“Nanobiotexnologiya” fənninin proqramı - Bakı Dövlət Universiteti

Giriş
Nanobiotexnologiya son illər intensiv inşaf edən nanotexnologiyanın xüsusi bir
bölməsi kimi çox aktual bir ixtisas sahəasinə çevrilməkdədir. Nanobiotexnologiya
nanotexnologiya yolu ilə alınmış materialların və maddələrin bioloji sistem və proseslərdə
rolunu, tətbiqini nəzərdə tutur, onların canlı sistemlərə təsirini araşdırır. Nanohissəciklərin
bioloji sistemlərdə oynayacağı rolu aydınlaşdırmağa çalışır. Nanobiotexnologiya atom
səviyyəsində baş verən bioloji proseslərin nanotexnologiyada istifadısi imkanlarını araşdırır.
Biomaterialların və nanohissəciklərin fiziki və kimyəvi xassələrini yaxşılaşdırmaqda, onların
tibbdə və ətraf mühitin qorunmasında imkanlarının artırılmasında xüsusi rolu var. Son vaxtlar
biomateriallarla nanomaterialların konvergensiyasından istifadə edərək tibbi praktikada çox
ümüdverici nəticələr alırlar. Bu nəticələrə dərman preparatlarının orqanizmə yeridilmasi,
onların lazım olan toxumalara, hüceyrələrə çatdırılması, xəstəlik mənbələrinin aradan
qaldırılması kimi üsulları misal göstərmək olar. Xərçəng xəstəliyinin və eləcə də digər
xəstəliklərin dəqiq və erkən diaqnostikasında biomateriallarla nanomaterialların qarışığından
alınmış materialların böyük imkanları açılır. Bu materiallar həddən artıq həssas materiallar
olduğundan onların vasitəsilə alınan informasiyalar hətta atom və molekul səviyyəsində ola
bilir. Nanobiotexnologiyanın vasitəsilə hətta molekul səviyyəsində, məsələn, DNT
molekullarında baş verən dəyişikliyi müəyyən etmək və onları aradan qaldırmaq mümkün
olacaq.Nanomateriallarin toksikliyinin öyrənilməsi, onların zərərli və faydalı tərəflərinin
açılması məhz nanobiologiyanın istiqamətlərindən biri olacaq. Nanobiotexnologiyanın
gələcək perspektivləri ümüdvericidir və bu elm sahəsinin sayəsində insanlar canlı aləmdə
başverən proseslərin daha dərin təbiətini aça biləcəklər.