glas kastavski 53 / rujan 2009 - Grad Kastav

»Armunika cvili, bas rompota
Srce mi je puno jubavi…«
A bilo nan je srce puno jubavi i ovega
vijaja na 7. susrete »Z armunikun va
Kastav«. Jubavi ku su duboko ćutili si
oni poklonici i zaljubljenici instrumenta
ki stoljećima neti oganj ki se nikada ne
pogasi. Armunika – ti dragi, mili instrument,
armunika – ka važge va čoveke
oganj veselja, strasti i razigranosti, ma
i dušu z miron ispunjuje i duboko oplemenjuje.
Glazbena baština dokaz je kreativnosti
judi ovega našega kraja, a Kastav njoj je
ponutil teplo njazlo mej z bršjanon obraslemi
kamiki zrušene Crekvini. Njazlo,
va ken se j’ rivalo, potancevalo, pokantevalo
i uživalo va sopnjade šezdesetak
harmonikaškeh majstori z cele naše županije,
Slovenije, Italije, Austrije, Slovačke
i Makedonije. Njegujuć tradiciju
nagrađivanja oneh sopci ki sopu već
više od pol stoljeća, ovo leto slavjenička
čast pripala je trin ženskican, Marije
Iskra, Miliane Tuševljak i Ane Lovrečić,
ke armuniku sopu od svojga 15 leta i ponos
su kastafskega susreta armunikaši.
Ana Lovrečić je Istrijanka
ka biva va Volosken. Kad je
imela 8 let va škole je počela sost
armuniku, a kašneje se je sama
vadila. Nekada je malo ženskeh
soplo, pa je zato Ana imela čuda
obožavatelji ki su je vavek sakamor
sobun zimali. Vavek je bila
vesela i parićana za feštu! Sopla je
na pireh, veselicah i o puste. »Ovo
druženje je jako lepo! Danaska
se judi se manje vesele, mladi se
nekako drugačije zabavjaju. Z
armunikun je vavek veselo i zato
hvala sen organizatoron ki nan
sako leto parićaju veselje za dušu
i telo«, rekla nan je.
Posebno su nas zabavili člani
makedonskega društva
»Ilinden«, ki su va narodneh
nošnjah tancon, kanton
i sopnjadun pokazali delić
svojega bogatega kulturnega
nasleđa kade i armunika ima
nezaobilaznu važnost. Na
susret armunikaši prišla je i
ukrajinska folklorna skupina
z Užgaroda, »Državni zaslužni akademski
narodni zakarpatski hor« i zabavili
nas svojemi narodnemi pjesmami.
Poštimali su ov susret i Brođani, pa je
harmonikaški orkestar »Bela pl. Panthy«
z Slavonskega Broda ožižgal po
slavonsku.
A da na mladeh svet počiva i da mladi
se više štimaju armuniki, govori i
činjenica da je va Kastav prišal i jedan
jedanajst let star mladićac, Andrea
Tini z Abruzza (Italija) ki je sopal na
Miliana Tuševljak – Milica je Lovranka
ka je počela sost još kot otročica. Ukrala
je armuniku i pokrila se z lancunon da ju niki ne
vidi da sope. Od onda je sopla na seh feštah, a
posebno je štimana ča je već 12 let članica manifestacije
»Z armunikun v Roč«. Aktivna je i va
lovransken KUD-e »Lovor« kade kanta već 25 let,
a uz to piše i čakavsku poeziju. Na pitanje kako
se to ariva, odgovara: »Ma to ti je va krve, veselje
mi je urojeno. Od mićeh nog kantan i sopen...«.
A i od susreta va Kastve rekla nan je se najboje:
»Ovaj susret je prekrasan! Uživaš va muzike, va
sopnjade i kante, kega poznatega trefiš i poćakulaš,
družiš se z zaljubljenici va armuniku. Ma
kamo ćeš lepče! Zahvaljujen se na priznanje, bilo
je to jeno lepo iznenađenje ko nan je dalo još više
koraja za sost, zato ćemo se videt i k letu!
Manifestacije
tradicionalnen
organette
i svetski je prvak va svojoj kategorije.
Susret su i ovo leto organizirali Udruga
»Armunika«, Grad Kastav i kastavska
Turistička zajednica. Za kraj, trebalo je
čut kako j’to kad četrdeset armunik zasope
»Radetzky marš«.
Soplo se j’ po Kastve do kasno va noć.
Pod Ložun, na Vidikovce, pul Dukići
i va saken kantuniće i va konobah čul
se je armuniki glas. Aš reču da ki sope i
kanta, ne misli nikakovo zlo, lego samo
lepo i dobro.
N. DUKIĆ
Marija Iskra – Mici najstareja je
harmonikašica na susrete va Kastve.
Počela se j’ sama vadit sost kad je imela 14
let i to va konobe, po skriveć, aš su stareji na
nju zijali da njoj to neće kruha prnest. Mici
reče da je sopnjada neč ča moraš volet, to
moraš imet va krve i bit veseljak va duše.
Z armunikun se more pobeć od sakidajneh
brig, zato i dan danaska Mici najprvo zasope
kad se jutro stane. Dobiveno priznanje
puno njoj znači, rekla je: »Lepo je videt
ovoliko sopci na kupe. Vježbala san mesec
dan za današnji nastup, nisan se toliko parićevala
ni kad san se šla ženit! Presretna san
zbog nagradi, to je priznanje za sa ova leta
ča san sopla i judi zabavjala, zato želin podelit
jubav prema muzike z semi vami«.
Glas kastavski
19