Menaxhimi i Shpenzimeve Publike – Të Mësuarit me ... - admin.ch

Menaxhimi i Shpenzimeve Publike –
Të Mësuarit me Ndihmën e Kolegëve (MSHP MNG)
Vendi / Rajoni
Vendet në rajonin e Evropës dhe Azisë Qendrore
(Shqipëria, Armenia, Azerbajxhani, Bjellorusia,
Bosnja dhe Hercegovina, Bullgaria, Kroacia,
Gjeorgjia, Kazakistani, Republika e Kirgistanit,
Kosova, Maqedonia, Moldavia, Mali i Zi, Rumania,
Serbia, Taxhikistani, Turqia, Turkmenistani,
Ukraina dhe Uzbekistani)
Partnerët:
Banka Botërore, DfID, GTZ, InWeNt, Thesari i
SHBA, OECD, Rusia, SECO
Kohëzgjatja e Projektit: 2008-2012
Totali i Buxhetit: USD 4.8 milion për 2008-2012
Kontributi i SECO-s: USD 975„000
Shpjegim
Rajoni i Evropës dhe Azisë Qendrore (EAQ) përbëhet prej një grup vendesh të
ndryshme të cilat kanë kaluar shumë ndryshime dramatike që prej fillimit të
viteve ‟90, duke qenë se ato kaluan prej sistemit socialist drejt një ekonomie
tregu. Rajoni kaloi një rënie të madhe ekonomike në fillim të viteve ‟90. Që prej
asaj periudhe, qeveritë kanë ndërmarrë stabilizim makroekonomik dhe
ndërhyrje fiskale dhe balancat fiskale janë rivendosur përmes një kombinimi të
uljes së shpenzimeve publike dhe rritjeve në të ardhura. Si rezultat i krizës
financiare globale, risqet e stabilitetit makroekonomik dhe financiar janë rritur
dukshëm dhe perspektivat e rritjes janë përkeqësuar. Kështu, është i
rëndësishëm menaxhimi i kujdesshëm i shpenzimeve publike përmes një
alokimi të efektshëm dhe efikas të shërbimeve publike. Rrjeti i përgjigjet një
shqetësimi që shumë qeveri nuk po shpenzojnë burimet e tyre në mënyrë aq
transparente dhe efikase, ashtu si dhe munden, dhe se kontrollet institucionale
mbi shpenzimet publike duhet të përmirësohen. Motivimi i një të mësuari
përmes asistencës së kolegëve ishte bazuar në vëzhgimin që dijet kuptohen më
mirë kur mësohen nga kolegët, krahasuar me një nivel më të ulët kuptimi kur
mësohet në ambientet e klasave tradicionale.
Objektivat dhe aktivitetet
MSHP MNG (Menaxhimi i Shpenzimeve Publike – Të Mësuarit me Ndihmën e
Kolegëve ose ose siç njihet në anglisht me akronimin PEM PAL) është një rrjet
praktikuesish në financat publike në vendet e rajonit të EAQ. Qëllimi i rrjetit
është të ndajë përvojat dhe të promovojë të mësuarit përmes kolegëve lidhur
me zbatimin e reformës në fushat kyçe të menaxhimit të financave publike
përmes të ashtuquajturit Komuniteteve të Praktikës (KtëP-s) në Buxhetim,
2011-01-05/382 / COO.2101.104.5.2418349 1

