“Nanobiotexnologiya” fənninin proqramı - Bakı Dövlət Universiteti

Bakı Dövlət Universitetinin “Nanomaterialların kimyəvi fizikası”
kafedrasının əməkdaşları f.e.d. professor
Ramazanov Məhəmmədəli Əhməd oğlu, b.e.n. ,dosent
Əhmədov İsmət Süleyman oğlu və biologiya elmləri
namizədi, dosent L.İ.Vəliyeva tərəfindən
hazırlanmış “Nanobiotexnologiya”
adlı fənn proqramına
RƏY
Son illər nanotexnologiyanın ən perspektivli hesab edilən sahəsi nanobiotexnologiya
intensiv inkişaf mərhələsindədir. Nanobiotexnologiya fundamental təbiət elmlərinin- kimya,
biologiya, fizika və texniki elmlərin nailiyyətlərindən bəhrələnərək geniş tətbiq sahələri
tapmışdır. Onun inkşafı molekulyar biologiya, genetika, hüceyrə biologiyası kimi sahələrin
inkişafına əhəmiyyətli dərəcədə təkan vermişdir. Nanobiotexnologiyanın tibbdə, biologiyada
və biotexnoloji proseslərdə böyük rolu vardır. Bu sahədə mühüm nəticələr alınmışdır.
Nanobiotexnologiya sahəsində elmi tədqiqatlarla yanaşı onun sərbəst bir elm kimi ali
məktəblərdə tədrisi də vacib məsələlərdəndir. Biologiya sahəsi üzrə ixtisaslaşan bakalavr və
magistr tələbələri üçün nanobiotexnologiyanın bir fənn kimi tədris edilməsi bu sahəyə
marağın artmasına və gələcək tədqiqatların genişlənməsinə səbəb olacaqdır. Bu yeni elm
sahəsi Respublikamızın bir sıra universitetlərində tədris olunmağa başlamışdır. Bu
istiqamətdə dərsliklərinin, dərs vəsaitlərinin və eləcə də müxtəlif fənn programlarının
hazırlanmasına böyük ehtiyac var. Bu ehtiyacı nəzərə alaraq BDU nun “Nanomaterialların
kimyəvi fizikası” kafedrasının əməkdaşları “Nanobiotexnologiya” fənn proqramı
hazırlamışlar.
“Nanobiotexnologiyanın” proqramı məzmunca dolğun, əhatəli və sistemli şəkildə
tərtib edilmişdir. Fənnin mənimsənilməsinin təmin edilməsi üçün proqram müasir tədris
prinsiplərinə əsasən qurulmuşdur. Proqram giriş sözündən və 10 altbaşlıqdan ibarətdir. Əsas
anlayışlar, azərbaycan dilində sadə və terminologiyaya uyğun verilmişdir. Proqramda
nanoölçülü sistemlərin təsnifatı, alınma üsulları, tədqiqat üsulları nanotexnologiya haqqında
tam təsəvvür əldə etməyə imkan verir. Nanobiotexnologiyanı mühüm tibbi problemlərin
həllində rolu geniş açıqlanır. Proqramın tərtibində geniş ədəbiyyat məlumatlarından və
internet səhifələrindən istifadə edilmişdir. Beləliklə, hesab edirəm ki, Nanomaterialların
kimyəvi fizikası kafedrasının əməkdaşları f.e.d.,prof. Ramazanov Məhəmmədəli Əhməd
oğlu, b.e.n.,dosent Əhmədov İsmət Süleyman oğlu və kimya elmləri üzrə fəlsəfə doktoru
Hacıyeva Flora Vidadi qızı tərəfindən hazırlanmış “Nanotexnologiyanın ekologiyada
tətbiqi” adlı fənn proqramına istər elmi, istərsə də metodoloji cəhətdən qusursuz tərtib
olunmuşdur və çapa təqdim oluna bilər.
AMEA, Botanika institutu
B.e.d
S.Y.Süleymanov