjen e mbeturinave të ngurta, lëngëta dhe të
gazëta, substancave dhe materieve të rrezikëshme, është i detyruar të bëjë; matjet e sasisë së ujit të shfrytëzuar,
ujërave të shkarkuara si dhe matjet e mbeturinave të ngurta, lëngëta dhe të gazëta, substancave dhe materieve të
rrezikëshme të hudhura në trupat ujorë në kushte, në mënyra dhe procedura të caktuara me leje ujore.
2. Bartësi i lejës ujore është i detyruar të instalojë dhe të mirëmbajë pajisjet për matjen e detyrimeve sipas paragrafit 1.
të këtij neni.
3. Bartësi i lejës ujore është i detyruar në çdo kohë t'u lejojë qasje personave të autorizuar, nga autoriteti kompetent
që ka lëshuar lejen ujore.
1. E drejta e fituar me lejen ujore, ndërpritet:
22
Neni 76
Ndërprerja e lejës ujore
1.1. në çdo moment kur autoriteti kompetent për lëshuarjen e lejes ujore konstaton rrezikimin e kërkesave për