1 DASTUURKA DALKA JAMHUURIYADDA ... - Somali Talk

2)- Baarlamaanka waxuu amri karaa baaritaano ay fulinayaan Guddiyo ka
kooban xildhibaano ka kala socda dhammaan kooxaha Baarlamaaniga ah,
si loo soo baaro dhacdooyin ama xaalado khuseeya danta guud. Marka uu
go’aansado in uu amro baaris noocani, Goluhu waxuu dejinayaa awoodaha
Guddiyada oo aan ka baxsanayn xuduudaha Dastuurka; waxuu kaloo
magacaabi karaa khabiiro la shaqeeya guddiyada.
CINWAANKA II
MADAXWAYNAHA JAMHUURIYADDA
QODOBKA 70 aad
DOORASHO
1)- Madaxweynaha Jamhuuriyadda ayaa noqonaya madaxa Dawladda wakiilna
ka ah cutubka Qaranka.
2)- Madaxweynaha Jamhuuriyadda waxaa si cod–bixin qarsoodi ah ku
dooranaya Golaha Baarlamaanka oo ah in uu helo aqlabiyad dhan seddax
meelood laba meel ( 2 /3) codadka xildhibaanda wareegga kowaad iyo kan
labaad ama aqlabiyad buuxda ee Golaha, cod-bixinada xiga.
3)- Marka uu qaado xilkiisa hawleed, Madaxwaynaha Jamhuuriyadda waxuu
Golaha Baarlamaanka hortiisa ku marayaa dhaarta socota ee daacad u
noqoshada Dawladda/Qaranka:- “waxaan ku dhaaranayaa magaca
Ilaahay in aan si daacadnimo ah u gudan doona dhammaan
waajibaadyadayda shaqo ee Madaxwaynanimada Jamhuuriyadda iyo
in aan u difaaci doono Dastuurka ilaa inta karaankayga oo ay ku
jirto danta Dalka iyo Qaranka”.
QODOBKA 71 aad
SHURUUDAHA MUDNAANSHAHA.
1)- Muwaadin kasta oo Muslim ah, Aabihii iyo Hooyadiina ay labaduba yihiin
muwaadiniin asal ah oo xaq u leh in uu cod dhiibto/bixiyo, da’diiso aysan
ka yareen afartan iyo shan jir, waxuu mudnaan u yeelanayaa in uu noqdo
Madaxwaynaha Jamhuuriyadda. Qof lama dooran karo in kabadan laba
xilli doorasho oo isku xiga.
24