Konferenca : - Riinvest Institute

mënyrë të pakufizuar. Ata duhet që ti përdorin njohurit e tyre për të menduar në mënyrë
kritike, për të hulumtuar, për ti përpunuar të dhënat, për të përdorur mjetet multimediale ,
për të bashkëpunuar, për të komunikuar, për të zgjedhur probleme dhe për të krijuar.
Qëllimi i këtij punimi është paraqitja e marrëdhënies në mes mendimit kritik, TIK ,
arsimit dhe zhvillimit ekonomik të cilat mund të lidhen nga krijuesit e politikave dhe
administratorët e shkollave për reformën e qëndrueshme të arsimit dhe rritjes ekonomike.
II. Hyrje
Në zhvillimin e kapitalit njerëzor dhe social rolë të rëndësishëm ka efikasiteti dhe
efektiviteti i sistemit arsimor . Sistemi i arsimit në Kosovë gjatë 20 viteve të kaluar, ka
lundruar përmes tranzicioneve të vazhdueshme . Sot jemi dëshmitarë të rezultateve të
ulëta të arsimit për të cilat tani më ka mjaft analiza dhe tentime për të shpjeguar se ku e
kanë burimin. Edhe në dy vitet e fundit shkollore rezultatet e provimit të maturës
shtetërore janë të ulëta (në vitin shkollor 2008 44.70%, dhe në vitin 2009 45.66% ). Ky
rezultat është një tregues i cilësisë së sistemit të arsimit në Kosovë, që është një sistem
shumë kompleks. Rezultati flet mjaft edhe për kualitetin e programeve mësimore, flet për
kualitetin e mësimdhënies, për kualitetin e teksteve, për udhëheqjen dhe organizimin që
kemi në sistemin e arsimit dhe për infrastrukturën.
Aktualisht reformat janë duke vazhduar të ndodhin duke ngritur një sërë pikëpyetjesh
dhe dilemash edhe për udhëheqjen dhe menaxhimin e institucioneve arsimore si pjesë e
këtij sistemi. Deri më tani ndër pikat më të ndjeshme të sistemit arsimor janë udhëheqja
dhe menaxhimi. Zhvillimi i koncepteve bashkëkohore planifikuese dhe menagjeriale në
sistemin e arsimit janë ndër faktorët kryesor që e përcaktojnë efikasitetit dhe efektivitetit
në arsim.
Menaxhimi i sistemeve arsimore, vjen si një fushë studimi dhe fushë praktike në lidhje
me operacionet e institucioneve arsimore. Edhe pse shumë nga teoritë e konceptet të cilat
i adresohen menaxhimit të arsimit vijnë nga ambientet organizative industriale, sot
ambienti i arsimit është i përcaktuar në ndërtimin e formave specifike të aplikimit të
teorive dhe zbatimit praktik të tyre. Si menaxhimi edhe udhëheqja , në kontekstin e
institucioneve arsimore shikohen si aktivitete praktike. Gjithsesi aplikimi i teorive në
situatat praktike shikohet nga ekspertë si një gjë e vështirë. Në çdo situatë, drejtuesit e
institucioneve arsimore duhet të rregullojnë raportet në mes të udhëheqjes , menaxhimit
dhe administrimit në punën e tyre.
Për të ndikuar në cilësinë e arsimit e cila ka rol të rëndësishëm në zhvillimin e kapitalit
njerëzor janë identifikuar tri pyetje kyç për arsimin e mesëm të ulët :
a) A i siguron plani zhvillimor i shkollës ndryshimet cilësore ?
b) Sa i përdorin mësimdhënësit metodologjitë e mësimdhënies që i zhvillojnë shprehitë e
të menduarit kritik dhe kreativ te nxënësit ?
c)Në çmasë i kanë diktuar rezultatet e pritura dhe korrelacioni lëndor në kurrikulin e
TIK për arsimin e mesëm të ulët nivelin e njohjeve tek nxënësit ?
4