Thesar dhe Auditimin e Brendshëm. MSHP MNG synon të përmirësojë
efikasitetin, efektshmërinë, dhe transparencën e shpenzimeve publike përmes
teknikave të krahasimit dhe vlerësimit (kryesisht të Shpenzimeve Publike &
Përgjegjshmërisë Financiare, SHPPF).
MSHP MNG ofron tre lloje të mëdha aktivitetesh:
Së pari, një seri aktivitetesh të vazhdueshme, mbi kërkesën e të mësuarit
dhe shkëmbimit të njohurive, të përqendruara rreth tre KtëP-s. Këto aktivitete
përfshijnë workshop-e, takime, video-konferenca, shkëmbimin e raporteve,
shkëmbimin bazuar mbi faqet e internetit (p.sh. shkëmbimi i dokumentave si
p.sh. udhëzuesit buxhetor), dhe kontakte të tjera joformale për të diskutuar
një temë dhe për të forcuar marrëdhëniet brenda komunitetit dhe për të
ndihmuar punonjësit për të marrë feedback në kohë reale nga kolegët.
Së dyti, vizitat studimore ndihmojnë në përmirësimin e sistemeve të
menaxhimit të financave publike përmes ndërveprimit dhe diskutimit, si në
institutet përfituese dhe ato pritëse. Ato synojnë të (i) hulumtojnë se si një
aspekt specifik i sistemit të menaxhimit të financave publike është trajtuar në
mënyrë të suksesshme në një vend tjetër; (ii) shkëmbejnë ide dhe mësimet e
mësuara midis vizitorëve dhe pritësit; dhe (iii) të asistojnë në transmetimin e
informacionit midis anëtarëve të komunitetit të MSHP MNG.
Së treti, takime plenare të MSHP MNG që mbledhin së bashku të gjithë
vendet pjesëmarrëse dhe donatorët e programit për të diskutuar tema
specifike mbi interesat e përgjithshëme.
Struktura Drejtuese/Qeverisëse
Programi MSHP MNG drejtohet nga një Komitet Drejtues i përbërë prej një
përfaqësuesi prej secilit donator, një përfaqësues nga Sekretariati dhe dy
anëtarë të Komuniteteve të Praktikës. Roli i tij kryesor është a) të ketë një pamje
të përgjithshme të programit, b) të përcaktojë drejtimet, c) të miratojë buxhetin
vjetor të programit dhe d) të vendosë mbi aplikimet për aktivitetet MSHP MNG
të cilat janë paraqitur nga pjesëmarrësit. Për momentin, SECO Zvicër po drejton
Komitetin Drejtues të MSHP MNG.
Sekretariati i MSHP MNG është vendosur tek “Qendra e Ekselencës në
Financa” (QEF) në Lubjanë. Një përfaqësues i Bankës Botërore (BB) po vepron
si Drejtues i Ekipit në Detyrë (DED) dhe ka përgjegjësi për të mbikëqyrur fondet
e administruara nga BB si dhe mbikëqyrjen e përgjithshme të punës së
Sekretariatit.
Rezultatet e deritanishme
Që prej krijimit të saj, MSHP MNG ka prezantuar disa veçori të reja dhe ka
kaluar sfida të mëdha. MSHP MNG përmendet shpesh si rast ilustrues për të
treguar procesin e të mësuarit përmes kolegëve. Programi është vlerësuar në
2008. Rezultatet ishin pozitive dhe kanë treguar që është një rrjet i çmuar i cili
ofron të mësuarit përmes kolegëve në fushat e shpenzimeve publike, sistemet e
2011-01-05/382 / COO.2101.104.5.2418349
2

përgjegjshme të MSHP dhe integrimin e qasjeve të SHPPF në rajon. Një tjetër
vlerësim është planifikuar të kryhet në 2011.
Si të përfshihesh
MSHP MNG është një program i orientuar sipas kërkesës ku punonjësit publik
në fushën e financave mund të aplikojnë te tre Komunitetet të Praktikës (KtëP-s)
në Buxhetim, Thesar dhe Auditim të Brendshëm. Për secilin vend përfitues
mund t'i bashkohen si anëtarë të KtëP-s maksimalisht dy përfaqësues. Suksesi i
MSHP MNG varet nga puna e anëtarëve të saj prej vendeve të ndryshme por
me përgjegjësi të ngjashme të cilët zhvillojnë pjesën më të madhe të axhendës
së tyre dhe vendosin se si t‟i ndajnë sa më mirë përvojat midis tyre duke
përdorur rrjetin, të mësuarit elektronik dhe takimet e drejtpërdrejta me njëritjetrin.
Informacion i mëtejshëm dhe detajet e kontaktit
Faqe interneti: www.pempal.org
Koordinatori i MSHP MNG (PEM PAL) në SECO:
Tel.: +41 31 324 07 94
Email: wemu.sekretariat@seco.admin.ch
2011-01-05/382 / COO.2101.104.5.2418349
3